ຫຼາຍ​ລັດ​ໃນ ສ ອາ​ເມ​ຣິ​ກາ ປະກາດ​ພາວະ​ສຸກ​ເສີນ​ຍ້ອນ​ອາກາດ​ໜາວ​ຈັດ

794 01 ກ.ພ. 2019 ຂ່າວຕ່າງປະເທດ
ຫຼາຍ​ລັດ​ໃນ ສ ອາ​ເມ​ຣິ​ກາ ປະກາດ​ພາວະ​ສຸກ​ເສີນ​ຍ້ອນ​ອາກາດ​ໜາວ​ຈັດ

    ທິດຕາເວັນຕົກ​ຂອງ​ພາກ​ກາງ ສ ອາ​ເມ​ຣິ​ກາ ພວມ​ປະ​ເຊີນ​ກັບ​ສະພາບ​ອາກາດ​ໜາວ​ຈັດ​ທີ່​ຮ້າຍ​ແຮງ ໂດຍ​ທີ່​ອຸ່ນ​ຫະ​ພູມ​ລົງ​ຕ່ຳ​ເປັນ​ປະຫວັດ​ການ ພາຍ​ໃນ​ວັນ​ທີ 30 ມັງກອນ​ທີ່​ຜ່ານ​ມາ ສົ່ງ​ຜົນ​ໃຫ້​ໂຮງຮຽນ ແລະ ​ບໍລິສັດ​ຫຼາຍ​ແຫ່ງ ຕ້ອງ​ປິດ​ການ​ເຮັດ​ວຽກ ໃນ​ຂະນະ​ທີ່​ໄປສະນີ​ກໍ​ງົດ​ການ​ສົ່ງ​ໄປສະນີ ພັນ.

    ທີ່​ນະຄອນ​ຊີ​ກາໂກ ອຸ່ນ​ຫະ​ພູມ​ໃນ​ເວລາ​ຕອນ​ເຊົ້າ​ຂອງ​ວັນ​ທີ 30 ມັງກອນ ຢູ່​ທີ່​ລະດັບ​ລົບ 28 ອົງສາ C (-28 ອົງສາ C) ເປັນ​ການ​ທຳລາຍ​ລະດັບ​ສະຖິຕິ ທີ່​ໄດ້​ບັນທຶກ​ໄວ້​ກ່ອນ​ໜ້າ​ນີ້ ເມື່ອ​ປີ  1966.  ທີ່​ລັດ​ມີ​ເນ​ໂຊ​ຕາ ອຸ່ນ​ຫະ​ພູມ​ຫຼຸດ​ລົງ​ສູ່​ລະດັບ -34 ອົງສາ C ໃນ​ຂະນະ​ທີ່ຢູ່​ໃນ​ເມືອງ ຟາ​ໂກ ທີ່​ຂຶ້ນ​ກັບ​ລັດ ນອດ ດາ​ໂກ​ຕາ ແທກ​ໄດ້ -35 ອົງສາ C.

    ອົງການ​ໄປສະນີ​ຂອງ ສ ອາ​ເມ​ຣິ​ກາ (UPS) ໃຫ້​ຮູ້​ວ່າ​ຈະ​ຢຸດ​ການ​ສົ່ງ​ໄປສະນີ​ພັນ ໃນ​ວັນ​ທີ 30 ມັງກອນ ຢູ່​ໃນ​ບາງ​ແຫ່ງ ຫຼື​ທົ່ວ​ເຂດ ທິດຕາເວັນຕົກ​ຂອງ​ພາກ​ກາງ ສ ອາ​ເມ​ຣິ​ກາ ອັນ​ປະກອບ​ດ້ວຍ​ລັດ ນອດ​ດາ​ໂກ​ຕາ ເຊົາ​ດາ​ໂກ​ຕາ ເນບ​ຣາ​​ສ​ກາ ແຄນ​ຊາ​​ສ ມີ​ເນ​ໂຊ​ຕາ ວິ​​ສ​ຄອນ​ຊິນ ໄອ​ໂອ​ວາ ອີ​ລີ​ນອຍ​​ສ ອິນ​ເດຍ​ນາ ແລະ ​ມີ​ຊີ​ແກນ.

ຂ່າວທີ່ກ່ຽວຂ້ອງ