ບັນດາ​ປະເທດ​ມະຫາ​ອຳນາດ ໃຫ້​ສັນຍາ​ປົກ​ປ້ອງ​ສົນທິສັນຍາ​ວ່າ​ດ້ວຍ​ການ​ບໍ່​ເຜີຍແຜ່​ອາວຸດ​ນີວ​ເຄລຍ

741 01 ກ.ພ. 2019 ຂ່າວຕ່າງປະເທດ
ບັນດາ​ປະເທດ​ມະຫາ​ອຳນາດ ໃຫ້​ສັນຍາ​ປົກ​ປ້ອງ​ສົນທິສັນຍາ​ວ່າ​ດ້ວຍ​ການ​ບໍ່​ເຜີຍແຜ່​ອາວຸດ​ນີວ​ເຄລຍ

    ຂ່າວສານ​ຊິນ​ຮວາ ລາຍ​ງານ​ວ່າ 5 ປະເທດ​ສະມາຊິກ​ຖາວອນ (P5) ຂອງ​ສະພາ ຄວາມ​ໝັ້ນຄົງ ສະຫະ​ປະຊາ​ຊາດ ໄດ້ແກ່ ຈີນ ຝຣັ່ງ ຣັດ​ເຊຍ ອັງກິດ ແລະ ສ ອາ​ເມ​ຣິ​ກາ ໄດ້​ຈັດ​ກອງ​ປະຊຸມ​ຢ່າງ​ເປັນ​ທາງ​ການ ຢູ່​ທີ່​ນະຄອນຫຼວງ​ປັກ​ກິງ (ຈີນ) ໃນ​ວັນ​ທີ 30 ມັງກອນ​ທີ່​ຜ່າມ​​ນ​ມາ ເພື່ອ​ປຶກສາ​ຫາລື​ກ່ຽວ​ກັບ​ບັນດາ​ບັນຫາ ທີ່​ພົວພັນ​ເຖິງ​ນີວ​ເຄລຍ ພ້ອມ​ກັນ​ນັ້ນ ກໍ​ໃຫ້​ສັນຍາ​ເຖິງ​ການ​ຮ່ວມ​ກັນ​ປົກ​ປ້ອງ​ສົນທິສັນຍາ​ວ່າ​ດ້ວຍ​ການ​ຫ້າມ​ເຜີຍແຜ່​ອາວຸດ​ນີວ​ເຄລຍ (NPT).

   ທ່ານ ຊາງ​ຈຸນ ຜູ້​ຊ່ວຍ​ວຽກ​ລັດຖະມົນຕີ​ກະຊວງ​ການ​ຕ່າງປະເທດ​ຈີນ ທັງ​ເປັນ ຫົວໜ້າ​ຄະນະ ຜູ້​ແທນ​ຈີນ ເຂົ້າ​ຮ່ວມ​ກອງ​ປະຊຸມ​ດັ່ງກ່າວ ເວົ້າ​ວ່າ P5 ໄດ້​ເຫັນ​ດີ​ເປັນ​ເອກະສັນ​ກັນ ໃນ​ຄວາມ​ພະຍາຍາມ​ເພື່ອ​ໃຫ້​ບັນລຸ​ຄວາມ​ຄືບ​ໜ້າ​ຫຼາຍ​ຂຶ້ນ ໃນ​ການ​ຫຼຸດຜ່ອນ​ອາວຸດ​ນີວ​ເຄລຍ ພ້ອມ​ກັນ​ນັ້ນ​ກໍ​ພະຍາຍາມ​ສຸດ​ຂີດ ເພື່ອ​ແກ້​ໄຂ​ບັນຫາ​ບໍ່​ເຜີຍແຜ່​ອາວຸດ​ນີວ​ເຄລຍ ໂດຍ​ຜ່ານ​ມາດ​ຕະການ ທາງ​ດ້ານ​ການເມືອງ ແລະ​ການ​ທູດ ແລະ​ເພີ່ມ​ທະວີ​ການ​ຮ່ວມ​ມື​ສາກົນ ກ່ຽວ​ກັບ​ການ​ນຳ​ໃຊ້​ພະລັງງານ​ນີວ​ເຄລຍ​ຢ່າງ​ສັນຕິ.

    ປະເທດ​ມະຫາ​ອຳນາດ​ດັ່ງກ່າວ ທີ່​ຕ່າງ​ກໍ​ປະກອບ​ນີວ​ເຄລຍ ໄດ້​ຜັດປ່ຽນ​ກັນ​ຈັດ​ກອງ​ປະຊຸມ ມາ​ຕັ້ງແຕ່​ປີ 2009 ເພື່ອ​ຮັກສາ​ການ​ຕິດຕໍ່​ເປັນ​ປະຈຳ ກ່ຽວ​ກັບ​ບັນດາ​ບັນຫາ​ທີ່​ພົວພັນ​ເຖິງ​ຍຸດ​ທະ​ສາດ ແລະ​ຄວາມ​ປອດ​ໄພ​ນີວ​ເຄລຍ.  ກອງ​ປະຊຸມ​ເທື່ອ​ຫຼ້າ​ສຸດ​ທີ່​ຜ່ານ​ມາ ຈັດ​ຂຶ້ນ​ຢູ່​ທີ່​ນະຄອນຫຼວງ​ວໍ​ຊິງ​ຕັນ (ສ ອາ​ເມ​ຣິ​ກາ) ເມື່ອ​ປີ 2016.

ຂ່າວທີ່ກ່ຽວຂ້ອງ