EU ນຳ​ໃຊ້​ກຳນົດ​ການ​ນຳ​ເຂົ້າ​ຜະລິດ​ຕະ​ພັນ​ກະສິກຳ ພາຍຫຼັງ Brexit

763 01 ກ.ພ. 2019 ຂ່າວຕ່າງປະເທດ
EU ນຳ​ໃຊ້​ກຳນົດ​ການ​ນຳ​ເຂົ້າ​ຜະລິດ​ຕະ​ພັນ​ກະສິກຳ ພາຍຫຼັງ Brexit

   ເມື່ອ​ວັນ​ທີ 28 ມັງກອນ​ທີ່​ຜ່ານ​ມາ ສະຫະພາບ​ເອີ​ຣົບ (EU) ໄດ້​ຮັບຮອງ​ການ​ກຳນົດ​ພາສີ​ອາກອນ ກັບ​ບັນດາ​ຜະລິດ​ຕະ​ພັນ​ກະສິກຳ ທີ່​ນຳ​ເຂົ້າ​ມາ​ຈາກ​ບັນດາ​ປະເທດ​ທີ​ສາມ ຫຼັງ​ຈາກ​ທີ່​ອັງກິດ​ຖອນ​ອອກ​ໄປ​ຈາກ EU ຫຼື​ທີ່​ເອີ້ນ​ວ່າ Brexit.

    ໃນ​ບັນຊີ​ລາຍການ​ທີ່​ມີ​ຄວາມ​ຍາວ 51 ໜ້າ​ເຈ້ຍ​ນັ້ນ EU ໄດ້​ຈັດ​ໃຫ້​ຜະລິດ​ຕະ​ພັນ​ຫຼາຍ​ລາຍການ ທີ່​ຈະ​ໄດ້​ນຳ​ໃຊ້​ກຳນົດ​ດ້ານ​ພາສີ​ອາກອນ​ໃໝ່ ພາຍຫຼັງ Brexit ໃນ​ນັ້ນ​ມີ​ຊີ້ນ​ງົວ 11.500 ໂຕນ ທີ່​ນຳ​ເຂົ້າ​ມາ​ຈາກ ສ ອາ​ເມ​ຣິ​ກາ ແລະ ​ກາ​ນາ​ດາ ຊຶ່ງ 27 ປະເທດ​ທີ່​ເປັນ​ສະມາຊິກ EU ທີ່​ຍັງ​ເຫຼືອ (EU27) ຈະ​ນຳ​ເຂົ້າ 99,8% ແລະ​ຊີ້ນ​ແກະ​ເກືອບ  230.000 ໂຕນ ທີ່​ນຳ​ເຂົ້າ​ຈາກ ນູ​ແວນ ເຊ​ລັງ ແມ່ນ​ຈະ​ຖື​ແບ່ງປັນ​ຕາມ​ອັດຕາ​ສ່ວນ 50-50.

    ສຳລັບ​ບັນດາ​ຜະລິດ​ຕະ​ພັນ ຊຶ່ງ​ກຳນົດ​ຂອງ EU ຢູ່​ທີ່ 100% ເຊັ່ນ​ເນີຍ​ແຂງ ເຈດ​ດາ ນຳ​ເຂົ້າ​ມາ​ຈາກ​ອົດ​ສະ​ຕຣາ​ລີ  ແລະ ​ຫົວ​ຜັກທຽມ​ຈາກ​ອາກ​ຊັງ​ຕິນ ອາດ​ເປັນ​ໄປ​ໄດ້​ທີ່​ຈະ​ບໍ່​ໄດ້​ຮັບ​ການ​ຍົກເວັ້ນ​ພາສີ​ນຳ​ເຂົ້າ​ໄປ​ໃນ​ອັງກິດ.

ການ​ແບ່ງປັນ​ກຳນົດ ຍັງ​ລວມ​ເຖິງ​ຜະລິດ​ຕະ​ພັນ​ຕ່າງໆ​ເຊັ່ນ ໄມ້ ປາ ແລະ​ ໂລຫະ​ຈຳນວນ​ໜຶ່ງ ຊຶ່ງ​ໄດ້​ຮັບ​ການ​ຄິດໄລ່​ໂດຍ​ອີງໃສ່​ກະແສ​ໄຫຼ​ຕົວ​ຈິງ​ດ້ານ​ການ​ຄ້າ ໃນ​ໄລຍະ​ປີ 2013-2015.

ຂ່າວທີ່ກ່ຽວຂ້ອງ