ຂ່າວຫຼ້າສຸດ

ຈີນ​ ເຜີຍແຜ່​ປຶ້ມ​ປົກ​ຟ້າ​ກ່ຽວ​ກັບ​ການເຄື່ອນໄຫວ​ວິທະຍາສາດ​ການບິນ​ອະວະກາດ

991 01 ກ.ພ. 2019 ຂ່າວຕ່າງປະເທດ
ຈີນ​ ເຜີຍແຜ່​ປຶ້ມ​ປົກ​ຟ້າ​ກ່ຽວ​ກັບ​ການເຄື່ອນໄຫວ​ວິທະຍາສາດ​ການບິນ​ອະວະກາດ

   ປຶ້ມ​ປົກ​ຟ້າ​ກ່ຽວ​ກັບ​ການເຄື່ອນໄຫວ​ວິທະຍາສາດ​ການບິນ​ອະວະກາດ​ຂອງ​ຈີນ ປີ 2018 ໄດ້​ເຜີຍແຜ່​ຢູ່​ນະຄອນຫຼວງ​ປັກ​ກິ່ງ ໃນ​ວັນ​ທີ 29 ມັງກອນ​ທີ່​ຜ່ານ​ມາ ໂດຍ​ລະບຸ​ວ່າ ໃນ​ປີ 2018 ການເຄື່ອນໄຫວ​ສົ່ງ​ດາວ​ທຽມ ແລະ​ ຍານ​ອະວະກາດ​ຂຶ້ນ​ສູ່​ອະວະກາດ​ຂອງ​ຈີນ ໄດ້​ສ້າງ​ສະຖິຕິ​ສູງ​ຄັ້ງ​ໃໝ່ ຄື 39 ຄັ້ງ ກວມ​ຫຼາຍ​ກວ່າ 1/3 ຂອງ​ໂລກ.

   ປຶ້ມ​ປົກ​ຟ້າ ລະບຸ​ວ່າ ໃນ​ປີ 2018 ຈີນ​ມີ​ດາວ​ທຽມ​ປະເພດ​ຕ່າງໆ​ເຊັ່ນ ດາວ​ທຽມ​ໂທລະ​ຄົມ ດາວ​ທຽມ​ການ​ນຳ​ທາງ ການ​ວັດແທກ​ທາງໄກ ແລະ​ອື່ນໆ ທີ່ຢູ່​ວົງ​ໂຄຈອນ​ນັ້ນ​ຫຼາຍ​ກວ່າ 200 ດວງ ໃນ​ຂະນະ​ທີ່​ພື້ນຖານ​ໂຄງ​ລ່າງ​ດ້ານ​ອະວະກາດ​ໄດ້​ພັດທະນາ​ໃຫ້​ມີ​ຄວາມ​ສົມບູນ​ຂຶ້ນ​ຕື່ມ​ອີກ. ຂະນະ​ດຽວ​ກັນ ຈີນ​ກໍ​ໄດ້​ສົ່ງ​ດາວ​ທຽມ​ຂຶ້ນ​ສູ່​ວົງ​ໂຄຈອນ ໃຫ້​ເວ​ເນ​ຊູ​ເອ​ລາ ອານ​ເຊຣີ ແລະ​ປະເທດ​ອື່ນໆ​ຢ່າງ​ສຳເລັດ​ຜົນ​ໃນ​ປີ 2018 ທັງ​ໄດ້​ສົ່ງ​ດາວ​ທຽມ 10 ດວງ​ໃຫ້​ແກ່​ອົງການ​ການບິນ​ອະວະກາດ​ເອີ​ຣົບ ເບ​ລາ​ຣຸ​​ສ ປາ​ກິດ​ສະຖານ ອາ​ຣາ​ບີ​ຊາ​ອຸ​ດິດ ອາກ​ຊັງ​ຕິນ ແລະ ປະເທດ​ອື່ນໆ.

     ປຶ້ມ​ປົກ​ຟ້າ​ຍັງ​ເຜີຍ​ໃຫ້​ຮູ້​ວ່າ ປີ 2019 ກຸ່ມ​ວິທະຍາສາດ​ເຕັກ​ໂນ​ໂລ​ຊີ​ການບິນ​ອະວະກາດ​ຈີນ ມີ​ແຜນ​ຈະ​ດຳເນີນ​ການ​ສົ່ງ​ດາວ​ທຽມ ແລະ​ຍານ​ອະວະກາດ​ຫຼາຍ​ກວ່າ 30 ຄັ້ງ ເພື່ອ​ສົ່ງ​ດາວ​ທຽມ ແລະ​ຍານ​ອະວະກາດ 50 ກວ່າ​ຫົວໜ່ວຍ ຂຶ້ນ​ສູ່​ອະວະກາດ. ນອກ​ນີ້ ຍັງ​ຈະ​ສົ່ງ​ຈະ​ຫຼວດ​ສົ່ງ​ຍານ CZ11 ຈາກ​ເທິງ​ທະເລ ແລະ ຈະ​ສົ່ງ​ຈະ​ຫຼວດ​ການ​ຄ້າ​ເຈ​ລົງ 1 ໃຫ້​ສຳເລັດ​ເປັນ​ຄັ້ງ​ທຳ​ອິດ.

ຂ່າວທີ່ກ່ຽວຂ້ອງ