ນັກກີລາໂຮງຮຽນຝຣັ່ງນາໆຊາດວຽງຈັນ ຄົ້ວແຊັມບານບ້ວງ ອາຊີ-ປາຊີຟິກ

385 01 ກ.ພ. 2019 ວົງຈອນກີລາ
ນັກກີລາໂຮງຮຽນຝຣັ່ງນາໆຊາດວຽງຈັນ ຄົ້ວແຊັມບານບ້ວງ ອາຊີ-ປາຊີຟິກ

    ນັກ­ກີ­ລາ​ຈາກ​ໂຮງ­ຮຽນ​ຝຣັ່ງ​ນາໆຊາດ​ວຽງ​ຈັນ Josué-Hoffet (LFIV) ຄົ້ວ​ແຊັມ​ການ​ແຂ່ງ­ຂັນ​ກີ­ລາ​ບານ­ບ້ວງ ຄັ້ງ​ທີ 3 ລະ­ຫວ່າງ​ໂຮງ­ຮຽນ​ຝຣັ່ງ​ໃນ​ເຂດ​ອາ­ຊີ-ປາ​ຊີ​ຟິກ ຮຸ່ນ​ອາ­ຍຸ 15-18 ປີ ຢູ່​ຊຽງ​ໄຮ ສປ ຈີນ.

    ການ​ແຂ່ງ­ຂັນ​ດັ່ງ­ກ່າວ ຈັດ​ຂຶ້ນ​ວັນ​ທີ 26 ມັງ­ກອນ-2 ກຸມ­ພາ 2019 ໂດຍ​ທີມ​ຊາຍ​ມີ 8 ປະ­ເທດ ແລະ ທີມ​ຍິງ ມີ 5 ປະ­ເທດ​ເຂົ້າ​ຮ່ວມ ໃນ​ນີ້ ນັກ­ກີ­ລາ​ຈາກ​ໂຮງ­ຮຽນ​ຝຣັ່ງ​ນາໆຊາດ​ວຽງ​ຈັນ​ທີມ​ຊາຍ ສາ­ມາດ​ຍາດ​ໄດ້​ອັນ​ດັບ 1 ອັນ​ດັບ 2 ສິງ­ກະ­ໂປ ອັນ​ດັບ 3 ຍີ່­ປຸ່ນ ສ່ວນ​ນັກ­ກີ­ລາ​ຍິງ​ຈາກ​ໂຮງ­ຮຽນ​ຝຣັ່ງ​ນາໆຊາດ​ວຽງ​ຈັນ ຍາດ​ໄດ້​ພຽງ​ອັນ​ດັບ 3 ໂດຍ​ອັນ 1 ແມ່ນ​ຍີ່­ປຸ່ນ ອັນ​ດັບ 2 ຮົງ​ກົງ ນອກ​ນີ້​ທ້າວ ເຣ​ມີ່ ພູມ​ສະ­ຫວັນ ແລະ ນາງ ຈັນ​ນະ­ພາ ສີ​ປະ­ເສີດ ຈາກ​ໂຮງ­ຮຽນ​ຝຣັ່ງ​ນາໆຊາດ​ວຽງ​ຈັນ ຍັງ​ໄດ້​ຮັບ​ລາ­ງວັນ​ນັກ­ກີ­ລາ​ດີ­ເດັ່ນ​ຊາຍ-ຍິງ ຕື່ມ​ອີກ.

    ໂຮງ­ຮຽນ​ຝຣັ່ງ​ນາໆຊາດ​ວຽງ​ຈັນ ຮູ້­ສຶກ​ພາກ­ພູມ​ໃຈ​ຫຼາຍ​ຕໍ່​ຜົນ­ສຳ­ເລັດ​ຂອງ​ນັກ­ກີ­ລາ ແລະ ຄູ​ເຝິກ​ທີ່​ເດີນ­ທາງ​ໄປ​ເຂົ້າ​ຮ່ວມ​ງານ​ແຂ່ງ­ຂັນ​ດັ່ງ­ກ່າວ ແລະ ສາ­ມາດ​ຍາດ​ໄດ້­ຜົນ​ງານ​ດີ​ໃຫ້​ແກ່​ປະ­ເທດ ໃນ​ນີ້ ຄະ­ນະ​ນັກ­ກີ­ລາ​ຈະ​ເດີນ­ທາງ​ມາ​ເຖິງ​ສະ​ໝາມ​ບິນ​ວັດ​ໄຕ ວັນ​ທີ 2 ກຸມ­ພາ 2019 ນີ້.

ຂ່າວທີ່ກ່ຽວຂ້ອງ