ຫວູ ເລຍ ເຊັນສັນຍາຫຼິ້ນໃນລາລີກາ ແອັດສະປາຍ

273 04 ກ.ພ. 2019 ວົງຈອນກີລາ
ຫວູ ເລຍ ເຊັນສັນຍາຫຼິ້ນໃນລາລີກາ ແອັດສະປາຍ

    ຫວູ ເລຍ (Wu Lei) ກອງ​ໜ້າ​ທີມ​ຊາດ​ຈີນ ອາ­ຍຸ 27 ປີ ໄດ້​ຕົກ­ລົງ​ເຊັນ​ສັນ­ຍາ​ກັບ​ສະ­ໂມ­ສອນ ເອັສ​ປັນ​ຢໍ (Espanyol) ທີມ​ດັງ​ໃນ ລາ​ລີ​ກາ ລີກ​ສູງ​ສຸດ​ຂອງ​ແອັດ​ສະ​ປາຍ ໂດຍ​ບໍ່​ເປີດ­ເຜີຍ​ເນື້ອ​ໃນ​ສັນ­ຍາ ເຊິ່ງ​ຄາດ​ວ່າ​ຄ່າ​ຕົວ​ປະ­ມານ 3,15 ລ້ານ​ປອນ (ປະ­ມານ 35 ຕື້​ກີບ) ໂດຍ​ຍ້າຍ​ຈາກ​ສະ­ໂມ­ສອນ ຊ່ຽງ​ໄຮ້ ເອັສ​ໄອ​ພີ​ຈີ (Shanghai SIPG) ແຊັມ​ລີກ​ສູງ​ສຸດ​ຂອງ ສປ ຈີນ 2018.

    ຫວູ ເລຍ ກາຍ­ເປັນ​ນັກ​ເຕະ​ສັນ­ຊາດ​ຈີນ ຄົນ­ທີ 2 ທີ່​ຈະ​ໄດ້​ລົງ​ຫຼິ້ນ​ໃນ​ລາ​ລີ​ກາ ຕໍ່​ຈາກ ຈ່າງ ເສິງ​ຕົງ (Zhang Chengdong) ກອງ​ຫຼັງ-ປີກ​ຊ້າຍ ອາ­ຍຸ 29 ປີ ເຄີຍ​ມາ​ຢູ່​ກັບ ຣາ​ໂຢ ບາ​ເລ​ກາ​ໂນ ສັນ­ຍາ​ຍືມ​ຕົວ​ຈາກ ປັກ​ກິ່ງ ກົວ​ອັ່ນ ໃນ​ລະ­ດູ​ການ 2015-16.

    ສຳ­ລັບ ຫວູ ເລຍ ເປັນ​ຄັ້ງ​ທຳ​ອິດ ທີ່​ອອກ​ມາ​ຫາ​ຄວາມ​ທ້າ​ທາຍ​ໃໝ່​ຢູ່​ນອກ​ປະ­ເທດ ແລະ ຖື​ວ່າ​ເປັນ​ກອງ​ໜ້າ​ເບີ 1 ຂອງ​ທີມ​ຊາດ​ຈີນ ໃນ​ປັດ­ຈຸ­ບັນ ຍິງ 120 ປະ­ຕູ ຈາກ 127 ນັດ ສົ່ງ​ໃຫ້​ໜູ່​ຍິງ 66 ປະ­ຕູ ແລະ ຍິງ 27 ປະ­ຕູ​ໃນ​ລີກ​ສູງ​ສຸດ​ຂອງ​ຈີນ ລະ­ດູ​ການ 2018 ກາຍ­ເປັນ​ດາວ​ຍິງ​ສູງ​ສຸດ 6 ລະ­ດູ​ການ​ຕິດ­ຕໍ່​ກັນ ໄດ້​ຮັບ​ລາ­ງວັນ​ນັກ​ເຕະ​ດີ­ເດັ່ນ​ແຫ່ງ​ປີ 2018 ຂອງ​ຈີນ ແລະ ທະ­ວີບ­ອາ­ຊີ ໃນ​ນາມ​ທີມ​ຊາດ​ຈີນ ຫວູ ເລຍ ລົງ​ສະ­ໜາມ​ຊ່ວຍ​ທີມ 63 ນັດ ຍິງ​ໄດ້ 15 ປະ­ຕູ ຍິງ​ໄດ້ 2 ປະ­ຕູ ໃນ​ເອ​ຊຽນ​ຄັບ 2019 ແຕ່​ທີມ​ຕົກ​ຮອບ 8 ທີມ​ສຸດ​ທ້າຍ.

ຂ່າວທີ່ກ່ຽວຂ້ອງ