ຄູເຝິກຣັກບີ້ ໄດ້ຮັບການຍົກລະດັບ

497 04 ກ.ພ. 2019 ວົງຈອນກີລາ
ຄູເຝິກຣັກບີ້ ໄດ້ຮັບການຍົກລະດັບ

    ຄູ​ເຝິກ​ກີ­ລາ​ຣັກ​ບີ້ ຈຳ­ນວນ 112 ຄົນ ໄດ້​ຮັບ​ການ​ຍົກ​ລະ­ດັບ​ຄວາມ​ຮູ້​ຄວາມ​ສາ­ມາດ ການ​ເປັນ​ຄູ​ເຝິກ​ຈຳ­ປາ​ບານ ຣັກ​ບີ້ ພາຍ​ໃຕ້​ຫຼັກ ສູດ ພາດ ອິດ ແບັກ (Child Fund Pass It Back) ເພື່ອ​ນຳ​ເອົາ​ຄວາມ​ຮູ້​ທີ່​ໄດ້​ໃນ​ຄັ້ງ​ນີ້ ໄປ​ພັດ­ທະ­ນາ​ນັກ­ກີ­ລາ​ໃນ​ທ້ອງ­ຖິ່ນ​ຂອງ​ໃຜ­ລາວ ແນ­ໃສ່​ສ້າງ​ໄດ້​ນັກ­ກີ­ລາ​ທີ່​ມີ​ຄວາມ​ເຂັ້ມ­ແຂງ ກຽມ​ເປັນ​ຕົວ​ແທນ​ຂອງ​ເມືອງ ແຂວງ ເຂົ້າ​ຮ່ວມ​ແຂ່ງ­ຂັນ​ລາຍ­ການ​ຕ່າງໆ ທີ່​ຈະ​ຈັດ​ຂຶ້ນ​ໃນ​ອະ­ນາ­ຄົດ.

    ສະ­ຫະ­ພັນ​ກີ­ລາ​ຣັກ​ບີ້​ແຫ່ງ​ຊາດ​ລາວ ໄດ້​ມີ​ການ​ເປີດ​ເຝິກ​ອົບ​ຮົບ​ຄູ​ເຝິກ​ຈຳ­ປາ​ບານ​ຣັກ​ບີ້ ຂຶ້ນ​ເມື່ອ​ວັນ​ທີ 28 ມັງ­ກອນ ຜ່ານ​ມາ ທີ່​ນະ­ຄອນ­ຫຼວງ​ວຽງ​ຈັນ ພາຍ​ໃຕ້​ຫຼັກ­ສູດ ພາດ ອິດ ແບັກ ພາຍ​ໃຕ້​ການ​ເປັນ​ປະ­ທານ​ຂອງ​ທ່ານ ປີ​ຊາ ວົງ​ເດືອນ​ເພັງ ຜູ້​ຈັດ­ການ​ຝ່າຍ​ພັດ­ທະ­ນາ​ກີ­ລາ​ຣັກ​ບີ້ ສະ­ຫະ­ພັນ​ກີ­ລາ​ຣັກ​ບີ້​ແຫ່ງ​ຊາດ​ລາວ ມີ​ທ່ານ​ນາງ ເມ​ແກນ​ໄນ ວິ­ທະ­ຍາ­ກອນ​ຊາວ​ສະ­ຫະ­ລັດ​ອາ​ເມ​ຣິ​ກາ ທັງ​ເປັນ​ຄູ​ເຝິກ​ກີ­ລາ​ຣັກ​ບີ້ ປະ­ຈຳ​ສະ­ຫະ­ພັນ​ຣັກ​ບີ້​ແຫ່ງ​ຊາດ​ລາວ ພ້ອມ​ດ້ວຍ​ຄະ­ນະ​ຄູ​ເຝິກ 3 ທ່ານ ສຳ​ມະ​ນາ​ກອນ ເຂົ້າ​ຮ່ວມ​ທັງ​ໝົດ 112 ຄົນ.

    ໂອ­ກາດ​ນີ້ ທ່ານ ປີ​ຊາ ວົງ​ເດືອນ​ເພັງ ກ່າວ​ໃຫ້​ຮູ້​ວ່າ: ສະ­ຫະ­ພັນ​ຣັກ​ບີ້​ແຫ່ງ​ຊາດ​ລາວ ຈັດ​ອົບ​ຮົບ​ຄູ​ເຝິກ​ຫຼັກ­ສູດ Child Fund Pass It Back ໃນ​ຄັ້ງ​ນີ້ ແມ່ນ​ເພື່ອ​ສອນ​ທັກ​ສະ​ຊີ­ວິດ ການ​ຫຼິ້ນ​ກີ­ລາ​ຣັກ​ບີ້​ໃຫ້​ຖືກ­ຕ້ອງ ພ້ອມ​ກັບ​ການ​ປະ­ຖົມ­ພະ­ຍາ­ບານ ແລະ ທັກ​ສະ​ຕ່າງໆ ໃນ​ຫຼັກ­ສູດ​ດັ່ງ­ກ່າວ ເຊິ່ງ​ໄລ­ຍະ​ການ​ອົບ­ຮົມ​ແມ່ນ​ເປັນ​ເວ­ລາ 7 ວັນ ລະ­ຫວ່າງ​ວັນ​ທີ 28 ມັງ­ກອນ ຫາ 3 ກຸມ­ພາ 2019 ໂດຍ​ມີ​ສຳ​ມະ​ນາ​ກອນ​ເຂົ້າ​ຮ່ວມ​ທັງ​ໝົດ 112 ຄົນ ທີ່​ມາ​ຈາກ​ທົ່ວ​ນະ­ຄອນ­ຫຼວງ​ວຽງ​ຈັນ ແຂວງ​ຊຽງ​ຂວາງ ແລະ ມາ​ຈາກ​ປະ­ເທດ​ຍີ່­ປຸ່ນ.

ຂ່າວທີ່ກ່ຽວຂ້ອງ