ໂຮງໝໍຈີນ ໃຊ້ຫຸ່ນຍົນເປັນຜູ້ຊ່ວຍແພດຜ່າຕັດ

266 05 ກ.ພ. 2019 ຫົວຂໍ້ຂ່າວອື່ນໆ

    ໂຮງ­ໝໍ​ຈີນ ໄຊ​ນ່າ​ເດລີ (24 ມັງ­ກອນ) ໄດ້​ເປີດ­ເຜີຍ​ພາບ​ແພດ​ໃນ​ໂຮງ­ໝໍ​ຫວູ່​ອັ່ນ ໃນ​ມົນ­ທົນ ຫູ​ເປີ່ຍ ປະ­ເທດ​ຈີນ ຜ່າ­ຕັດ​ໂດຍ​ມີ​ຫຸ່ນ​ຍົນ​ເປັນ​ຜູ້​ຊ່ວຍ​ໃນ​ການ​ຕຶງ​ກະ­ດູກ​ຂາ​ຫັກ​ຂອງ​ຜູ້​ປ່ວຍ ເມື່ອ​ວັນ​ທີ 22 ມັງ­ກອນ​ທີ່​ຜ່ານ​ມາ ນັບ​ເປັນ​ຄັ້ງ​ທຳ​ອິດ​ທີ່​ຫູ​ເປີ່ຍ​ໃຊ້​ແຂນ​ຫຸ່ນ​ຍົນ​ເພື່ອ​ດຳ­ເນີນ​ການ­ຜ່າ­ຕັດ ໂດຍ​ຫຸ່ນ​ຍົນ​ຮຸ່ນ​ນີ້ ເປັນ​ຫຸ່ນ​ຍົນ​ທີ່​ພັດ­ທະ­ນາ​ໃນ​ປະ­ເທດ ແລະ ເປັນ​ຮຸ່ນ​ທີ່​ສາມ​ເຊິ່ງ​ມີ​ຄວາມ​ແມ່ນ​ຢຳ​ສູງ​ໃນ​ການ­ຜ່າ­ຕັດ ເຖິງ​ແມ່ນ​ເປັນ​ຄັ້ງ​ທຳ​ອິດ​ໃນ​ຫູ​ເປີ່ຍ ແຕ່​ບໍ່​ແມ່ນ​ຄັ້ງ​ທຳ​ອິດ​ຂອງ​ປະ­ເທດ​ຈີນ ໂດຍ​ກ່ອນ​ໜ້າ​ນີ້ ໂຮງ­ໝໍ​ຈີນ​ໄດ້​ເລີ່ມ​ພັດ­ທະ­ນາ​ການ​ໃຊ້​ຫຸ່ນ​ຍົນ​ໃນ​ການ­ຜ່າ­ຕັດ​ກະ­ດູກ​ມາ​ແລ້ວ ເຊັ່ນ: ເມື່ອ​ເດືອນ​ມັງ­ກອນ​ປີ​ທີ່​ຜ່ານ​ມາ ໂຮງ­ໝໍ​ໃນ​ສັງ­ກັດ​ມະ­ຫາ­ວິ­ທະ­ຍາ­ໄລ​ການ​ແພດ​ຮັນ​ອຸຍ ໃນ​ມົນ­ທົນ​ຮັນ​ອຸຍ ກໍ​ໄດ້​ຜ່າ­ຕັດ​ກະ­ດູກ​ໃຫ້​ຜູ້​ປ່ວຍ​ໂດຍ​ໃຊ້​ຫຸ່ນ​ຍົນ​ຜ່າ­ຕັດ​ຊື່​ທຽນ​ຈື່.

    ການ­ຜ່າ­ຕັດ​ຜ່ານ​ພົ້ນ​ໄປ​ດ້ວຍ​ດີ ໂດຍ​ໃຊ້​ເວ­ລາ​ພຽງ​ແຕ່​ເຄິ່ງ​ຊົ່ວ­ໂມງ ເຊິ່ງ​ຜູ້​ປ່ວຍ​ມີ​ແຜ​ຈາກ​ການ­ຜ່າ­ຕັດ​ພຽງ​ແຕ່ 1 ຊັງ​ຕິ​ແມັດ ແລະ ເສຍ​ເລືອດ​ໄປ​ໃນ​ປະ­ລິ­ມານ​ຈຳ­ກັດ ນອກ­ຈາກ​ນີ້ ເຂົາ​ຍັງ​ສາ­ມາດ​ລຸກ­ຂຶ້ນ​ຈາກ​ຕຽງ​ໃນ​ວັນ​ຖັດ​ມາ ກ່ອນ​ທີ່​ຈະ​ຟື້ນ​ຟູ​ຮ່າງ­ກາຍ​ຈົນ​ສົມ­ບູນ​ໄດ້​ພາຍ​ໃນ​ໜຶ່ງ​ອາ­ທິດ ເຊິ່ງ​ວ່ອງ­ໄວ​ກວ່າ​ການ­ຜ່າ­ຕັດ​ດ້ວຍ​ວິ­ທີ​ປົກ­ກະ­ຕິ ເຊິ່ງ​ມັກ​ໃຊ້​ເວ­ລາ​ພັກ​ຟື້ນ​ກວ່າ 2 ອາ­ທິດ ແລະ ຜູ້​ປ່ວຍ​ມັກ​ເສຍ​ເລືອດ​ຫຼາຍ.

    ຫຸ່ນ​ຍົນ​ທຽນ​ຈີ້ ເປັນ​ຫຸ່ນ​ຍົນ​ທີ່​ມີ​ມູນ​ຄ່າ​ກວ່າ 15 ລ້ານ​ຢວນ ເຊິ່ງ​ເປັນ​ຫຸ່ນ​ຍົນ​ຜ່າ­ຕັດ​ກະ­ດູກ​ຕົວ​ດຽວ​ໃນ​ໂລກ ທີ່​ສາ­ມາດ​ດຳ­ເນີນ​ການ­ຜ່າ­ຕັດ​ກະ­ດູກ​ສ່ວນ​ແຂນ ແລະ ກະ­ດູກ​ສ່ວນ​ຕ່າງໆ​ໄດ້.

    ທັ້ງ​ນີ້ ລະ­ບົບ​ການ​ຮັບ​ຮູ້​ຂອງ​ຫຸ່ນ​ຍົນ ສາ­ມາດ​ສະ​ແກນ​ດ້ວຍ​ລະ­ບົບ​ສາມ​ມິ​ຕິ ເພື່ອ​ສ້າງ​ແຜ່ນ​ພາບ​ຂອງ​ກະ­ດູກ ແລະ ຕິດ­ຕາມ​ຂະ​ບວນ​ການ­ຜ່າ­ຕັດ​ທັງ​ໝົດ.

ຂ່າວທີ່ກ່ຽວຂ້ອງ