ແບນ​ຊິກ ເຫັນ​ດີ​ຮັບ​ເອົາ​ອະດີດ​ປະທານາທິບໍດີ​ຂອງ​ກົດ​ດີ​ວົວ

546 05 ກ.ພ. 2019 ຂ່າວຕ່າງປະເທດ
ແບນ​ຊິກ ເຫັນ​ດີ​ຮັບ​ເອົາ​ອະດີດ​ປະທານາທິບໍດີ​ຂອງ​ກົດ​ດີ​ວົວ

    ໂຄສົກ​ກະຊວງ​ການ​ຕ່າງປະເທດ​ແບນ​ຊິກ ແຈ້​ໃຫ້​ຮູ້ເມື່ອ​ວັນ​ທີ 2 ກຸມພາ​ນີ້​ວ່າ ແບນ​ຊິກ​ໄດ້​ເຫັນ​ດີ​ຮັບ​ເອົາ​ທ່ານ ລໍ​ເຣນ ຈີ​ແບກ​ໂບ ອະດີດ​ປະທານາທິບໍດີ ກົດ​ດີ​ວົວ ຫຼັງ​ຈາກ​ທີ່​ໄດ້​ຮັບ​ການ​ປະກາດ​ຢູ່​ໃນ​ສານ​ອາຍາ​ສາກົນ (ICC) ໃນ​ນະຄອນ ລາ​ໄຮ (ປະເທດ​ໂຮນ​ລັງ) ວ່າ​ເຂົາ​ປອດ​ຄະດີ.

    ເມື່ອ​ວັນ​ທີ 15 ມັງກອນ​ທີ່​ຜ່ານ​ມາ ICC ໄດ້​ປະກາດ​ປ່ອຍ​ຕົວ​ທ່ານ ລໍ​ເຣນ ຈີ​ແບກ​ໂບ ແລະ ​ໃຫ້​ເຂົາ​ມີ​ອິດ​ສະລະ​ເປັນ​ການ​ຊົ່ວຄາວ ຊຶ່ງ​ທີ່​ຜ່ານ​ມາ​ເຂົາ​ໄດ້​ຖືກ​ກ່າວ​ຫາ​ວ່າ​ຕ້ອງ​ໂທດ​ກຳ​ສົງຄາມ ຫຼັງ​ຈາກ​ທີ່​ຖືກ​ຈັບ​ກຸມ ເພື່ອ​ລໍຖ້າ​ການ​ດຳເນີນ​ຄະດີ.

   ການ​ຕັດສິນ​ຂອງ ICC ຊີ້​ອອກ​ວ່າ ຝ່າຍ​ທີ່​ຍື່ນ​ຟ້ອງ ບໍ່​ໄດ້​ສະໜອງ​ຫຼັກ​ຖານ​ຢ່າງ​ພຽງພໍ ເພື່ອ​ພິສູດ​ໂທດ​ກຳ​ຂອງ​ອະດີດ​ປະທານາທິບໍດີ ຈີ​ແບກ​ໂບ ພ້ອມ​ດ້ວຍ​ຜູ້​ຮ່ວມ​ງານ​ຂອງ​ເຂົາ​ອີກ​ຜູ້​ໜຶ່ງ. ບຸກຄົນ​ທັງ​ສອງ​ຖືກ​ຈັບ​ກຸມ​ເມື່ອ​ປີ 2016 ດ້ວຍ​ຂໍ້​ກ່າວ​ຫາ​ຕ້ອງ​ໂທດ​ກຳ​ສົງຄາມ ໃນ​ໄລຍະ​ທີ່​ກຳ​ອຳນາດ.

ຂ່າວທີ່ກ່ຽວຂ້ອງ