ຂ່າວຫຼ້າສຸດ

ກຸ່ມ​ເສື້ອ​ເຫຼືອງ​ໃນ​ຝຣັ່ງ​ປະ​ທ້ວງ​ເປັນ​ອາທິດ​ທີ 12 ຕິດຕໍ່​ກັນ

972 05 ກ.ພ. 2019 ຂ່າວຕ່າງປະເທດ
ກຸ່ມ​ເສື້ອ​ເຫຼືອງ​ໃນ​ຝຣັ່ງ​ປະ​ທ້ວງ​ເປັນ​ອາທິດ​ທີ 12 ຕິດຕໍ່​ກັນ

      ວັນ​ທີ 2 ກຸມພາ​ນີ້ ຜູ້​ປະ​ທ້ວງ​ຫຼາຍ​ພັນ​ຄົນ ຈາກ​ກຸ່ມ “ເສື້ອ​ເຫຼືອງ” ໄດ້​ກັບ​ມາ​ເດີນ​ຂະ​ບວນ​ອີກ ຢູ່​ໃນ​ນະຄອນຫຼວງ​ປາ​ຣີ ແລະ​ຕົວ​ເມືອງ​ໃຫຍ່​ອື່ນໆ​ຂອງ​ຝຣັ່ງ ເປັນ​ອາທິດ​ທີ 12 ຕິດຕໍ່​ກັນ​ທີ່​ຈັດ​ຂຶ້ນ​ໃນ​ແຕ່​ລະ​ວັນ​ເສົາ ເພື່ອ​ຕ້ານ​ກັບ​ລັດຖະບານ ພາຍ​ໃຕ້​ການ​ນຳພາ​ຂອງ​ປະທານາທິບໍດີ ເອມ​​ນູ​ແອ​​ລ ມາກ​ຣົງ.

    ຜູ້​ປະ​ທ້ວງ​ຈາກ​ກຸ່ມ “ເສື້ອ​ເຫຼືອງ” ທີ່​ລົງ​ສູ່​ທ້ອງ​ຖະໜົນ​ໃນ​ວັນ​ເສົາ​ທີ່​ຜ່ານ​ມາ ຕົ້ນຕໍ​ແມ່ນ ເພື່ອ​ກ່າວ​ປະນາມ​ຕໍ່​ການ​ກະທຳ​ຮຸນ​ແຮງ​ຂອງ​ຕຳຫຼວດ​ທີ່​ມີ​ຕໍ່​ຜູ້​ປະ​ທ້ວງ ຊຶ່ງ​ກອນ​ໜ້າ​ນັ້ນ ລັດຖະບານ​ຝຣັ່ງ ແຈ້ງ​ເຕືອນ​ວ່າ ຕຳຫຼວດ​ອາດ​ຈະ​ໃຊ້​ປືນ​ຍິງ​ກະ​ສູນ​ຢາງ (LBD) ເພື່ອ​ຮັບ​ມື​ກັບ​ຜູ້​ປະ​ທ້ວງ​ທີ່​ກໍ່​ຈາລະ​ຈົນ.

    ຕົວ​ເລກ​ຢ່າງ​ເປັນ​ທາງ​ການ​ຂອງ​ລັດຖະບານ​ຝຣັ່ງ ໃຫ້​ຮູ້​ວ່າ ນັບ​ແຕ່​ເລີ່ມ​ມີ​ການ​ປະ​ທ້ວງ​ຕ້ານ​ລັດຖະບານ ເມື່ອ​ເດືອນ​ທັນວາ​ປີ​ກາຍເປັນ​ຕົ້ນ​ມາ ມີ​ຕຳຫຼວດ​ປະມານ 1.000 ຄົນ ແລະ​ຜູ້​ປະ​ທ້ວງ 1.700 ກວ່າ​ຄົນ ໄດ້​ຮັບ​ບາດເຈັບ​ໄປ​ແລ້ວ.

ຂ່າວທີ່ກ່ຽວຂ້ອງ