ສະພາ​ຮ່າງ​ລັດ​ຖະ​ຖະ​ທຳ​ມະນູນ​ແຫ່ງ​ຊາດ​ເວ​ເນ​ຊູ​ເອ​ລາ ສະເໜີ​ເລືອກ​ຕັ້ງ​ສະພາ​ແຫ່ງ​ຊາດ​ກ່ອນ​ກຳນົດ

781 05 ກ.ພ. 2019 ຂ່າວຕ່າງປະເທດ
ສະພາ​ຮ່າງ​ລັດ​ຖະ​ຖະ​ທຳ​ມະນູນ​ແຫ່ງ​ຊາດ​ເວ​ເນ​ຊູ​ເອ​ລາ ສະເໜີ​ເລືອກ​ຕັ້ງ​ສະພາ​ແຫ່ງ​ຊາດ​ກ່ອນ​ກຳນົດ

    ປະທານາທິບໍດີ​ເວ​ເນ​ຊູ​ເອ​ລາ ນີ​ໂກ​ລາ​​ສ ມາ​ດູ​ໂຣ ກ່າວ​ຢູ່​ໃນ​ພິທີ​ສະເຫຼີມສະຫຼອງ​ການ​ປະຕິວັດ ໂບ​ລີ​ວາ ຄົບຮອບ 20 ປີ ຢູ່​ທີ່​ນະຄອນຫຼວງ​ກາ​ຣາ​ກາ​​ສ ເມື່ອ​ວັນ​ທີ 3 ກຸມພາ​ນີ້​ວ່າ ທ່ານ​ໃຫ້ການ​ສະໜັບສະໜູນ​ຕໍ່​ການ​ນຳ​ສະເໜີ ຂອງ​ສະພາ​ຮ່າງ​ລັດ​ຖະ​ທຳ​ມະນູນ​ແຫ່ງ​ຊາດ (ANC) ຂອງ​ເວ​ເນ​ຊູ​ເອ​ລາ ກ່ຽວ​ກັບ​ການ​ຈັດການ​ເລືອກ​ຕັ້ງ​ສະພາ​ແຫ່ງ​ຊາດ​ກ່ອນ​ກຳນົດ ພາຍ​ໃນ​ປີ​ນີ້ ເພື່ອ​ແກ້​ໄຂ​ບັນຫາ​ທີ່​ຄົງ​ຄ້າງ ຢູ່​ໃນ​ອົງການ​ນິຕິບັນຍັດ ທີ່​ມີ​ມາ​ແຕ່​ປີ 2016 ນັ້ນ.

    ປະທານາທິບໍດີ ມາ​ດູ​ໂຣ ຢືນຢັນ​ວ່າ ANC ໄດ້​ນຳ​ເອົາ​ການ​ພິຈາລະນາ​ອອກ​ມາ ກ່ຽວ​ກັບ​ການ ຈັດການ​ເລືອກ​ຕັ້ງ​ກ່ອນ​ກຳນົດ​ດັ່ງກ່າວ ເຂົ້າ​ໄປ​ໃນ​ໂຄງການ​ດຳເນີນ​ງານ​ຂອງ​ຕົນ ແລະ​ວ່າ​ທ່ານ​ໃຫ້ການ ສະໜັບສະໜູນ​ຕໍ່​ການ​ນຳ​ສະເໜີ​ດັ່ງກ່າວ ພ້ອມ​ທັງ​ໃຫ້​ທັດສະນະ​ວ່າ ທາງ​ເລືອກ​ແມ່ນ​ຢູ່​ທີ່​ປະຊາຊົນ.

    ເມື່ອ​ວັນ​ທີ 21 ມັງກອນ​ທີ່​ຜ່ານ​ມາ ສານ​ລັດ​ຖະ​ທຳ​ມະນູນ​ສູງ​ສຸດ (TSJ) ຂອງ​ເວ​ເນ​ຊູ​ເອ​ລາ ໄດ້​ປະກາດ​ໃຫ້​ຄະນະ​ນຳ​ໃໝ່​ຂອງ​ສະພາ​ແຫ່ງ​ຊາດ​ເວ​ເນ​ຊູ​ເອ​ລາ (ANV) ທີ່​ກຳ​ອຳນາດ​ໂດຍ​ຝ່າຍ​ຄ້ານ ຊຶ່ງ​ໄດ້​ສາບານ​ຕົວ​ເມື່ອ​ວັນ​ທີ 5 ມັງກອນ​ນັ້ນ​ໃຫ້​ເປັນ​ໂມຄະ ພ້ອມ​ກັນ​ນັ້ນ  TSJ ກໍ​ຢືນຢັນ​ວ່າ ທຸກໆ​ການ​ກະທຳ​ຂອງ​ຂອງ  ANV ແມ່ນ​ຝືນ​ກັບ​ລັດ​ຖະ​ທຳ​ມະນູນ. ປັດຈຸບັນ​ນີ້ ອົງການ​ນິຕິ​ບັດ​ຍັດ ທີ່​ມີ​ສິດ​ສູງ​ສຸດ​ຢູ່​ໃນ​ເວ​ເນ​ຊູ​ເອ​ລາ ກໍ​ແມ່ນ ANC ທີ່​ໄດ້​ຮັບ​ການ​ເລືອກ​ຕັ້ງ​ຂຶ້ນ​ມາ​ເມື່ອ​ປີ 2017.

ຂ່າວທີ່ກ່ຽວຂ້ອງ