ເກີດ​ຝົນຕົກ​ໜັກ​ຢູ່​ທາງ​ພາກ​ຕາເວັນ​ອອກ​ສ່ຽງ​ເໜືອ​ຂອງ​ອົດ​ສະ​ຕຣາ​ລີ

880 05 ກ.ພ. 2019 ຂ່າວຕ່າງປະເທດ
ເກີດ​ຝົນຕົກ​ໜັກ​ຢູ່​ທາງ​ພາກ​ຕາເວັນ​ອອກ​ສ່ຽງ​ເໜືອ​ຂອງ​ອົດ​ສະ​ຕຣາ​ລີ

    ພາກ​ຕາເວັນ​ອອກ​ສ່ຽງ​ເໜືອ​ຂອງ​ອົດ​ສະ​ຕຣາ​ລີ ໄດ້​ປະ​ເຊີນ​ກັບ​ສະພາບ​ນ້ຳ​ຖ້ວມ​ຮ້າຍ​ແຮງ ຫຼັງ​ຈາກ​ເກີດ​ຝົນຕົກ​ໜັກ ທີ່​ຖື​ວ່າ​ເກີດ​ຂຶ້ນ​ພຽງ​ຄັ້ງ​ດຽວ ພາຍ​ໃນ​ໜຶ່ງ​ສະຕະວັດ​ທີ່​ຜ່ານ​ມາ ເຮັດ​ໃຫ້​ເສັ້ນທາງ​ຫຼາຍ​ສາຍ​ກາຍເປັນ​ແມ່ນ້ຳ ແລະ​ເຮັດ​ໃຫ້​ປະຊາຊົນ​ຫຼາຍ​ພັນ​ຄົນ ຕ້ອງ​ອົບ​ພະ​ຍົບ​ໜີ​ໄພ ໃນ​ຂະນະ​ທີ່​ເຈົ້າ​ໜ້າທີ່​ໄດ້​ແຈ້ງ​ເຕືອນ​ວ່າ ຝົນຕົກ​ໜັກ​ຍັງ​ຈະ​ສືບຕໍ່​ເກີດ​ຂຶ້ນ​ໃນ​ຊຸມ​ມື້​ຕໍ່ໜ້າ.

    ໄລຍະ​ເວລາ​ນີ້​ຂອງ​ແຕ່​ລະ​ປີ ຢູ່​ທາງ​ພາກ​ເໜືອ​ອົດ​ສະ​ຕຣາ​ລີ ລ້ວນ​ແຕ່​ເກີດ​ຝົນຕົກ​ໜັກ ແຕ່​ວ່າ​ປະລິມານ​ນ້ຳ​ຝົນ​ໃນ​ເວລາ​ນີ້ ແທກ​ໄດ້​ສູງ​ກວ່າ​ຫຼາຍ ເມື່ອ​ທຽບ​ຕາມ​ປົກກະຕິ.

    ອົງການ​ອຸຕຸນິຍົມ ອຸ​ທົກ​ກະ​ສາດ ຂອງ​ອົດ​ສະ​ຕຣາ​ລີ ແຈ້ງ​ເຕືອນ​ວ່າ ເຂດ​ກົດ​ດັນ​ອາກາດ​ຕ່ຳ ຍັງ​ຄົງ​ກະທົບ​ຕໍ່​ລັດ​ກວິນ​​ສ​ແລນ ແລະ​ ອາດ​ເຮັດ​ໃຫ້​ເກີດ​ຝົນຕົກ​ໜັກ​ຢູ່​ໃນ​ບາງ​ເຂດ ດ້ວຍ​ປະລິມານ​ນ້ຳ​ຝົນ ຫຼາຍ​ກວ່າ​ປະລິມານ​ນ້ຳ​ຝົນ​ຂອງ​ທັງ​ປີ​ບວກ​ເຂົ້າກັນ. ເຂດ​ດັ່ງກ່າວ ມັກ​ຈະ​ໄດ້​ຮັບ​ປະລິມານ​ນ້ຳ​ຝົນ ທີ່​ປະມານ 2.000​ມມ/ປີ ແຕ່​ວ່າ​ປະລິມານ​ນ້ຳ​ຝົນ​ຢູ່​ໃນ​ບາງ​ເຂດ ໃນ​ເວລາ​ນີ້​ໄດ້​ເກີນ​ລະດັບ ບວກ​ເຂົ້າກັນ​ທັງ​ປີ​ນັ້ນແລ້ວ.

ຂ່າວທີ່ກ່ຽວຂ້ອງ