ບາງກອກແອເວ ກຽມເປີດເສັ້ນທາງບິນໃໝ່ ຊຽງໃໝ່-ກຣະບີ່ ແລະ ຊຽງໃໝ່-ຫຼວງພະບາງ

356 07 ກ.ພ. 2019 ຂ່າວໜ້າ​ໜຶ່ງ
ບາງກອກແອເວ ກຽມເປີດເສັ້ນທາງບິນໃໝ່ ຊຽງໃໝ່-ກຣະບີ່ ແລະ ຊຽງໃໝ່-ຫຼວງພະບາງ

    ບໍ­ລິ­ສັດ ການ­ບິນ​ກຸງ​ເທບ ຈຳ­ກັດ (ມະ­ຫາ­ຊົນ) ຫຼື ສາຍ​ການ­ບິນ​ບາງ­ກອກ​ແອ​ເວ ເຊິ່ງ​ເປັນ​ສາຍ​ການ­ບິນ​ທີ່​ໃຫ້​ບໍ­ລິ­ການ​ເຕັມ​ຮູບ​ແບບ ພາຍ​ໃຕ້​ຄຳ​ຂວັນ ຄວາມ​ປະ​ທັບ​ໃຈ​ແຫ່ງ​ເອ​ເຊຍ (Asia’s Boutique Airline) ກຽມ​ເປີດ​ໃຫ້​ບໍ­ລິ­ການ 2 ເສັ້ນ­ທາງ​ບິນ​ໃໝ່ ຊຽງ​ໃໝ່-ກຣະ​ບີ່ ແລະ ຊຽງ​ໃໝ່-ຫຼວງ​ພະ​ບາງ ສປປ ລາວ ໂດຍ​ສາ­ມາດ​ຈອງ​ປີ້​ນັບ​ແຕ່​ວັນ​ທີ 5 ກຸມ­ພາ 2019 ເປັນ­ຕົ້ນ​ໄປ.

    ເສັ້ນ­ທາງ​ບິນ​ຊຽງ​ໃໝ່-ກຣະ​ບີ່ (ຖ້ຽວ​ດຽວ) ຈະ​ເລີ່ມ​ໃຫ້​ບໍ­ລິ­ການ​ອາ­ທິດ​ລະ 3 ຖ້ຽວ (ອາ­ທິດ ອັງ­ຄານ ແລະ ພະ­ຫັດ) ຕັ້ງ­ແຕ່​ວັນ​ທີ 31 ມີ­ນາ 2019 ແລະ ຈະ​ໃຫ້​ບໍ­ລິ­ການ​ທຸກ​ວັນ ວັນ​ລະ 1 ຖ້ຽວ ນັບ​ແຕ່​ວັນ​ທີ 30 ເມ­ສາ 2019 ເປັນ­ຕົ້ນ​ໄປ ດ້ວຍ​ເຄື່ອງ​ບິນ​ແອ​ບັດ A319 ຂະ­ໜາດ 144 ບ່ອນ​ນັ່ງ ໂດຍ​ຖ້ຽວ​ບິນ PG246 ອອກ​ຈາກ​ຊຽງ​ໃໝ່ ເວ­ລາ 12:00 ໂມງ ເຖິງ ກຣະ​ບີ່ ເວ­ລາ 13:55 ໂມງ.

    ສ່ວນ​ເສັ້ນ­ທາງ​ບິນ​ຊຽງ​ໃໝ່-ຫຼວງ​ພະ​ບາງ (ໄປ-ກັບ) ຈະ​ໃຫ້​ບໍ­ລິ­ການ​ອາ­ທິດ​ລະ 3 ຖ້ຽວ (ອັງ­ຄານ ພະ­ຫັດ ແລະ ເສົາ) ດ້ວຍ​ເຄື່ອງ​ບິນ ATR 72-600 ຂະ­ໜາດ 70 ບ່ອນ​ນັ່ງ ໂດຍ​ຖ້ຽວ​ບິນ​ຂາ​ໄປ PG983 ອອກ​ຈາກ​ຊຽງ​ໃໝ່ ເວ­ລາ 17:45 ໂມງ ຖ້ຽວ​ບິນ​ຂາ​ກັບ PG984 ອອກ​ຈາກ​ຫຼວງ​ພະ​ບາງ ເວ­ລາ 18:30 ໂມງ ເຖິງ ຊຽງ​ໃໝ່ ເວ­ລາ 19:45 ໂມງ ເຊິ່ງ​ຈະ​ເລີ່ມ​ໃຫ້​ບໍ­ລິ­ການ​ແຕ່​ວັນ​ທີ 2 ເມ­ສາ 2019 ເປັນ­ຕົ້ນ​ໄປ ບັນ­ດາ​ທ່ານ​ທີ່​ສົນ­ໃຈ​ສາ­ມາດ​ຈອງ​ປີ້​ໄດ້​ທີ່ https://www.bangkokair.com.

ຂ່າວທີ່ກ່ຽວຂ້ອງ