ຂ່າວຫຼ້າສຸດ

ຕ້ອນຮັບນັກກິລາຣັກບີ້ທີມຊາດປະເທດອົດສະຕຣາລີ

284 07 ກ.ພ. 2019 ວົງຈອນກີລາ
ຕ້ອນຮັບນັກກິລາຣັກບີ້ທີມຊາດປະເທດອົດສະຕຣາລີ

    ສະ­ຖານ­ທູດ​ອົດ​ສະ​ຕຣາ​ລີ ປະ­ຈຳ​ລາວ ຮ່ວມ​ກັບ​ໂຄງ­ການ​ໄຊ​ຟັນ​ພາດ​ອິດ​ແບັກ (Child Fund Pass It Back) ແລະ ສະ­ຫະ­ພັນ​ກີ­ລາ​ຣັກ​ບີ້​ແຫ່ງ​ຊາດ​ລາວ ຈັດ​ພິ­ທີ​ຕ້ອນ­ຮັບ​ນັກ­ກີ­ລາ​ຣັກ​ບີ້​ທີມ​ຊາດ​ອົດ​ສະ​ຕຣາ​ລີ 2 ທ່ານ ໂດຍ​ມີ​ທ່ານ ຈ໋ອງ ເບີ​ນາດ ຄາ​ຣາສ໌ໂກ ເອກ​ອັກ​ຄະ​ລັດ​ຖະ​ທູດ​ອົດ​ສະ​ຕຣາ​ລີ ປະ­ຈຳ ສປປ ລາວ ພ້ອມ​ດ້ວຍ​ຜູ້­ຕາງ­ໜ້າ​ຈາກ​ກະ­ຊວງ ກົມ ຫ້ອງ­ການ ສະ­ຖານ­ທູດ ປະ­ຈຳ ສປປ ລາວ ແລະ ນັກ­ກີ­ລາ​ເຂົ້າ​ຮ່ວມ.

    ທ່ານ ວິ­ລະ​ຢຸດ ຣາ​ທິ​ກຸນ ປະ­ທານ​ສະ­ຫະ­ພັນ​ກີ­ລາ​ຣັກ​ບີ້​ແຫ່ງ​ຊາດ​ລາວ ກ່າວ​ວ່າ: ການ​ມາ​ຢ້ຽມ­ຢາມ ສປປ ລາວ ຂອງ​ນັກ­ກີ­ລາ​ຣັກ​ບີ້​ທີມ​ຊາດ​ອົດ​ສະ​ຕຣາ​ລີ​ຄັ້ງ​ນີ້ ເພື່ອ​ຈະ​ນຳ­ພາ​ໄປ​ຊົມ​ກິດ­ຈະ­ກຳ​ຂອງ​ກີ­ລາ​ຣັກ​ບີ້​ລາວ Child Fund Pass It Back ຢູ່​ແຂວງ​ຊຽງ​ຂວາງ ແລະ ເຝິກ​ສອນ​ທັກ​ສະ​ຄວາມ​ຮູ້​ໃຫ້​ນັກ­ກີ­ລາ​ລາວ ໄດ້​ມີ​ໂອ­ກາດ​ພັດ­ທະ­ນາ​ເຂັ້ມ­ແຂງ​ເລື້ອຍໆ ນອກ​ນີ້​ໂຄງ­ການ Child Fund Pass It Back ຍັງ​ແນ­ໃສ່​ພັດ­ທະ­ນາ​ສ້າງ​ໃຫ້​ນັກ­ກີ­ລາ ມີ​ຄວາມ​ເຂັ້ມ­ແຂງ​ກຽມ​ເປັນ​ຕົວ​ແທນ​ຂອງ​ເມືອງ ແຂວງ ເຂົ້າ​ຮ່ວມ​ແຂ່ງ­ຂັນ​ລາຍ­ການ​ຕ່າງໆ ທີ່​ຈະ​ຈັດ​ຂຶ້ນ​ໃນ­ຕໍ່­ໜ້າ.

ຂ່າວທີ່ກ່ຽວຂ້ອງ