ສ ອາ​ເມ​ຣິ​ກາ ພ້ອມ​ທີ່​ຈະ​ສ້າງ “ກຳແພງ​ມະນຸດ” ຢູ່​ໃນ​ເຂດ​ຊາຍ​ແດນ​ທີ່​ຕິດ​ກັບ​ປະເທດ​ເມັກ​ຊິກ

924 07 ກ.ພ. 2019 ຂ່າວຕ່າງປະເທດ
ສ ອາ​ເມ​ຣິ​ກາ ພ້ອມ​ທີ່​ຈະ​ສ້າງ “ກຳແພງ​ມະນຸດ” ຢູ່​ໃນ​ເຂດ​ຊາຍ​ແດນ​ທີ່​ຕິດ​ກັບ​ປະເທດ​ເມັກ​ຊິກ

    ແຫຼ່ງ​ຂ່າວ Sputnik ລາຍ​ງານ​ວ່າ ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ຖະແຫຼງ ເມື່ອ​ວັນ​ທີ 5 ກຸມພາ​ນີ້​ວ່າ ຖ້າ​ຫາກ​ບໍ່​ສາມາດ​ສ້າງ​ຮົ້ວ​ຂຶ້ນ​ມາ​ໄດ້​ແລ້ວ ສ ອາ​ເມ​ຣິ​ກາ ກໍ​ພ້ອມ​ທີ່​ຈະ​ສ້າງ “ກຳແພງ​ມະນຸດ” ຢູ່​ລຽບ​ຕາມ​ຊາຍ​ແດນ​ທີ່​ຕິດ​ກັບ​ປະເທດ​ເມັກ​ຊິກ.

    ປະທານາທິບໍດີ ທຣຳ ລົງ​ພິມ​ຂໍ້ຄວາມ​ຜ່ານ​ສື່​ສັງຄົມ Twitter ວ່າ: “ມີ​ຄົນ​ຈຳນວນ​ຫຼາຍ ພວມ​ເຂົ້າ​ໄປ​ໃນ​ປະເທດ​ເມັກ​ຊິກ ດ້ວຍ​ຄວາມ​ຫວັງ​ວ່າ​ສາມາດ ທີ່​ຈະ​ຂ້າມ​ຊາຍ​ແດນ​ທາງ​ທິດໃຕ້ ຂອງ​ພວກ​ເຮົາ (ສ ອາ​ເມ​ຣິ​ກາ). ພວກ​ເຮົາ​ໄດ້​ສົ່ງ​ທະຫານ​ເພີ່ມ​ເຕີມ ແລະ​ພ້ອມ​ໃນ​ການ​ສ້າງ​ກຳແພງ ມະນຸດ ຖ້າ​ຫາ​ກວ່າ​ມີ​ຄວາມ​ເປັນ. ຖ້າ​ຫາກ​ພວກ​ເຮົາ​ມີ​ກຳແພງ​ທີ່​ແຫ້​ຈິງ​ແລ້ວ ກໍ​ບໍ່​ຕ້ອງ​ໄດ້​ເວົ້າ​ເຖິງ ເລື່ອງ​ນີ້”.

    ຫຼ້າ​ສຸດ ຂ່າວສານ AFP ລາຍ​ງານ​ວ່າ ໃນ​ເວລາ​ອ່ານ​ຖະແຫຼງການ​ທີ່​ມີ​ອອກ​ມາ ເມື່ອ​ວັນ​ທີ 5 ກຸມພາ​ນີ້ ປະທານາທິບໍດີ ທຣຳ ໄດ້​ຢືນຢັນ​ທີ່​ຈະ​ສ້າງ​ກຳແພງ​ຊາຍ​ແດນ​ທີ່​ຕິດ​ກັບ​ປະເທດ ເມັກ​ຊິກ ໂດຍ​ບໍ່​ເອົາ​ຫົວຊາ​ຕໍ່​ສຽງ​ຄັດຄ້ານ​ຈາກ​ຝ່າຍ​ພັກ​ເດ​ໂມ​ແກຣດ. ຍິ່ງ​ໄປ​ກວ່າ​ນັ້ນ ທ່ານ ທຣຳ ຍັງ​ໄດ້​ຊຸກຍູ້ ໃຫ້​ສະພາ​ແຫ່ງ​ຊາດ ສ ອາ​ເມ​ຣິ​ກາ “ເຮັດ​ວຽກ​ຮ່ວມ​ກັນ” ແລະ ກ້າວ​ໄປ​ສູ່​ການ​ຕົກລົງ ກ່ຽວ​ກັບ​ບັນຫາ ຄວາມ​ສະຫງົບ​ຕາມ​ຊາຍ​ແດນ.

ຂ່າວທີ່ກ່ຽວຂ້ອງ