ມອບເງິນນະໂຍບາຍ ໃຫ້ຜູ້ທີ່ມີຜົນງານຕໍ່ປະເທດຊາດ

344 11 ກ.ພ. 2019 ຂ່າວໜ້າ​ໜຶ່ງ
ມອບເງິນນະໂຍບາຍ ໃຫ້ຜູ້ທີ່ມີຜົນງານຕໍ່ປະເທດຊາດ

    ພິ­ທີ​ມອບ-ຮັບ​ເງິນ​ນະ­ໂຍ­ບາຍ​ໃຫ້​ແກ່​ຜູ້​ທີ່​ມີ​ຜົນ­ງານ ແລະ ຄຸນ­ງາມ­ຄວາມ­ດີ​ຕໍ່​ປະ­ເທດ​ຊາດ ປະ­ຈຳ​ປີ 2019 ຈັດ​ຂຶ້ນ​ວັນ​ທີ 8 ກຸມ­ພາ 2019 ຢູ່​ພະ​ແນກ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ນະ­ຄອນ­ຫຼວງ​ວຽງ​ຈັນ (ຮສສ ນວ) ໂດຍ​ມີ​ທ່ານ ສີ​ຫຸນ ສິດ­ທິ​ລື​ໄຊ ຮອງ​ເຈົ້າ​ຄອງ ນວ ຜູ້​ຊີ້​ນຳ​ຂົງ­ເຂດ​ວັດ­ທະ­ນະ­ທຳ ສັງ­ຄົມ ທ່ານ​ນາງ ລຳ​ພອຍ ສີ​ອັກ​ຄະ​ຈັນ ຫົວ­ໜ້າ​ພະ​ແນກ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ນວ ມີ​ຜູ້­ຕາງ­ໜ້າ​ກົມ​ນະ­ໂຍ­ບາຍ ຮອງ​ເຈົ້າ­ເມືອງ ຄະ­ນະ​ກຳ­ມະ­ການ​ຄົ້ນ­ຄວ້າ​ນະ­ໂຍ­ບາຍ ຫົວ­ໜ້າ​ຫ້ອງ­ການ ແຮງ​ງານ​ເມືອງ ແລະ ພະ­ນັກ­ງານ​ປະ­ຕິ­ວັດ​ອາ­ວຸ­ໂສ​ເຂົ້າ​ຮ່ວມ.

    ທ່ານ​ນາງ ລຳ​ພອຍ ສີ​ອັກ​ຄະ​ຈັນ ກ່າວ​ວ່າ: ໃນ​ຊຸມ​ປີ­ຜ່ານ­ມາ ໂດຍ​ພາຍ​ໃຕ້​ການ​ຊີ້​ນຳ-ນຳ­ພາ​ຢ່າງ​ໃກ້­ຊິດ​ຂອງ​ຄະ­ນະ​ປະ­ຈຳ​ພັກ ນວ ກໍ່​ຄື ຄະ­ນະ​ນຳ​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ພ້ອມ​ກັນ​ນັ້ນ ດ້ວຍ​ຄວາມ​ຮັບ­ຜິດ­ຊອບ​ຕໍ່­ໜ້າ​ທີ່​ການ­ເມືອງ​ອັນ​ສູງ​ສົ່ງ​ຂອງ​ຖັນ​ແຖວ​ພະ­ນັກ­ງານ​ຜ່ານ​ມາ ໃນ​ພະ​ແນກ ຮສສ ນວ ໃນ​ສົກ​ງົບ­ປະ­ມານ​ຜ່ານ​ມາ ພວກ​ເຮົາ​ສາ­ມາດ​ສູ້​ຊົນ ແລະ ໄດ້​ຮັບ​ການ​ພິ­ຈາ­ລະ­ນາ ແລະ ອະ­ນຸ­ມັດ​ງົບ­ປະ­ມານ​ໃນ​ການ­ຈັດ­ຕັ້ງ​ປະ­ຕິ­ບັດ​ນະ­ໂຍ­ບາຍ​ຕໍ່​ພະ­ນັກ­ງານ​ປະ­ຕິ­ວັດ​ອາ­ວຸ­ໂສ ຕາມ​ມາດ­ຖານ​ເງື່ອນ­ໄຂ​ທີ່​ດຳ­ລັດ 272/ລບ ໄດ້​ລະ­ບຸ​ໄວ້​ເຫັນ​ວ່າ​ຈຳ­ນວນ​ເງິນ ແລະ ຈຳ­ນວນ​ຄົນ​ຫຼາຍ​ສົມ­ຄວນ ເປັນ­ຕົ້ນ​ແມ່ນ​ນະ­ໂຍ­ບາຍ​ກູ້​ຢືມ​ເງິນ​ສົມ­ທົບ​ປຸກ​ສ້າງ ແລະ ສ້ອມ­ແປງ​ເຮືອນ​ໃຫ້​ພະ­ນັກ­ງານ​ບຳ­ນານ ວີ­ລະ​ຊົນ​ແຫ່ງ​ຊາດ ແລະ ນັກ­ຮົບ​ແຂ່ງ­ຂັນ ປະ­ຕິ­ບັດ​ເງິນ​ອຸດ​ໜູນ​ກິນ​ທານ​ຫາ​ຜູ້​ທີ່​ເສຍ­ສະ­ຫຼະ​ຊີ­ວິດ​ຍ້ອນ​ການ​ສູ້​ຮົບ ແລະ ຮັບ​ໃຊ້​ສູ້​ຮົບ​ໃນ​ປາງ​ສົງ­ຄາມ ເງິນ​ອຸດ​ໜູນ​ຄືນ​ຜູ້​ບໍ່​ທັນ​ໄດ້​ຮັບ​ນະ­ໂຍ­ບາຍ (ໝາຍ​ຄວາມ​ວ່າ​ພະ­ນັກ­ງານ​ທີ່​ອອກ​ການ​ກ່ອນ​ດຳ­ລັດ​ທີ່​ປະ­ກາດ​ໃຊ້​ໃນ​ໄລ­ຍະ​ຜ່ານ​ມາ).

    ສຳ­ລັບ​ການ​ປະ­ຕິ­ບັດ​ນະ­ໂຍ­ບາຍ​ຄັ້ງ​ນີ້ ແມ່ນ 6 ເດືອນ​ຕົ້ນ​ປີ 2018-2019 ນະ­ໂຍ­ບາຍ​ອຸດ​ໜູນ​ເສຍ­ສະ­ຫຼະ​ຊີ­ວິດ ຍ້ອນ​ການ​ສູ້​ຮົບ ແລະ ຮັບ​ໃຊ້​ສູ້​ຮົບ ຈຳ­ນວນ 27 ທ່ານ ເປັນ​ຍິງ 2 ທ່ານ ຈຳ­ນວນ​ເງິນ​ທັງ​ໝົດ 608.145.600 ກີບ ແລະ ນະ­ໂຍ­ບາຍ​ເງິນ​ອຸດ​ໜູນ​ນັກ­ຮົບ​ແຂ່ງ­ຂັນ 1 ທ່ານ ຈຳ­ນວນ 10 ລ້ານ​ກີບ.

ຂ່າວທີ່ກ່ຽວຂ້ອງ