ຂ່າວຫຼ້າສຸດ

ສ ອາເມຣິກາ ແລະ ອາຟະການິດສະຖານ ເຫັນດີຊຸກຍູ້ຂະບວນການສັນຕິພາບ

571 14 ກ.ພ. 2019 ຂ່າວຕ່າງປະເທດ
ສ ອາເມຣິກາ ແລະ ອາຟະການິດສະຖານ ເຫັນດີຊຸກຍູ້ຂະບວນການສັນຕິພາບ

     ໃນຂອບຂອງການຢ້ຽມຢາມອາຟະການິດສະຖານ ໂດຍບໍ່ໄດ້ແຈ້ງໃຫ້ຮູ້ລ່ວງໜ້າ ເມື່ອວັນທີ 11 ກຸມພານັ້ນ ຜູ້ຮັກສາການລັດຖະມົນຕີປ້ອງກັນປະເທດ ສ ອາເມຣິກາ ພາຕຣິກ ຊານາຮັນ ໄດ້ພົບປະ ກັບປະທານາທິບໍດີອາຟະກາດນິດສະຖານ ອາສຣາຟ ການີ ພ້ອມດ້ວຍເຈົ້າໜ້າທີ່ລະດັບສູງ ຂອງກະຊວງປ້ອງກັນປະເທດ ອາຟະການິດສະຖານ ເພື່ອປຶກສາຫາລືກ່ຽວກັບຫຼາຍບັນຫາ ທີ່ພົວພັນເຖິງສະພາບການດ້ານຄວາມໝັ້ນຄົງຂອງອາຟະການິດສະຖານ.

    ແຈ້ງການທາງສື່ມວນຊົນ ຂອງທຳນຽບປະທານາທິບໍດີ ອາຟະການິດສຖານ ໃຫ້ຮູ້ວ່າ ເຈົ້າໜ້າທີ່ຂອງສອງປະເທດ ໄດ້ເຫັນດີເປັນເອກະສັນກັນ ວ່າຄວນສືບຕໍ່ຊຸກຍູ້ຂະບວນການສັນຕິພາບ ແລະ ການປາບປາມການກໍ່ການຮ້າຍຢູ່ໃນອາຟະການິດສະຖານ  ໄປຈົນກວ່າຈະບັນລຸສັນຕິພາບ.

   ກ່ອນໜ້ານັ້ນ ທ່ານ ຊານາຮັນ ໄດ້ພົບປະກັບນາຍພົນ ສະກອດ ມີລເລີ ຜູ້ບັນຊາການ ກອງກຳລັງຂອງ ສ ອາເມຣິກາ ແລະອົງການສົນທິສັນຍາ ປ້ອງກັນອັດລັງຕິກເໜືອ (NATO) ປະຈຳອາຟະການິດສະຖານ ໂດຍໄດ້ຫາລືກ່ຽວກັບສະພາບການຢູ່ໃນພື້ນທີ່ຕົວຈິງ ແລະຕໍ່ຈາກນັ້ນ ເຂົາກໍໄດ້ໄປຢ້ຽມຢາມຄ້າຍ ມໍເຮດ ຊຶ່ງເປັນສະຖານທີ່ໆ ສ ອາເມຣິກາ ປະຕິບັດໜ້າທີ່ການຝຶກຊ້ອມ ໃຫ້ແກ່ກອງກຳລັງປະຕິບັດໜ້າທີ່ພິເສດຂອງ ອາຟະການິດສະຖານ.

 

ຂ່າວທີ່ກ່ຽວຂ້ອງ