ຂ່າວຫຼ້າສຸດ

ສ ອາ​ເມ​ຣິ​ກາ ຕໍ່​ກຳນົດ​ການ​ເຊົ່າ​ຍານ​ອາ​ວະ​ກາດ Soyuz ຂອງ​ຣັດ​ເຊຍ ໄປ​ຮອດ​ປີ 2020

647 15 ກ.ພ. 2019 ຂ່າວຕ່າງປະເທດ
ສ ອາ​ເມ​ຣິ​ກາ ຕໍ່​ກຳນົດ​ການ​ເຊົ່າ​ຍານ​ອາ​ວະ​ກາດ Soyuz ຂອງ​ຣັດ​ເຊຍ ໄປ​ຮອດ​ປີ 2020

    ແຫຼ່ງ​ຂ່າວ Sputnik ລາຍ​ງານ​ເມື່ອ​ວັນ​ທີ 12 ກຸມພາ​ນີ້​ວ່າ ສ ອາ​ເມ​ຣິ​ກາ ຈະ​ຕໍ່​ກຳນົດ​ການ​ເຊົ່າ​ຍານ​ອາ​ວະ​ກາດ ໂຊ​ຢຸ​​ສ (Soyuz) ຂອງ​ຣັດ​ເຊຍ ເພື່ອ​ນຳ​ເອົາ ບັນດາ​ນັກ​ບິນ​ອາ​ວະ​ກາດ ຂຶ້ນ​ເມືອ​ຍັງ​ສະຖານີ​ອາ​ວະ​ອາດ​ສາກົນ  (ISS) ແລະ​ນຳ​ເອົາ​ພວກ​ເຂົາ​ກັບ​ມາ ສູ່​ໂລກ ໄປ​ຈົນ​ຮອດ​ເດືອນ​ເມສາ ປີ 2020.

   Sputnik ອ້າງ​ຕາມ​ແຫຼ່ງ​ຂ່າວ​ໜຶ່ງ​ທີ່​ໜ້າ​ເຊື່ອ​ຖື ໃຫ້​ຮູ້​ວ່າ ຕາມ​ແຜນການ​ປະສານ​ງານ ທີ່​ໄດ້​ວາງ​ຕາຕະລາງ​ໄວ້ ມາ​ຈົນ​ຮອດ​ເວລາ​ນີ້​ກໍ​ແມ່ນ ນັກ​ບິນ​ອາ​ວະ​ກາດ​ຂອງ NASA ຈຳນວນ 2 ຄົນ ຈະ​ຄ້າງ​ຢູ່​ເທິງ ISS ພາຍ​ໃນ​ເວລາ 9 ເດືອນ ແທນ​ທີ່​ຈະ​ແມ່ນ 6 ເດືອນ​ຕາມ​ທີ່​ເຄີຍ​ມີ​ມາ. ດັ່ງນັ້ນ ນັກ​ບິນ​ອາ​ວະ​ກາດ ນິກ ຮາ​ເກ ຈະ​ເລີ່ມ​ພາລະກິດ ແຕ່​ເດືອນ​ເມສາ 2019 ດ້ວຍ​ການ​ໃຊ້​ຍານ Soyuz MS-12 ແລະ ກັບ​ຄືນ​ສູ່​ໂລກ ໃນ​ວັນ​ທີ 18 ທັນວາ ປີ​ດຽວ​ກັນ ໂດຍ​ໃຊ້​ຍານ Soyuz MS-13 ໃນ​ຂະນະ​ທີ່​ນັກ​ບິນ​ອາ​ວະ​ກາດ ແອນ​ຣີວ ມໍ​ແກນ ຈະ​ຂຶ້ນ​ເມືອ​ຍັງ​ຮ່ວງ​ອາ​ວະ​ກາດ  ດ້ວຍ​ຍານ Soyuz MS-13 ນັບ​ແຕ່​ວັນ​ທີ 6 ກໍລະກົດ 2019 ແລະ​ກັບ​ຄືນ​ສູ່​ໂລກ ດ້ວຍ​ຍານ Soyuz MS-15 ໃນ​ເດືອນ​ເມສາ 2020. ເວົ້າ​ອີກ​ຢ່າງ​ໜຶ່ງ​ກໍ​ຄື​ວ່າ ການ​ຂຶ້ນ​ກັບ​ຂອງ ສ ອາ​ເມ​ຣິ​ກາ ກັບ​ຍານ​ອາ​ວະ​ກາດ Soyuz ຂອງ​ຣັດ​ເຊຍ ຈະ​ໄດ້​ຕໍ່​ກຳນົດ​ແຕ່​ເດືອນ​ທັນວາ 2019 ຮອດ​ເດືອນ​ເມສາ 2020.

    Soyuz ເປັນ​ຍານ​ອາ​ວະ​ກາດ​ທີ່​ໄດ້​ຮັບ​ການ​ອອກ​ແບບ ໃຫ້​ແກ່​ໂຄງການ​ອາ​ວະ​ກາດ​ຂອງ ອະດີດ​ສະຫະພາບ​ໂຊ​ວຽດ ເມື່ອ​ຊຸມ​ປີ 1960 ແລະ​ ຍັງ​ຄົງ​ຮັກສາ​ການເຄື່ອນໄຫວ​ໄດ້​ຈົນ​ເຖິງ​ເວລາ​ນີ້.

 

ຂ່າວທີ່ກ່ຽວຂ້ອງ