ຂ່າວຫຼ້າສຸດ

ສະພາ​ຕ່ຳ ສ ອາ​ເມ​ຣິ​ກາ ຮັບຮອງ​ຮ່າງ​ກົດໝາຍ​ວ່າ​ດ້ວຍ​ຄວາມ​ໝັ້ນຄົງ​ຊາຍ​ແດນ

387 18 ກ.ພ. 2019 ຂ່າວຕ່າງປະເທດ
ສະພາ​ຕ່ຳ ສ ອາ​ເມ​ຣິ​ກາ ຮັບຮອງ​ຮ່າງ​ກົດໝາຍ​ວ່າ​ດ້ວຍ​ຄວາມ​ໝັ້ນຄົງ​ຊາຍ​ແດນ

    ຂ່າວສານ ຣອຍ​ເຕີ ລາຍ​ງານ​ວ່າ ເມື່ອ​ວັນ​ທີ 14 ກຸມພາ​ນີ້ ສະພາ​ຕ່ຳ ສ ອາ​ເມ​ຣິ​ກາ ໄດ້​ຮັບຮອງ​ດ້ວຍ​ສຽງ​ສ່ວນ​ຫຼາຍ (300/128) ສຳລັບ​ຮ່າງ​ກົດໝາຍ​ວ່າ​ດ້ວຍ​ຄວາມ​ໝັ້ນຄົງ​ຊາຍ​ແດນ ເພື່ອ​ຫຼີກເວັ້ນ​ຕໍ່​ການ​ທີ່​ລັດຖະບານ​ຕ້ອງ​ປິດ​ການ​ເຮັດ​ວຽກ​ສ່ວນ​ໜຶ່ງ ແລະ​ນຳ​ສະເໜີ​ຮ່າງ​ກົດໝາຍ​ນີ້ ຂຶ້ນ​ໄປ​ຍັງ​ປະທານາທິບໍດີ ໂດ​ນາ​​ລ ທຣຳ ໃນ​ນັ້ນ​ປະກອບ​ມີ​ຮົ້ວ​ໃໝ່​ຢູ່​ໃນ​ສ່ວນ​ໜຶ່ງ​ຂອງ​ຊາຍ​ແດນ ສ ອາ​ເມ​ຣິ​ກາ-ເມັກ​ຊິກ ຫາກ​ບໍ່​ແມ່ນ​ບ້ວງ​ໃຊ້​ຈ່າຍ 5,7 ຕື້​ໂດ​ລາ​ສະຫະລັດ​ຕາມ​ທີ່​ທ່ານ ທຣຳ ສັນ​ຫາ.

    ສະພາ​ຕ່ຳ ສ ອາ​ເມ​ຣິ​ກາ ຊຶ່ງ​ຝ່າຍ​ພັກ​ເດ​ໂມ​ແກຣດ ຄອງ​ສຽງ​ສ່ວນ​ຫຼາຍ ນັ້ນ​ໄດ້​ໃຫ້ການ​ສະ​​ໜັບ​ສະ​ໜູນ​ຮ່າງ​ກົດໝາຍ​ວ່າ​ດ້ວຍ​ການ​ໃຊ້​ຈ່າຍ ໂດຍ​ການ​ສະໜອງ​ເງິນ​ກວ່າ 300 ຕື້​ໂດ​ລາ​ສະຫະລັດ ໃຫ້​ແກ່​ບາງ​ກະຊວງ ແລະ ອົງການ​ໃນ​ລັດຖະບານ.

   ກ່ອນ​ໜ້າ​ນັ້ນ ໃນ​ວັນ​ດຽວ​ກັນ ສະພາ​ສູງ ສ ອາ​ເມ​ຣິ​ກາ ກໍ​ໄດ້​ຮັບຮອງ​ຮ່າງ​ກົດໝາຍ​ດັ່ງກ່າວ​ໄປ​ແລ້ວ​ເຊັ່ນ​ກັນ. ທຳ​ນຽບ​ຂາວ​ໃຫ້​ຮູ້​ວ່າ​ປະທານາທິບໍດີ ທຣຳ ຈະ​ໄດ້​ລົງ​ນາມ​ເອກະສານ​ດັ່ງກ່າວ​ເພື່ອ​ໃຫ້​ກາຍເປັນ​ກົດໝາຍ.

ຂ່າວທີ່ກ່ຽວຂ້ອງ