ຂ່າວຫຼ້າສຸດ

ອີຊູຊຸລາວ ບໍລິການ ມອບໂຊກຄືນກຳໄລໃຫ້ລູກຄ້າ

263 18 ກ.ພ. 2019 ຂ່າວໜ້າ​ໜຶ່ງ
ອີຊູຊຸລາວ ບໍລິການ ມອບໂຊກຄືນກຳໄລໃຫ້ລູກຄ້າ

    ວັນ​ທີ 9 ກຸມ­ພາ 2019 ຜ່ານ​ມາ ບໍ­ລິ­ສັດ ອີ​ຊູ​ຊຸ​ລາວ​ບໍ­ລິ­ການ ຈຳ­ກັດ​ຜູ້​ດຽວ ຈັດ​ກິດ­ຈະ­ກຳ​ມອບ​ໂຊກ​ຄັ້ງ​ຍິ່ງ​ໃຫຍ່ ຄືນ​ກຳ­ໄລ​ໃຫ້​ແກ່​ລູກ​ຄ້າ​ທີ່​ມາ​ໃຊ້​ບໍ­ລິ­ການ​ຢູ່​ບໍ­ລິ­ສັດ​ຕົນ ບ້ານ​ນາ​ເລົ່າ ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ ໂດຍ​ເປັນ​ປະ­ທານ​ຂອງ​ທ່ານ ວິ​ຣະ​ໄຊ​ຄຳ ພິ­ລາ​ພັນ​ເດ​ຊ ປະ­ທານ​ບໍ­ລິ­ສັດ ອີ​ຊູ​ຊຸ​ລາວ​ບໍ­ລິ­ການ ຈຳ­ກັດ​ຜູ້​ດຽວ ມີ​ຄະ­ນະ​ຜູ້​ບໍ­ລິ­ຫານ ພະ­ນັກ­ງານ ແລະ ລູກ​ຄ້າ​ເຂົ້າ​ຮ່ວມ.

    ທ່ານ ວິ​ຣະ​ໄຊ​ຄຳ ພິ­ລາ​ພັນ​ເດ​ຊ ໄດ້​ກ່າວ​ວ່າ: ກິດ­ຈະ­ກຳ​ມອບ​ໂຊກ​ຄັ້ງ​ນີ້ ຈັດ​ຂຶ້ນ​ໃນ​ເດືອນ​ກຸມ­ພາ​ຂອງ​ທຸກ​ປີ ເຊິ່ງ​ປີ​ນີ້​ເປັນ​ປີ​ທີ 6 ທີ່​ບໍ­ລິ­ສັດ​ຈັດ​ຂຶ້ນ ເພື່ອ​ຄືນ​ກຳ­ໄລ​ໃຫ້​ລູກ​ຄ້າ​ທີ່​ມາ​ໃຊ້​ບໍ­ລິ­ການ​ຊື້​ລົດ​ນຳ​ບໍ­ລິ­ສັດ ສຳ­ລັບ​ການ​ແຈກ​ລາ­ງວັນ​ຄັ້ງ​ນີ້​ລວມ​ມີ 100 ກວ່າ​ລາ­ງວັນ​ຄື: ລາ­ງວັນ​ທີ 1 ຕູ້​ຊັກ​ເຄື່ອງ 1 ລາ­ງວັນ ລາ­ງວັນ​ທີ 2 ໂທລະ­ພາບ​ສີ 32 ນິ້ວ 1 ລາ­ງວັນ ລາ­ງວັນ​ທີ 3 ຕູ້­ເຢັນ 2 ລາ­ງວັນ ລາ­ງວັນ​ທີ 4 ພັດ​ລົມ 6 ລາ­ງວັນ ລາ­ງວັນ​ທີ 5 ກະ­ຕິກ​ນ້ຳ​ຮ້ອນ 6 ລາ­ງວັນ ລາ­ງວັນ​ທີ 7 ເຄື່ອງ​ປັ່ນ​ໝາກ​ໄມ້ 20 ລາ­ງວັນ ລາ­ງວັນ​ທີ 8 ໝໍ້​ຫຸງ​ເຂົ້າ 29 ລາ­ງວັນ ແລະ ລາ­ງວັນ​ທີ 9 ລຳ​ໂພງ​ບູ​ທູດ 29 ລາ­ງວັນ.

    ນອກ­ຈາກ​ນີ້ ພາຍ​ໃນ​ງານ​ຍັງ​ໄດ້​ຈັດ​ກິດ­ຈະ­ກຳ​ສະ­ແດງ​ສິ­ລະ​ປະ​ພື້ນ­ເມືອງ​ລາວ ເປົ່າ​ແຄນ​ລາວ ແລະ ມອບ​ລາ­ງວັນ​ແຂ່ງ­ຂັນ​ເຕັ້ນ​ຂອງ​ນັກ­ຮຽນ ເພື່ອ​ເປັນ​ທຶນ​ການ​ສຶກ​ສາ 4 ລາ­ງວັນ​ຄື: ລາ­ງວັນ​ທີ 1 ທຶນ​ການ​ສຶກ​ສາ 2 ລ້ານ​ກີບ ລາ­ງວັນ​ທີ 2 ທຶນ​ການ​ສຶກ​ສາ 1,5 ລ້ານ​ກີບ ລາ­ງວັນ​ທີ 3 ທຶນ​ການ​ສຶກ​ສາ 1 ລ້ານ​ກີບ ແລະ ລາ­ງວັນ​ທີ 4 ທຶນ​ການ​ສຶກ​ສາ 5 ແສນ​ກີບ ນອກ​ນີ້ ຍັງ​ມີ​ລາ­ງວັນ​ສຳ­ລັບ​ລູກ​ຄ້າ​ທີ່​ຊື້​ລົດ​ປີ 2018 ສາຍ​ຄໍ​ຄຳ​ໜັກ 1 ບາດ 5 ລາ­ງວັນ ລາ­ງວັນ​ເລກ​ໄມ​ສູງ​ສຸດ ລາ­ງວັນ​ຜູ້​ຂັບ​ຂີ່​ລົດ​ອີ​ຊູ​ຊຸ​ດີ­ເດັ່ນ ແລະ ລາ­ງວັນ​ຜູ້​ຮ່ວມ​ຫຼີ້ນ​ເກມ​ຖາມ-ຕອບ​ອີກ​ຫຼາຍ​ລາ­ງວັນ ພິ­ເສດ​ສຳ­ລັບ​ລູກ​ຄ້າ​ທີ່​ຈອງ​ລົດ​ໃນ​ງານ​ຄັ້ງ​ນີ້ ສາ­ມາດ​ລຸ້ນ​ຮັບ​ລາ­ງວັນ​ທີ 1 ສາຍ​ຄໍ​ຄຳ​ໜັກ 2 ບາດ ລາ­ງວັນ​ທີ 2 ສາຍ​ຄໍ​ຄຳ​ໜັກ 1 ບາດ ແລະ ລາ­ງວັນ​ທີ 3 ສາຍ​ຄໍ​ຄຳ​ໜັກ 2 ສະ­ຫຼຶງ.

ຂ່າວທີ່ກ່ຽວຂ້ອງ