ປິ່ງປ່ອງ ກຽມຈັດແຂ່ງຂັນຄັດນັກກີລາເຍົາວະຊົນ

213 20 ກ.ພ. 2019 ວົງຈອນກີລາ
ປິ່ງປ່ອງ ກຽມຈັດແຂ່ງຂັນຄັດນັກກີລາເຍົາວະຊົນ

    ສະ­ຫະ­ພັນ​ປິ່ງ​ປ່ອງ​ແຫ່ງ​ຊາດ ຮ່ວມ​ກັບ​ສູນ​ເຝິກ­ຊ້ອມ​ປິ່ງ​ປ່ອງ ດາ­ລາ​ວອນ ກຽມ​ຈັດ­ການ​ແຂ່ງ­ຂັນ​ກີ­ລາ​ປິ່ງ​ປ່ອງ ຮຸ່ນ​ອາ­ຍຸ​ບໍ່​ເກີນ 12 ປີ ກາງ​ເດືອນ​ມີ­ນາ 2019 ນີ້ ຢູ່​ສູນ​ເຝິກ­ຊ້ອມ​ກີ­ລາ​ປິ່ງ​ປ່ອງ ດາ­ລາ​ວອນ (ໄອ​ເຕັກ​ມໍ ຊັ້ນ 4 ນະ­ຄອນ­ຫຼວງ​ວຽງ​ຈັນ) ເພື່ອ​ຄັດ​ເລືອກ​ເອົາ​ນັກ­ກີ­ລາ​ປິ່ງ​ປ່ອງ​ເຍົາ­ວະ​ຊົນ ຈຳ­ນວນ 10 ຄົນ ເຂົ້າ​ຮ່ວມ​ໂຄງ­ການ​ເຂົ້າ​ສູນ​ເຝິກ­ຊ້ອມ​ກີ­ລາ​ປິ່ງ​ປ່ອງ​ນາໆຊາດ ທີ່​ຊື່­ວ່າ Hopes Week (Sout East Asia).

    ທ່ານ​ນາງ ດາ­ລາ​ວອນ ມະ­ນີ​ຈັນ ຜູ້​ຮັບ­ຜິດ­ຊອບ​ຈັດ­ການ​ແຂ່ງ­ຂັນ ໃຫ້​ຮູ້​ວ່າ: ການ​ແຂ່ງ­ຂັນ​ຄັດ​ເລືອກ​ນັກ­ກີ­ລາ​ເຂົ້າ​ສູນ​ເຝິກ­ຊ້ອມ​ນາໆຊາດ​ຄັ້ງ​ນີ້ ຈະ​ໄດ້​ຈັດ​ຂຶ້ນ​ລະ­ຫວ່າງ​ວັນ​ທີ 10-15 ມີ­ນາ 2019 ໃນ​ຮຸ່ນ​ອາ­ຍຸ​ບໍ່​ເກີນ 12 ປີ ໂດຍ​ຈະ​ຄັດ​ເລືອກ​ເອົາ​ນັກ­ກີ­ລາ ຈຳ­ນວນ 10 ຄົນ ຍິງ 5 ຄົນ ພ້ອມ​ທັງ​ເປັນ​ການ​ກະ­ກຽມ​ຄວາມ​ພ້ອມ ແລະ ຄັດ​ເລືອກ​ນັກ­ກີ­ລາ​ເຂົ້າ​ຮ່ວມ​ການ​ແຂ່ງ­ຂັນ​ລາຍ­ການ​ຕ່າງໆ​ທັງ​ພາຍ​ໃນ ແລະ ຕ່າງ­ປະ­ເທດ ທີ່​ຈະ​ຈັດ​ຂຶ້ນ​ໃນ​ມໍ່ໆ​ນີ້.

    ສຳ­ລັບ​ເງື່ອນ­ໄຂ​ຜູ້​ສະ­ໝັກ​ຕ້ອງ​ເປັນ​ຄົນ​ລາວ ອາ­ຍຸ​ບໍ່​ເກີນ 12 ປີ ເກີດ​ໃນ​ລະ­ຫວ່າງ​ປີ 2007-2008 ແຂ່ງ­ຂັນ​ປະ­ເພດ​ຊາຍ​ດ່ຽວ ສ່ວນ​ຮູບ​ແບບ​ການ​ແຂ່ງ­ຂັນ​ຖ້າ​ນັກ­ກີ­ລາ​ທີ່​ມາ​ສະ­ໝັກ​ບໍ່​ຮອດ 16 ຄົນ ແມ່ນ​ຈະ​ແຂ່ງ­ຂັນ​ແບບ​ແບ່ງ​ສາຍ​ໝູ­ນວຽນ ແຕ່​ກໍ­ລະ­ນີ​ມີ​ນັກ­ກີ­ລາ​ສະ­ໝັກ​ຫຼາຍ​ກວ່າ 16 ຄົນ ແມ່ນ​ໃຊ້​ຮູບ​ແບບ​ການ​ແຂ່ງ­ຂັນ​ແບບ​ເສຍ​ຕົກ​ຮອບ​ເລີຍ ດັ່ງ­ນັ້ນ ຖ້າ­ວ່າ​ນັກ­ກີ­ລາ​ຄົນ​ໃດ​ສົນ­ໃຈ​ແມ່ນ​ສາ­ມາດ​ສະ­ໝັກ​ໄດ້​ທີ່ ສູນ​ເຝິກ­ຊ້ອມ​ປິ່ງ​ປ່ອງ​ດາ­ລາ​ວອນ ທີ່​ໄອ​ເຕັກ​ມໍ ຊັ້ນ 4.

ຂ່າວທີ່ກ່ຽວຂ້ອງ