ຂ່າວຫຼ້າສຸດ

ລັດຖະບານຮັບຮອງ 7 ເອກະສານສຳຄັນ

715 21 ກ.ພ. 2019 ຂ່າວໜ້າ​ໜຶ່ງ
ລັດຖະບານຮັບຮອງ 7 ເອກະສານສຳຄັນ

    ວັນ​ທີ 20 ກຸມ­ພາ 2019 ທີ່​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ທ່ານ ຈະ­ເລີນ ເຢຍ​ປາວ​ເຮີ ລັດ­ຖະ­ມົນ­ຕີ​ປະ­ຈຳ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ໂຄ­ສົກ​ລັດ­ຖະ­ບານ ໄດ້​ຖະ­ແຫຼງ​ຂ່າວ​ກ່ຽວ​ກັບ​ຜົນ​ກອງ​ປະ­ຊຸມ​ລັດ­ຖະ­ບານ​ສະ­ໄໝ​ສາ­ມັນ ປະ­ຈຳ​ເດືອນ​ກຸມ­ພາ 2019 ວ່າ: ກອງ​ປະ­ຊຸມ​ລັດ­ຖະ­ບານ​ສະ­ໄໝ​ສາ­ມັນ​ປະ­ຈຳ​ເດືອນ​ກຸມ­ພາ 2019 ໄດ້​ຈັດ​ຂຶ້ນ​ວັນ​ທີ 19-20 ກຸມ­ພາ​ນີ້ ທີ່​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ພາຍ​ໃຕ້​ການ​ເປັນ​ປະ­ທານ​ຂອງ​ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ມີ​ບັນ­ດາ​ທ່ານ​ຮອງ​ນາ­ຍົກ­ລັດ­ຖະ­ມົນ­ຕີ ແລະ ສະ­ມາ­ຊິກ​ລັດ­ຖະ­ບານ ພ້ອມ​ດ້ວຍ​ແຂກ​ທີ່​ຖືກ​ເຊີນ ເຂົ້າ​ຮ່ວມ​ຢ່າງ​ພ້ອມ­ພຽງ.

    ກອງ​ປະ­ຊຸມ​ລັດ­ຖະ­ບານ​ສະ­ໄໝ​ສາ­ມັນ​ຄັ້ງ​ນີ້ ໄດ້​ພ້ອມ​ກັນ​ສຸມ​ໃສ່​ປຶກ­ສາ​ຫາ­ລື ແລະ ພິ­ຈາ­ລະ­ນາ​ຮັບ­ຮອງ​ເອົາ 7 ເອ­ກະ­ສານ​ສຳ­ຄັນ ຄື: ບົດ​ລາຍ​ງານ​ກ່ຽວ​ກັບ​ແຜນ­ຜັງ​ລວມ​ຕົວ​ເມືອງ ນະ­ຄອນ­ຫຼວງ​ວຽງ​ຈັນ ຮອດ​ປີ 2030 ບົດ​ລາຍ​ງານ​ກ່ຽວ​ກັບ​ຜົນ​ການ​ກວດ­ກາ​ໂຄງ­ການ​ເຊົ່າ-ສຳ​ປະ­ທານ​ທີ່​ດິນ​ລັດ ໃນ​ຂອບ​ເຂດ​ທົ່ວ​ປະ­ເທດ ຮ່າງ​ກົດ­ໝາຍ​ວ່າ​ດ້ວຍ​ທີ່​ດິນ (ສະ­ບັບ​ປັບ­ປຸງ) ດຳ­ລັດ​ວ່າ​ດ້ວຍ​ກອງ​ທຶນ​ພັດ­ທະ­ນາ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ (ສະ­ບັບ​ປັບ­ປຸງ) ບົດ​ລາຍ​ງານ​ກ່ຽວ​ກັບ​ຄວາມ​ຄືບ​ໜ້າ ໃນ​ການ­ຈັດ­ຕັ້ງ​ປະ­ຕິ­ບັດ 10 ຕົວ​ຊີ້​ວັດ ໃນ​ການ​ດຳ­ເນີນ​ທຸ­ລະ​ກິດ​ຢູ່ ສປປ ລາວ ບົດ​ລາຍ​ງານ​ກ່ຽວ​ກັບ​ຄວາມ​ຄືບ​ໜ້າ ໃນ​ການ​ຫັນ​ການ​ເກັບ​ລາຍ​ຮັບ​ງົບ­ປະ­ມານ​ເປັນ​ທັນ​ສະ­ໄໝ ບົດ​ລາຍ​ງານ​ກ່ຽວ​ກັບ​ແຜນ​ຈຸດ​ສຸມ​ພັດ­ທະ­ນາ​ຊົນ­ນະ­ບົດ​ຕິດ​ພັນ​ກັບ​ການ​ພັດ­ທະ­ນາ​ການ​ລົງ­ທຶນ.

    ບົດ​ລາຍ​ງານ​ກ່ຽວ​ກັບ​ແຜນ­ຜັງ​ລວມ​ຕົວ​ເມືອງ ນະ­ຄອນ­ຫຼວງ​ວຽງ​ຈັນ ກອງ​ປະ­ຊຸມ​ໄດ້​ພິ­ຈາ­ລະ­ນາ​ຮັບ­ຮອງ​ດ້ານ​ຫຼັກ­ການ ແລະ ຊີ້​ນຳ​ໃຫ້​ພາກ­ສ່ວນ​ທີ່​ກ່ຽວ­ຂ້ອງ ນຳ­ໄປ​ປັບ­ປຸງ​ຕາມ​ການ​ປະ­ກອບ​ຄຳ​ເຫັນ​ຂອງ​ສະ­ມາ­ຊິກ​ລັດ­ຖະ­ບານ ເປັນ­ຕົ້ນ ການ​ວາງ​ແຜນ​ພັດ­ທະ­ນາ​ຕົວ​ເມືອງ ນະ­ຄອນ­ຫຼວງ​ວຽງ​ຈັນ ເມື່ອ​ວາງ​ອອກ​ແລ້ວ​ຕ້ອງ​ສາ­ມາດ​ຈັດ​ຕັ້ງ​ປະ­ຕິ­ບັດ​ໄດ້​ຖືກ​ກັບ​ຕົວ​ຈິງ ພ້ອມ​ນີ້ ໃຫ້​ເອົາ­ໃຈ­ໃສ່​ໃນ​ການ​ກວດ­ກາ​ຕີ​ລາ­ຄາ​ຄືນ​ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ ການ​ວາງ​ຜັງ­ເມືອງ​ໃນ​ໄລ­ຍະ​ທີ່​ຜ່ານ​ມາ ມີ​ຫຍັງ​ແດ່​ທີ່​ສາ­ມາດ​ປະ­ຕິ­ບັດ​ໄດ້ ມີ​ອັນ​ໃດ​ແດ່​ທີ່​ຖືກ​ລະ­ເມີດ ແລະ ອັນ​ໃດ​ທີ່​ພວມ​ຈະ​ມີ​ການ​ລະ­ເມີດ ເພື່ອ​ມີ​ວິ­ທີ​ການ​ສະ­ກັດ​ກັ້ນ ເອົາ­ໃຈ­ໃສ່​ໃນ​ການ​ຄຸ້ມ​ຄອງ ແລະ ເຄັ່ງ​ຄັດ​ໃນ​ການ​ປະ­ຕິ­ບັດ​ກົດ­ໝາຍ​ຜັງ­ເມືອງ​ວາງ​ອອກ ຖ້າ​ມີ​ການ​ລະ­ເມີດ​ແມ່ນ​ໃຫ້​ມີ​ການ​ປະ­ຕິ­ບັດ​ຕາມ​ກົດ­ໝາຍ ລະ­ບຽບ​ການ​ຢ່າງ​ເຂັ້ມ​ງວດ ການ​ວາງ​ແຜນ​ຂະ­ຫຍາຍ­ຕົວ​ເມືອງ​ນະ­ຄອນ­ຫຼວງ​ວຽງ​ຈັນ ບໍ່​ຄວນ​ຈະ​ຂະ­ຫຍາຍ­ຕົວ​ໃຫຍ່​ກວ້າງ​ຈົນ​ເກີນ​ໄປ ສຳ­ຄັນ​ແມ່ນ​ໃຫ້​ເອົາ­ໃຈ­ໃສ່​ໃນ​ການ​ຂະ­ຫຍາຍ​ການ​ພັດ­ທະ­ນາ ໃຫ້​ໄປ​ສູ່​ບັນ­ດາ​ແຂວງ​ຕ່າງໆ ການ​ວາງ​ແຜນ​ພັດ­ທະ­ນາ​ຕົວ​ເມືອງ ນະ­ຄອນ­ຫຼວງ​ວຽງ​ຈັນ ຕ້ອງ​ເຮັດ​ໄປ​ຕາມ​ທິດ 6 ສ ວາງ​ອອກ​ໃຫ້​ປາ­ກົດ​ຜົນ​ເປັນ​ຈິງ ນອກ​ນັ້ນ ຕ້ອງ​ເອົາ­ໃຈ­ໃສ່​ໃນ​ການ​ຈັດ​ສັນ​ເຂດ​ພັດ­ທະ­ນາ​ຕ່າງໆ​ໃຫ້​ດີ ເປັນ­ຕົ້ນ ເຂດ​ການ​ຜະ­ລິດ​ກະ­ສິ­ກຳ ເຂດ​ອະ­ນຸ​ຮັກ ເຂດ​ສຳ­ນັກ­ງານ​ອົງ­ການ ເຂດ​ເສດ­ຖະ­ກິດ​ພິ­ເສດ ເຂດ​ທຳ​ການ​ຜະ­ລິດ​ອຸດ­ສາ­ຫະ­ກຳ ແລະ ອື່ນໆ ແຕ່​ຕ້ອງ​ເອົາ­ໃຈ­ໃສ່​ການ​ຄຸ້ມ​ຄອງ ສຳ­ລັບ​ໄລ­ຍະ​ເວ­ລາ​ຂອງ​ແຜນ​ພັດ­ທະ­ນາ​ດັ່ງ­ກ່າວ ຕ້ອງ​ໄດ້​ກຳ­ນົດ​ເປັນ​ແຕ່​ລະ​ໄລ­ຍະ ເຊັ່ນ: ໄລ­ຍະ​ສັ້ນ ໄລ­ຍະ​ກາງ ແລະ ໄລ­ຍະ​ຍາວ ຮອດ​ປີ 2050 ພາຍ­ຫຼັງ​ປັບ­ປຸງ​ແລ້ວ​ແມ່ນ​ໃຫ້​ນຳ​ສະ­ເໜີ​ຂໍ​ທິດ​ຊີ້​ນຳ​ຈາກ​ກົມ​ການ­ເມືອງ​ສູນ​ກາງ​ພັກ ກ່ອນ​ນຳ​ສະ­ເໜີ​ຕໍ່​ກອງ​ປະ­ຊຸມ​ສະ­ພາ​ແຫ່ງ​ຊາດ​ພິ­ຈາ­ລະ­ນາ​ຮັບ­ຮອງ.

ຂ່າວທີ່ກ່ຽວຂ້ອງ