ຂ່າວຫຼ້າສຸດ

ວຽງຈັນສິງ ໄດ້ຂັນຣັກບີ້ ບາງກອກ 10 ຄົນ ສະໄໝທີ 3

436 22 ກ.ພ. 2019 ວົງຈອນກີລາ
ວຽງຈັນສິງ ໄດ້ຂັນຣັກບີ້ ບາງກອກ 10 ຄົນ ສະໄໝທີ 3

    ທີມ​ຣັກ​ບີ້​ສາວ ສະ­ໂມ­ສອນ​ວຽງ​ຈັນ​ສິງ ທີມ​ແຊັມ​ການ​ແຂ່ງ­ຂັນ​ຣັກ​ບີ້ ລາຍ­ການ DHL VIENTIANE 10S ທີ່​ນະ­ຄອນ­ຫຼວງ​ວຽງ​ຈັນ ຍັງ​ສືບ­ຕໍ່​ສ້າງ​ຜົນ­ງານ​ໄດ້​ຢ່າງ​ໂດດ​ເດັ່ນ​ຕໍ່​ເນື່ອງ ຫຼັງ​ລົງ​ສະ­ໜາມ 5 ນັດ ຊະ­ນະ​ລວດ ພ້ອມ​ທັງ​ໄດ້​ຄອງ​ຂັນ​ຊະ­ນະ​ເລີດ ໃນ​ການ​ແຂ່ງ­ຂັນ​ຣັກ​ບີ້ ບາງ­ກອກ 10 ຄົນ ຫຼື “Bangkok 10’s” ທີ່​ປະ­ເທດ​ໄທ ເປັນ​ເຈົ້າ­ພາບ ເປັນ​ສະ­ໄໝ​ທີ 3 ມາ​ຄອງ​ໄດ້​ສຳ­ເລັດ.

    ສຳ­ລັບ​ການ​ແຂ່ງ­ຂັນ​ຣັກ​ບີ້ ບາງ­ກອກ 10 ຄົນ ແມ່ນ​ຈັດ​ຂຶ້ນ​ເປັນ​ເວ­ລາ 2 ວັນ ລະ­ຫວ່າງ​ວັນ​ທີ 16-17 ກຸມ­ພາ 2019 ມີ​ທີມ​ເຂົ້າ​ຮ່ວມ​ທັງ​ໝົດ 6 ທີມ ຜ່ານ​ການ​ແຂ່ງ­ຂັນ ທັບ​ນັກ­ກີ­ລາ​ຣັກ​ບີ້​ສາວ​ສະ­ໂມ­ສອນ ວຽງ​ຈັນ​ສິງ ຕົວ​ແທນ​ຈາກ ສປປ ລາວ ລົງ​ສະ­ໜາມ 5 ນັດ ສາ­ມາດ​ເອົາ​ຊະ­ນະ​ຄູ່​ແຂ່ງ​ໄປ​ໄດ້ 5 ນັດ​ລວດ ປະ­ກອບ​ມີ: ຊະ­ນະ ສະ­ໂມ­ສອນ ບາງ­ກອກ ບາງ​ເກີ ເບວ​ເລດ 21-0 ຄະ­ແນນ ຊະ­ນະ ສະ­ໂມ­ສອນ ສະ​ປາກ​ລິງ ຣາ​ຮັດ 17-0 ຄະ­ແນນ ຊະ­ນະ ສະ­ໂມ­ສອນ ມະ­ຫາ­ວິ­ທະ­ຍາ­ໄລ ສຣີ​ນາ­ຄາ​ຣິນ​ໄວ​ຣອດ 7-0 ຄະ­ແນນ ຊະ­ນະ ສະ­ໂມ­ສອນ ບາງ­ກອກ ເຊົາ​ເທີ​ເນີ 26-0 ຄະ­ແນນ ແລະ ຊະ­ນະ ສະ­ໂມ­ສອນ ໄຊ​ງອນ ເກດ​ກອດ 29-0 ຄະ­ແນນ ສົ່ງ​ຜົນ​ໃຫ້ ວຽງ​ຈັນ​ສິງ ສາ­ມາດ​ຄອງ​ຂັນ​ແຊັມ​ໃນ​ຄັ້ງ​ນີ້​ມາ​ຄອງ​ໄດ້ ເປັນ​ສະ­ໄໝ​ທີ 3 ພາຍ­ຫຼັງ​ໄດ້​ແຊັມ​ໃນ​ປີ 2017 ແລະ 2018.

ຂ່າວທີ່ກ່ຽວຂ້ອງ