ຂ່າວຫຼ້າສຸດ

ສະຫຼຸບໂຄງການພັດທະນາກີລາຄົນພິການ ປີ 2018

252 25 ກ.ພ. 2019 ວົງຈອນກີລາ
ສະຫຼຸບໂຄງການພັດທະນາກີລາຄົນພິການ ປີ 2018

    ກອງ​ປະ­ຊຸມ​ສະ­ຫຼຸບ​ໂຄງ­ການ​ພັດ­ທະ­ນາ​ກີ­ລາ​ຄົນ​ພິ­ການ​ໃນ ສປປ ລາວ ປະ­ຈຳ​ປີ 2018 ທີ່​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ອົງ­ການ​ໄຈ​ກາ ປະ­ເທດ​ຍີ່­ປຸ່ນ ຈັດ​ຂຶ້ນ​ວັນ​ທີ 20 ກຸມ­ພາ 2019 ຢູ່​ອົງ­ການ​ໄຈ​ກາ ປະ­ຈຳ ສປປ ລາວ ໂດຍ​ມີ​ທ່ານ ສີ­ທາດ ຈັນ­ທະ​ບູ​ລີ ຫົວ­ໜ້າ​ກົມ​ກີ­ລາ​ມວນ​ຊົນ ກະ­ຊວງ​ສຶກ​ສາ​ທິ​ການ ແລະ ກີ­ລາ (ສສກ) ແລະ ທ່ານ​ນາງ ໂທ​ມີ​ໂກະ ມະ​ເອ​ຈິ​ມະ ປະ­ທານ​ອົງ­ການ​ຄົນ​ພິ­ການ​ອາ­ຊີ ເພື່ອ​ການ​ພັດ­ທະ­ນາ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ທັງ​ສູນ​ກາງ ແລະ ທ້ອງ­ຖິ່ນ​ເຂົ້າ​ຮ່ວມ.

    ທ່ານ ສີ­ທາດ ຈັນ­ທະ​ບູ​ລີ ກ່າວ​ວ່າ: ການ​ພັດ­ທະ­ນາ​ກີ­ລາ​ຄົນ​ພິ­ການ​ຢູ່ ສປປ ລາວ ໃນ​ໄລ­ຍະ​ຜ່ານ​ມາ ໄດ້​ມີ​ການ­ເຄື່ອນ­ໄຫວ​ຢ່າງ​ປົກ­ກະ­ຕິ​ຕໍ່​ເນື່ອງ ຈັດ­ການ​ແຂ່ງ­ຂັນ​ລະ­ດັບ​ຕ່າງໆ​ຢູ່​ພາຍ​ໃນ​ປະ­ເທດ ຕາມ​ທິດ​ທາງ​ຂອງ​ກະ­ຊວງ ສສກ ເຊັ່ນ: ການ​ແຂ່ງ­ຂັນ​ກີ­ລາ​ຄົນ​ພິ­ການ​ໃນ​ວັນ​ບຸນ​ສຳ­ຄັນ​ຕ່າງໆ​ຂອງ​ຊາດ ຂອງ​ສາ­ກົນ ວັນ​ຄົນ​ພິ­ການ​ແຫ່ງ​ຊາດ ແລະ ວັນ​ຄົນ​ພິ­ການ​ສາ­ກົນ​ຢູ່​ບັນ­ດາ​ແຂວງ ນະ­ຄອນ­ຫຼວງ ງານ​ແຂ່ງ­ຂັນ​ຄັດ​ເລືອກ​ນັກ­ກີ­ລາ​ຄົນ​ພິ­ການ​ລາວ ແລະ ງານ​ແຂ່ງ­ຂັນ​ກີ­ລາ​ຄົນ​ພິ­ການ​ທົ່ວ​ປະ­ເທດ ຄັ້ງ​ທີ 1 ປີ 2011 ຢູ່​ແຂວງ​ຫຼວງ​ພະ​ບາງ ຄັ້ງ​ທີ 2 ປີ 2014 ຢູ່​ແຂວງ​ອຸ­ດົມ​ໄຊ ແລະ ຈະ​ສືບ­ຕໍ່​ຈັດ​ງານ​ແຂ່ງ­ຂັນ​ກີ­ລາ​ຄົນ​ພິ­ການ​ທົ່ວ​ປະ­ເທດ ຄັ້ງ​ທີ 3 ໃນ​ປີ 2019 ຢູ່​ແຂວງ​ຊຽງ​ຂວາງ.

    ສຳ­ລັບ​ການ​ແຂ່ງ­ຂັນ​ລະ­ດັບ​ສາ­ກົນ ກໍ​ໄດ້​ເຂົ້າ​ຮ່ວມ​ແຂ່ງ­ຂັນ​ກີ­ລາ​ຄົນ​ພິ­ການ​ລະ­ດັບ​ອະ­ນຸ​ພາກ​ພື້ນ (ອາ​ຊຽນ ພາ​ຣາ​ເກມ) ໄດ້​ຫຼຽນ​ເງິນ ແລະ ຫຼຽນ​ທອງ ຈາກ​ປະ­ເພດ​ຍົກ​ນ້ຳ­ໜັກ ແລ່ນ-ລານ ລອຍ­ນ້ຳ ໂກນ​ບານ ແລະ ເຕະ­ບານ​ຄົນ​ພິ­ການ​ຕາ 5 ຄົນ ລະ­ດັບ​ພາກ​ພື້ນ (ເອ​ຊຽນ ພາ​ຣາ​ເກມ) ແລະ ລະ­ດັບ​ສາ­ກົນ (ພາ​ຣາ​ແລມ​ປິກ ເກມ) ສາ­ມາດ​ຍາດ​ໄດ້​ຫຼຽນ​ຄຳ​ຄັ້ງ​ປະ­ຫວັດ­ສາດ ຈາກ​ທ້າວ ເປ້ຍ ເຫຼົາ​ພັກ­ດີ ນັກ­ກີ­ລາ​ຍົກ​ນ້ຳ­ໜັກ​ຄົນ​ພິ­ການ​ລາວ ຮຸ່ນ​ນ້ຳ­ໜັກ 49 ກິ​ໂລ ໃນ​ງານ​ແຂ່ງ­ຂັນ​ກີ­ລາ​ເອ​ຊຽນ ພາ​ຣາ​ເກມ ຄັ້ງ​ທີ XII ປີ 2018 ຢູ່​ປະ­ເທດ​ອິນ​ໂດ​ເນ​ເຊຍ.

    ທັງ​ໝົດ​ນີ້​ລ້ວນ​ແຕ່​ເປັນ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ຂອງ​ພວກ​ເຮົາ ຕັ້ງ­ແຕ່​ປີ 2016-2018 ເຊິ່ງ​ເຫັນ​ໄດ້​ຊັດ​ເຈນ​ວ່າ​ໄດ້​ພັດ­ທະ­ນາ ແລະ ສ້າງ​ຂະ​ບວນ​ການ​ຫັດ­ກາຍ​ຍະ​ບໍ­ລິ­ຫານ ອອກ­ກຳ­ລັງ​ກາຍ ແລະ ຫຼິ້ນ​ກີ­ລາ​ໄດ້​ຫຼາຍ​ຂຶ້ນ​ຢູ່​ໃນ​ທົ່ວ​ຊຸມ​ຊົນ.

ຂ່າວທີ່ກ່ຽວຂ້ອງ