ຂ່າວຫຼ້າສຸດ

ຊ້າງນ້ອຍ-ປກສ ເກັບ 3 ຄະແນນທຳອິດ ລາວ ພຣີເມຍລີກ

288 26 ກ.ພ. 2019 ວົງຈອນກີລາ
ຊ້າງນ້ອຍ-ປກສ ເກັບ 3 ຄະແນນທຳອິດ ລາວ ພຣີເມຍລີກ

    ການ​ແຂ່ງ­ຂັນ​ບານ­ເຕະ ເປບ​ຊີ ລາວ ພຣີ​ເມຍ​ລີກ 2019 ນັດ​ເປີດ​ສະ­ໜາມ ໄດ້​ມີ​ຂຶ້ນ​ວັນ​ທີ 23 ກຸມ­ພາ ຢູ່​ທີ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 ເປັນ​ການ​ພົບ​ກັນ​ລະ­ຫວ່າງ ສະ­ໂມ­ສອນ​ມາ​ສ​ເຕີ ເຊ​ເວັນ ເອັຟ​ຊີ ພົບ​ກັບ ສະ­ໂມ­ສອນ ຊ້າງ​ນ້ອຍ ເອັຟ​ຊີ ສ່ວນ​ອີກ​ຄູ່ ສະ­ໂມ­ສອນ​ກະ­ຊວງ​ປ້ອງ​ກັນ​ຄວາມ​ສະ­ຫງົບ (ປກສ) ເອັຟ​ຊີ ພົບ​ສະ­ໂມ­ສອນ​ກະ­ຊວງ​ປ້ອງ​ກັນ​ປະ­ເທດ (ກອງ­ທັບ) ເອັບ​ຊີ.

    ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ຊ້າງ​ນ້ອຍ ເອົາ​ຊະ­ນະ ມາ​ສ​ເຕີ ເຊ​ເວັນ 4-0 ເກັບ 3 ຄະ­ແນນ​ທຳ​ອິດ ພ້ອມ​ຂຶ້ນ​ເປັນ​ທີມ​ນຳ​ຕາ­ຕະ­ລາງ​ຄະ­ແນນ ການ​ແຂ່ງ­ຂັນ​ບານ­ເຕະ ເປບ​ຊີ ລາວ ພຣີ​ເມຍ​ລີກ 2019 ສ່ວນ ປກສ ສາ­ມາດ​ເອົາ​ຊະ­ນະ ກອງ­ທັບ ໄປ​ແບບ​ຫວຸດ​ຫວິດ 1-0 ເກັບ 3 ຄະ­ແນນ​ທຳ​ອິດ​ໄດ້​ເຊັ່ນ​ກັນ ຢູ່​ອັນ​ດັບ 2 ຂອງ​ຕາ­ຕະ­ລາງ.

    ສຳ­ລັບ​ຕາ­ຕະ­ລາງ​ການ​ແຂ່ງ­ຂັນ​ນັດ​ຕໍ່​ໄປ ສະ­ໂມ­ສອນ ຊ້າງ​ນ້ອຍ ຈະ​ລົງ​ສະ­ໜາມ​ນັດ​ທີ 2 ພົບ​ກັບ ສະ­ໂມ­ສອນ ປກສ ໃນ​ວັນ​ທີ 9 ມີ­ນາ 2019 ເວ­ລາ 17:00 ໂມງ ຢູ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 ສ່ວນ​ສະ­ໂມ­ສອນ ມາ​ສ​ເຕີ ເຊ​ເວັນ ພົບ​ກັບ ສະ­ໂມ­ສອນ ອີ​ໂວ ຢູ​ໄນ​ເຕັດ ເຊິ່ງ​ຈະ​ແຂ່ງ­ຂັນ​ໃນ​ວັນ​ທີ 9 ມີ­ນາ 2019 ເວ­ລາ 17:00 ໂມງ ຢູ່​ສະ­ໜາມ​ກີ­ລາ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ.

    ຂະ­ນະ​ທີ່ ປກສ ນັດ​ທີ 2 ພົບ​ກັບ ສະ­ໂມ­ສອນ ຊ້າງ​ນ້ອຍ ເອັຟ​ຊີ ໃນ​ວັນ​ທີ 9 ມີ­ນາ 2019 ເວ­ລາ 17:00 ໂມງ ຢູ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 ສ່ວນ ສະ­ໂມ­ສອນ ກອງ­ທັບ ນັດ​ທີ 2 ພົບ​ກັບ ສະ­ໂມ­ສອນ ອີ​ໂວ ຢູ​ໄນ​ເຕັດ ໃນ​ວັນ​ທີ 30 ມີ­ນາ 2019 ເວ­ລາ 17:00 ໂມງ ຢູ່​ສະ­ໜາມ​ກີ­ລາ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ.

ຂ່າວທີ່ກ່ຽວຂ້ອງ