ຂ່າວຫຼ້າສຸດ

ຮ່ວມກັນຈັດກິດຈະກຳ ເພື່ອຊ່ວຍເຫຼືອເດັກຂ້າງຖະໜົນ

240 28 ກ.ພ. 2019 ຂ່າວໜ້າ​ໜຶ່ງ

    ກອງ​ປະ­ຊຸມ​ສະ­ຫຼຸບ​ຜົນ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ປີ 2018 ແລະ ສະ­ເໜີ​ໂຄງ­ການ ໄລ­ຍະ 5 ປີ (2018-2023) ໄດ້​ຈັດ​ຂຶ້ນ​ວັນ​ທີ 22 ກຸມ­ພາ 2019 ທີ່​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ (ຮສສ) ເປັນ​ປະ­ທານ​ຮ່ວມ​ຂອງ​ທ່ານ ວົງ​ຄຳ ພັນ­ທະ​ນຸ​ວົງ ຮອງ​ຫົວ­ໜ້າ​ກົມ​ສັງ­ຄົມ​ສົງ­ເຄາະ ແລະ ທ່ານ ເຊບັສ​ຕຽນ ມາ​ຮົດ ຫົວ­ໜ້າ​ອົງ­ການ​ເຟັນ​ອິນ​ເຕີ​ເນ​ເຊີນ​ລາວ ມີ​ພະ­ນັກ­ງານ​ວິ­ຊາ​ການ​ທີ່​ກ່ຽວ­ຂ້ອງ​ເຂົ້າ​ຮ່ວມ.

    ກອງ​ປະ­ຊຸມ​ໄດ້​ຮັບ​ຟັງ​ລາຍ​ງານ ຜົນ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ຊ່ວຍ­ເຫຼືອ​ເດັກ​ຂ້າງ​ຖະ­ໜົນ ແລະ ສ້າງ​ບຸ​ຄະ­ລາ​ກອນ​ບໍ­ລິ­ຫານ​ໂຄງ­ການ​ແບບ​ຍືນ​ຍົງ​ຢູ່​ລາວ (ໄລ­ຍະ IV) (2018-2023) ໂດຍ​ປະ­ກອບ​ມີ 3 ກິດ­ຈະ­ກຳ​ຫຼັກ ຄື: ກິດ­ຈະ­ກຳ​ປົກ​ປ້ອງ​ຊີ­ວິດ​ເພື່ອ​ເພີ່ມ​ການ​ປົກ​ປ້ອງ ແລະ ປ້ອງ​ກັນ​ຄວາມ​ສ່ຽງ​ທີ່​ຈະ​ເກີດ​ຂຶ້ນ​ກັບ​ເດັກ ໄວ​ໜຸ່ມ ແລະ ຄອບ­ຄົວ​ຂອງ​ພວກ​ເຂົາ ທີ່​ດ້ອຍ​ໂອ­ກາດ​ຢູ່​ໃນ​ພື້ນ​ທີ່​ຂອງ​ໂຄງ­ການ​ກິດ­ຈະ­ກຳ​ສ້າງ​ອະ­ນາ­ຄົດ ເພື່ອ​ແນ­ໃສ່​ໃຫ້​ເດັກ​ເຂົ້າ​ເຖິງ​ການ​ສຶກ​ສາ ໄວ​ໜຸ່ມ​ເຂົ້າ​ເຖິງ​ການ​ຈ້າງ​ງານ ຜູ້​ປົກ­ຄອງ​ສາ­ມາດ​ເບິ່ງ­ແຍງ​ດູ​ແລ​ເດັກ ແລະ ຄອບ­ຄົວ​ຂອງ​ເຂົາ­ເຈົ້າ​ດີ​ກວ່າ​ເກົ່າ ມີ​ສະ­ພາບ​ແວດ​ລ້ອມ​ຄອບ­ຄົວ​ທີ່​ປອດ​ໄພ ກິດ­ຈະ­ກຳ​ລະ­ບົບ​ການ​ປົກ​ປ້ອງ ເພື່ອ​ເສີມ​ສ້າງ​ຄວາມ​ອາດ​ສາ­ມາດ​ໃຫ້​ກັບ​ພະ­ນັກ­ງານ​ຂອງ​ໂຄງ­ການ ເພື່ອນ​ມິດ​ຄູ່​ຮ່ວມ​ງານ ແລະ ພາກ­ສ່ວນ​ອື່ນໆ​ທີ່​ກ່ຽວ­ຂ້ອງ ໂຄງ­ການ​ນີ້​ເປັນ​ໂຄງ­ການ​ຮ່ວມ​ມື​ລະ­ຫວ່າງ ກະ­ຊວງ ຮສສ ແລະ ອົງ­ການ​ເຟຣັນ​ອິນ​ເຕີ​ເນ​ເຊິນ​ແນວ໌.

    ທ່ານ ວົງ​ຄຳ ພັນ­ທະ​ນຸ​ວົງ ໄດ້​ກ່າວ​ວ່າ: ຢາກ​ໃຫ້​ມີ​ມາດ​ຕະ­ການ​ໃນ​ການ­ຈັດ­ຕັ້ງ​ປະ­ຕິ­ບັດ ໂດຍ​ສ້າງ​ຄວາມ​ຮັບ​ຮູ້ ເຂົ້າ­ໃຈ ເປັນ​ເອ­ກະ​ພາບ​ຂອງ​ບັນ­ດາ​ຈຸດ­ປະ­ສົງ​ກິດ­ຈະ­ກຳ ເພື່ອ​ໃຫ້​ມີ​ປະ​ສິດ­ທິ​ຜົນ ຕາມ​ແຜນ​ຂອດ​ການ​ປະ­ສານ​ງານ​ລະ­ຫວ່າງ​ອົງ­ການ​ກັບ​ກະ­ຊວງ ແຂວງ ເມືອງ ບ້ານ ພ້ອມ​ທັງ​ສະ­ເໜີ​ໃຫ້​ພາກ­ສ່ວນ​ກຽ່ວ​ຂ້ອງ ມີ​ສ່ວນ​ຮ່ວມ​ຊຸກ­ຍູ້ ສະ­ຫຼຸບ​ລາຍ​ງານ​ໃນ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ ໃຫ້​ມີ​ປະ​ສິດ­ທິ​ຜົນ​ຕາມ​ລະ­ດັບ​ຄາດ­ໝາຍ​ທີ່​ກຳ­ນົດ​ໄວ້.

ຂ່າວທີ່ກ່ຽວຂ້ອງ