ໄຊທານີ ສ້າງຄອບຄົວວັດທະນະທຳໄດ້ 32.057 ຄອບຄົວ

203 11 ມ.ນ. 2019 ຂ່າວໜ້າ​ໜຶ່ງ
ໄຊທານີ ສ້າງຄອບຄົວວັດທະນະທຳໄດ້ 32.057 ຄອບຄົວ

    ຫ້ອງ­ການ​ຖະ­ແຫຼງ​ຂ່າວ​ວັດ­ທະ­ນະ­ທຳ ແລະ ທ່ອງ​ທ່ຽວ (ຖວ​ທ) ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ (ນວ) ຈັດ​ກອງ​ປະ­ຊຸມ​ສະ­ຫຼຸບ​ການ­ເຄື່ອນ­ໄຫວ​ວຽກ​ງານ ປະ­ຈຳ​ປີ 2018 ແລະ ທິດ​ທາງ ປະ­ຈຳ​ປີ 2019 ຂຶ້ນ​ວັນ​ທີ 7 ມີ­ນາ 2019 ຢູ່​ຫ້ອງ­ການ​ດັ່ງ­ກ່າວ ໂດຍ​ເປັນ​ປະ­ທານ​ຂອງ​ທ່ານ ບົວ​ລີ ແກ້ວ​ມະ­ນີ​ວັນ ຫົວ­ໜ້າ​ຫ້ອງ­ການ ຖວ​ທ ເມືອງ​ໄຊ​ທາ­ນີ ມີ​ທ່ານ ຄຳ​ປະ­ດິດ ເຂັມ​ມາ­ນິດ ຫົວ­ໜ້າ​ພະ​ແນກ ຖວ​ທ ນວ ທ່ານ ວັນ­ເພັງ ອິນ​ທະ​ວົງ ຮອງ​ເຈົ້າ­ເມືອງ​ໄຊ​ທາ­ນີ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ນູ​ໄລ ລັດ­ຕະ­ນະ ຮອງ​ຫົວ­ໜ້າ​ຫ້ອງ­ການ ຖວ​ທ ເມືອງ​ໄຊ​ທາ­ນີ ກ່າວ​ວ່າ: 1 ປີ­ຜ່ານ­ມາ ຖວ​ທ ເມືອງ​ໄຊ​ທາ­ນີ ໄດ້​ສຸມ​ໃສ່​ຊີ້​ນຳ-ນຳ­ພາ​ວຽກ​ງານ​ວິ­ຊາ​ສະ­ເພາະ​ແຕ່​ລະ​ດ້ານ ເປັນ­ຕົ້ນ ໄດ້​ເປັນ​ເຈົ້າ​ການ​ຕິດ­ຕາມ​ຊຸກ­ຍູ້​ການ​ເກັບ​ກຳ​ຂໍ້​ມູນ ເພື່ອ​ນຳ​ສະ­ເໜີ​ຂັ້ນ​ເທິງ​ໃນ​ການ​ກຳ­ນົດ​ເງື່ອນ­ໄຂ​ການ​ສ້າງ​ບ້ານ​ພັດ­ທະ­ນາ ແລະ ຄອບ­ຄົວ​ວັດ­ທະ­ນະ­ທຳ ໂດຍ​ສາ­ມາດ​ສ້າງ​ຄອບ­ຄົວ​ວັດ­ທະ­ນະ­ທຳ​ໄດ້ 32.057 ຄອບ­ຄົວ ເພີ່ມ​ຂຶ້ນ 1.718 ຄອບ­ຄົວ ທຽບ­ໃສ່​ປີ 2017 ເພີ່ມ​ຂຶ້ນ 5,66% ທຽບ­ໃສ່​ແຜນ­ການ 5 ປີ ປະ­ຕິ­ບັດ​ໄດ້​ລື່ນ​ແຜນ­ການ 343,6% ປະ­ກາດ​ເປັນ​ບ້ານ​ວັດ­ທະ­ນະ­ທຳ 80 ບ້ານ ເພີ່ມ​ຂຶ້ນ 13 ບ້ານ ເພີ່ມ​ຂຶ້ນ 19,40% ປະ­ຕິ­ບັດ​ໄດ້ 100% ນອກ​ນີ້ ຍັງ​ໄດ້​ຂຶ້ນ​ທະ­ບຽນ ແລະ ຕໍ່​ອະ­ນຸ­ຍາດ​ຫົວ­ໜ່ວຍ​ທຸ­ລະ​ກິດ​ດ້ານ​ວັດ­ທະ­ນະ­ທຳ 52 ຫົວ­ໜ່ວຍ ເກັບ​ກຳ​ສະ­ຖິ­ຕິ​ປ້າຍ​ໂຄ­ສະ­ນາ​ເນື້ອ​ໃນ​ບໍ່​ຖືກ­ຕ້ອງ ແລະ ຮ້ານ​ເສີມ​ຄວາມ​ງາມ​ຂອງ​ຄົນ​ຕ່າງ­ປະ­ເທດ 64 ຫົວ­ໜ່ວຍ ກວດ­ກາ ແລະ ເຮັດ​ບົດ​ບັນ­ທຶກ​ສຶກ​ສາ​ອົບ­ຮົມ ຫົວ­ໜ່ວຍ​ທຸ­ລະ​ກິດ​ເຄື່ອນ​ໄຫວ​ບໍ່​ຖືກ­ຕ້ອງ 43 ສະ­ບັບ ເກັບ​ກູ້​ປ້າຍ​ໂຄ­ສະ­ນາ 32 ປ້າຍ ຂຶ້ນ​ບັນ­ຊີ​ສະ­ໂມ­ສອນ​ສິ­ລະ​ປະ 2 ແຫ່ງ ໜ່ວຍ​ສິ­ລະ​ປະ​ປະ­ຈຳ​ບ້ານ​ວັດ­ທະ­ນະ­ທຳ 1 ໜ່ວຍ ຫໍ​ສະ­ແດງ​ວັດ­ທະ­ນະ­ທຳ 1 ແຫ່ງ.

    ຕິດ­ຕາມ​ຊຸກ­ຍູ້​ປຸກ­ລະ­ດົມ​ການ­ຈັດ­ຕັ້ງ​ບ້ານ ປັບ­ປຸງ​ສ້ອມ­ແປງ​ກະ­ດານ​ຂ່າວ­ສານ 10 ຄັ້ງ ສ້າງ­ສາ​ລະ​ຄະ­ດີ​ທີ່​ຕິດ​ພັນ​ກັບ​ການ​ຊ່ວຍ­ເຫຼືອ​ຜູ້​ປະ­ສົບ​ໄພ​ນ້ຳ​ຖ້ວມ 3 ເລື່ອງ ຂຽນ​ຂ່າວ-ສົ່ງ​ຂ່າວ​ອອກ​ໜັງ­ສື­ພິມ​ວຽງ​ຈັນ​ໃໝ່ 90 ຂ່າວ ແລະ ກວດ­ກາ​ການ​ນຳ​ໃຊ້​ໂທລະ​ໂຄ່ງ​ປະ­ຈຳ​ບ້ານ​ເປັນ​ປະ­ຈຳ ທົ່ວ​ເມືອງ​ມີ​ໂຮງ­ແຮມ 40 ແຫ່ງ ເຮືອນ​ພັກ 51 ແຫ່ງ ຮ້ານ​ອາ­ຫານ-ສວນ​ອາ­ຫານ 208 ແຫ່ງ ຮ້ານ​ບັນ­ເທີງ 14 ແຫ່ງ ທ່ອງ​ທ່ຽວ​ທາງ​ທຳ​ມະ​ຊາດ ວັດ­ທະ­ນະ­ທຳ 18 ແຫ່ງ ຂຶ້ນ​ທະ­ບຽນ ແລະ ຕໍ່​ອະ­ນຸ­ຍາດ​ຫົວ­ໜ່ວຍ​ທຸ­ລະ​ກິດ​ດ້ານ​ການ­ທ່ອງ­ທ່ຽວ 74 ຄັ້ງ ກວດ­ກາ​ຮ່ວມ​ກັບ​ພະ​ແນກ ຖວ​ທ 32 ຄັ້ງ ລົງ​ສຳ​ຫຼວດ​ແຫຼ່ງ​ທ່ອງ​ທ່ຽວ​ຕາມ​ສາຍ​ນ້ຳ​ງື່ມ 3 ຄັ້ງ ຈັດ​ຄາ​ລະ​ວານ​ເພື່ອ​ສົ່ງ­ເສີມ​ວຽກ​ງານ​ທ່ອງ​ທ່ຽວ 2 ຄັ້ງ ແລະ ການ­ເຄື່ອນ­ໄຫວ​ອື່ນໆ​ອີກ.

ຂ່າວທີ່ກ່ຽວຂ້ອງ