ຂ່າວຫຼ້າສຸດ

ຊາວໜຸ່ມພະແນກ ຖວທ ນວ ໄດ້ຮັບນາມມະຍົດ 4 ບຸກ 3 ປີຊ້ອນ

214 11 ມ.ນ. 2019 ຂ່າວໜ້າ​ໜຶ່ງ
ຊາວໜຸ່ມພະແນກ ຖວທ ນວ ໄດ້ຮັບນາມມະຍົດ 4 ບຸກ 3 ປີຊ້ອນ

    ຄະ­ນະ​ບໍ­ລິ­ຫານ​ງານ​ຊາວ​ໜຸ່ມ ປະ­ຊາ­ຊົນ ປະ­ຕິ­ວັດ​ລາວ (ຊປປ ລາວ) ຮາກ​ຖານ​ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ (ຖວ​ທ ນວ) ຈັດ​ກອງ​ປະ­ຊຸມ​ໃຫຍ່ ຄັ້ງ​ທີ II ຂຶ້ນ​ວັນ​ທີ 6 ມີ­ນາ 2019 ຢູ່​ພະ​ແນກ​ດັ່ງ­ກ່າວ ໂດຍ​ເປັນ​ປະ­ທານ​ຂອງ​ທ່ານ ພູ​ສອນ ໄຊ​ຍະ​ລາດ ເລ­ຂາ​ຄະ­ນະ​ບໍ­ລິ­ຫານ​ງານ ຊປປ ລາວ ພະ​ແນກ ຖວ​ທ ນວ ມີ​ທ່ານ ສຸ­ມາ­ລີ ທຳ​ມະ​ວົງ­ສາ ເລ­ຂາ​ຄະ­ນະ​ບໍ­ລິ­ຫານ​ງານ ຊປປ ລາວ ນວ ທ່ານ ຄຳ​ປະ­ດິດ ເຂັມ​ມາ­ນິດ ຫົວ­ໜ້າ​ພະ​ແນກ ຖວ​ທ ນວ ພ້ອມ​ດ້ວຍ​ຄະ­ນະ​ບໍ­ລິ­ຫານ​ງານ​ຊາວ​ໜຸ່ມ ຜູ້­ຕາງ­ໜ້າ​ຈາກ​ອົງ​ການ­ຈັດ­ຕັ້ງ​ມະ­ຫາ­ຊົນ ແລະ ສະ­ມາ­ຊິກ​ຊາວ​ໜຸ່ມ​ເຂົ້າ​ຮ່ວມ.

    ທ່ານ ພູ​ສອນ ໄຊ​ຍະ​ລາດ ກ່າວ​ວ່າ: 5 ປີ­ຜ່ານ­ມາ ອົງ​ການ­ຈັດ­ຕັ້ງ​ຊາວ​ໜຸ່ມ​ຮາກ​ຖານ​ພະ​ແນກ ຖວ​ທ ນວ ໄດ້​ເອົາ­ໃຈ­ໃສ່ ແລະ ຖື​ເປັນ​ບັນ­ຫາ​ສຳ­ຄັນ​ວຽກ​ງານ​ສຶກ​ສາ​ອົບ­ຮົມ​ແນວ​ຄິດ-ການ­ເມືອງ​ໃຫ້​ສະ­ມາ­ຊິກ ປັບ­ປຸງ​ການ­ຈັດ­ຕັ້ງ ແລະ ຂະ­ຫຍາຍ​ສະ­ມາ­ຊິກ ປັດ­ຈຸ­ບັນ​ມີ​ສະ­ມາ­ຊິກ 128 ສະ­ຫາຍ ຍິງ 63 ສະ­ຫາຍ ມີ​ກອງ​ອາ­ສາ​ສະ­ໝັກ​ຊາວ​ໜຸ່ມ​ຕະ­ລຸມ­ບອນ​ຂົງ­ເຂດ​ຖະ­ແຫຼງ​ຂ່າວ ຂົງ­ເຂດ​ວັດ­ທະ­ນະ­ທຳ ແລະ ຊາວ​ໜຸ່ມ​ຕະ­ລຸມ­ບອນ​ຂົງ­ເຂດ​ທ່ອງ​ທ່ຽວ ແລະ ເປັນ​ສະ­ມາ­ຊິກ​ພັກ​ສົມ­ບູນ 34 ສະ­ຫາຍ ຍິງ 10 ສະ­ຫາຍ ສະ­ມາ­ຊິກ​ສະ­ຫະ­ພັນ​ແມ່­ຍິງ 34 ສະ­ຫາຍ ສະ­ມາ­ຊິກ​ກຳ­ມະ­ບານ 75 ສະ­ຫາຍ ຍິງ 25 ສະ­ຫາຍ ສະ­ມາ­ຊິກ ຊປປ ລາວ ຮາກ​ຖານ​ພະ​ແນກ ຖວ​ທ ນວ ໄດ້​ສັງ­ກັດ​ໃນ​ທຸກ​ຂະ­ແໜງ­ການ ແລະ ທຸກ​ກອງ​ວິ­ຊາ​ການ ໂດຍ​ແບ່ງ​ເປັນ 10 ໜ່ວຍ ຕາມ​ເງື່ອນ­ໄຂ​ດ້ານ​ວິ­ຊາ​ສະ­ເພາະ ຜ່ານ​ການ​ປະ­ຕິ­ບັດ​ວຽກ​ງານ​ໄດ້​ຮັບ​ການ​ຍ້ອງ­ຍໍ​ຂັ້ນ​ກົມ​ກອງ 1 ຄັ້ງ ໃນ​ການ​ປະ­ຕິ­ບັດ​ວຽກ​ງານ​ຊາວ​ໜຸ່ມ ສົກ​ປີ 2013-2018 ໄດ້​ຮັບ​ການ​ຍ້ອງ­ຍໍ​ໃນ​ການ​ປະ­ກອບ­ສ່ວນ​ເຄື່ອນ​ໄຫວ​ວຽກ​ງານ​ຊາວ​ໜຸ່ມ ຕະ­ຫຼອດ​ໄລ­ຍະ​ອາ­ຍຸ​ກະ­ສຽນ​ຊາວ​ໜຸ່ມ 17 ສະ­ຫາຍ ໄດ້​ຮັບ​ການ​ຍ້ອງ­ຍໍ​ສັນ­ລະ­ເສີນ​ຜົນ­ງານ​ຈາກ​ອຳ­ນາດ​ການ​ປົກ­ຄອງ​ລັດ ປະ­ເພດ​ບຸກ­ຄົນ​ດີ­ເດັ່ນ​ຄື: ໄດ້​ຮັບ​ຫຼຽນ​ໄຊ​ແຮງ​ງານ​ຊັ້ນ 1 ຈຳ­ນວນ 1 ສະ­ຫາຍ ຫຼຽນ​ໄຊ​ແຮງ​ງານ​ຊັ້ນ 2 ຈຳ­ນວນ 19 ສະ­ຫາຍ ຫຼຽນ​ໄຊ​ແຮງ​ງານ​ຊັ້ນ 3 ຈຳ­ນວນ 15 ສະ­ຫາຍ ຫຼຽນ​ກາ​ແຮງ​ງານ 31 ສະ­ຫາຍ ແລະ ຍ້ອງ­ຍໍ​ຂັ້ນ ນວ 44 ສະ­ຫາຍ ຍິງ 24 ສະ­ຫາຍ ໄດ້​ກວດ­ກາ​ຕີ​ລາ­ຄາ​ຈັດ​ແບ່ງ​ປະ­ເພດ​ສະ­ມາ­ຊິກ​ຊາວ​ໜຸ່ມ​ໃນ​ບັ້ນ​ສະ­ຫຼຸບ​ຂໍ້​ແຂ່ງ­ຂັນ 4 ບຸກ​ໄດ້ 3 ປີ​ຊ້ອນ ຄື: ປີ2016 ປີ 2017 ແລະ ປີ 2018.

    ນອກ​ນີ້​ຍັງ​ໄດ້​ປ່ອນ​ບັດ​ຄັດ​ເລືອກ​ເອົາ​ຄະ­ນະ​ບໍ­ລິ­ຫານ​ງານ ຊປປ ລາວ ຊຸດ​ໃໝ່ ໂດຍ​ມີ​ຜູ້​ລົງ​ສະ​ໜັກ 11 ສະ­ຫາຍ ເລືອກ​ເອົາ 9 ສະ­ຫາຍ ໂດຍ​ເປັນ​ເອ­ກະ​ພາບ​ເອົາ​ທ່ານ ພູ​ສອນ ໄຊ​ຍະ​ລາດ ເປັນ​ເລ­ຂາ ທ່ານ ອຳ­ພອນ ແສງ​ທຳ​ຢອງ ເປັນ​ຮອງ​ເລ­ຂາ ປະ­ທານ​ກວດ­ກາ ທ່ານ​ນາງ ຄອງ​ປະ­ກາຍ ຄັດ​ຕະ​ມອນ ແລະ ທ່ານ ຄູນ​ແກ້ວ ສີ​ສູນ​ທອນ ເປັນ​ຮອງ​ເລ­ຂາ.

ຂ່າວທີ່ກ່ຽວຂ້ອງ