ຂ່າວຫຼ້າສຸດ

ສືບຕໍ່​ຄັດ​ເລືອກ​ນັກກີລາ​ລອຍນ້ຳ​ຄົນ​ພິການ​ຮຸ່ນ​ສືບ​ທອດ

314 12 ມ.ນ. 2019 ວົງຈອນກີລາ
ສືບຕໍ່​ຄັດ​ເລືອກ​ນັກກີລາ​ລອຍນ້ຳ​ຄົນ​ພິການ​ຮຸ່ນ​ສືບ​ທອດ

     ພາຍຫຼັງ​ສຳເລັດ​ການ​ຄັດ​ເລືອກ​ນັກກີລາ​ລອຍນ້ຳ​ຄົນ​ພິການ ຢູ່​ແຂວງ​ຈຳປາ​ສັກ ທ້າຍ​ເດືອນ​ກຸມພາ​ຜ່ານ​ມາ ຄະນະ​ກຳມະການ​ພາ​ຣາ​ແລມ​ປິກ​ແຫ່ງ​ຊາດ​ລາວ (​ຄພລ) ຮ່ວມ​ກັບ​ອົງການ​ຄົນ​ພິການ​ອາຊີ​ເພື່ອ​ການ​ພັດທະນາ (ADDP) ກໍ​ໄດ້​ສືບຕໍ່​ລົງ​ຕິດຕາມ ແລະ ຊຸກຍູ້​ການ​ເຝິກຊ້ອມ​ນັກກີລາ​ລອຍນ້ຳ​ຄົນ​ພິການ ຢູ່​ແຂວງ​ຫຼວງ​ພະ​ບາງ ເພື່ອ​ຄົ້ນ​ຫາ ແລະ ສ້າງ​ນັກກີລາ ຮຸ່ນ​ສືບ​ທອດ ສ້າງ​ຜົນງານ​ໃຫ້​ທີມ​ຊາດ​ລາວ​ໃນ​ອະນາຄົດ.

    ທ່ານ ວັນນະ​ແສງ ສຸລິນ​ທາ ຕາງໜ້າ​ຈາກ​ກົມ​ກີລາ​ມວນ​ຊົນ ກະຊວງ​ສຶກ​ສາ​ທິ​ການ ແລະ ກີລາ ໃຫ້​ສຳພາດ​ເມື່ອ​ບໍ່​ດົນ​ມາ​ນີ້ ວ່າ: ການ​ລົງ​ຕິດຕາມ​ຄັ້ງ​ນີ້ ເປັນ​ການ​ສືບຕໍ່​ໂຄງການ​ທີ່​ໄດ້​ປະຕິບັດ​ກັນ​ຢູ່​ແຂວງ​ຈຳປາ​ສັກ ເຊິ່ງ​ເປັນ​ການ​ຮ່ວມ​ມື​ກັນ​ລະຫວ່າງ ​ຄພລ-ADDP ເພື່ອ​ຊຸກຍູ້-ສົ່ງເສີມ ແລະ ສ້າງ​ນັກ ກີລາ​ລອຍນ້ຳ​ຄົນ​ພິການ ຮຸ່ນ​ສືບ​ທອດ ໂດຍ​ການ​ເຝິກອົບຮົມ​ແມ່ນ​ເລີ່ມ​ແຕ່​ວັນ​ທີ 3-7 ມີນາ 2019 ພາຍຫຼັງ​ສຳເລັດ​ໂຄງການ​ນີ້ ຈະ​ຈັດການ​ແຂ່ງຂັນ​ກີລາ​ລອຍນ້ຳ​ຄົນ​ພິການ ທົ່ວ​ປະເທດ 2019 ຂຶ້ນ​ຢູ່​ນະ ຄອນ​ຫຼວງ​ວຽງ​ຈັນ ໃນ​ຕົ້ນ​ເດືອນ​ເມສາ ທີ່​ຈະ​ເຖິງ​ນີ້ ເພື່ອ​ທົດ​ສອບ​ນັກກີລາ​ເຫຼົ່າ​ນີ້ ແລະ ນັກກີລາ​ທົ່ວ​ປະເທດ​ໃນ​ແຂວງ​ຕ່າງໆ ເພື່ອ​ຄັດ​ເລືອກ​ມາ​ບັນຈຸ​ເປັນ​ນັກກີລາ​ທີມ​ຊາດ​ລາວ. 

ຂ່າວທີ່ກ່ຽວຂ້ອງ