ຂ່າວຫຼ້າສຸດ

ປະດັບຫຼຽນກາ ໃຫ້ຜູ້ຕາງໜ້າອົງການອຸຍນີເຊັບ ປະຈຳລາວ

421 12 ມ.ນ. 2019 ຂ່າວໜ້າ​ໜຶ່ງ
ປະດັບຫຼຽນກາ ໃຫ້ຜູ້ຕາງໜ້າອົງການອຸຍນີເຊັບ ປະຈຳລາວ

    ວັນ​ທີ 11 ມີ­ນາ 2019 ທີ່​ກະ­ຊວງ​ການ​ຕ່າງ­ປະ­ເທດ ໄດ້​ມີ​ພິ­ທີ​ປະ­ດັບ​ຫຼຽນ​ກາ​ມິດ­ຕະ­ພາບ​ໃຫ້​ທ່ານ ມິ​ໂອ-ຊິນ​ຢູນ ຮອງ​ຜູ້­ຕາງ­ໜ້າ​ອົງ­ການ​ອຸຍ​ນີ​ເຊັບ (UNICEF) ປະ­ຈຳ​ລາວ ເພື່ອ​ເປັນ​ການ​ຍ້ອງ­ຍໍ​ຊົມ­ເຊີຍ​ຜົນ­ງານ​ຂອງ​ຜູ້­ກ່ຽວ ພາຍ­ຫຼັງ​ສິ້ນ​ສຸດ​ການ​ປະ­ຕິ­ບັດ​ໜ້າ­ທີ່​ຢູ່​ລາວ ຕາງ­ໜ້າ​ລັດ­ຖະ­ບານ​ລາວ​ປະ­ດັບ​ຫຼຽນ​ກາ​ມິດ­ຕະ­ພາບ​ຄັ້ງ​ນີ້ ໂດຍ​ທ່ານ​ນາງ ຄຳ​ເພົາ ເອີນ​ທະ​ວັນ ຮອງ​ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ມີ​ພະ­ນັກ­ງານ​ຈາກ​ບັນ­ດາ​ກະ­ຊວງ ຂະ­ແໜງ­ການ​ກ່ຽວ­ຂ້ອງ ຜູ້­ຕາງ­ໜ້າ​ຫ້ອງ­ການ ຜູ້​ປະ­ສານ​ງານ ສປຊ ແລະ ຜູ້­ຕາງ­ໜ້າ​ອົງ­ການ​ອຸຍ​ນີ​ເຊັບ ປະ­ຈຳ​ລາວ ເຂົ້າ​ຮ່ວມ.

    ໂອ­ກາດ​ນີ້ ທ່ານ​ຮອງ​ລັດ­ຖະ­ມົນ­ຕີ ໄດ້​ສະ­ແດງ​ຄວາມ​ຊົມ­ເຊີຍ ແລະ ຕີ​ລາ­ຄາ​ສູງ​ຕໍ່​ຜົນ­ສຳ­ເລັດ ໃນ​ການ​ປະ­ຕິ­ບັດ​ໜ້າ­ທີ່​ວຽກ​ງານ​ໃນ​ໄລ­ຍະ​ຜ່ານ​ມາ​ຂອງ​ທ່ານ ມິ​ໂອ-ຊິນ​ຢູນ ທີ່​ໄດ້​ປະ­ກອບ­ສ່ວນ​ເສີມ​ຂະ­ຫຍາຍ​ການ​ພົວ­ພັນ​ຮ່ວມ​ມື ແລະ ຊ່ວຍ­ເຫຼືອ​ລາວ​ດ້ານ​ຕ່າງໆ​ຂອງ​ອົງ­ການ​ອຸຍ​ນີ​ເຊັບ ເປັນ­ຕົ້ນ ວຽກ​ງານ​ຊ່ວຍ­ເຫຼືອ​ແມ່ ແລະ ເດັກ​ທາງ​ດ້ານ​ສາ­ທາ­ລະ­ນະ​ສຸກ ແລະ ໂພ­ຊະ​ນາ​ການ​ຢູ່​ລາວ ດັ່ງ­ນັ້ນ ລັດ­ຖະ­ບານ​ລາວ ໄດ້​ຕົກ­ລົງ​ຍ້ອງ­ຍໍ​ປະ­ດັບ​ຫຼຽນ​ກາ​ມິດ­ຕະ­ພາບ ເພື່ອ​ເປັນ​ການ​ຈາ­ລຶກ​ຜົນ­ງານ ການ​ປະ­ກອບ­ສ່ວນ​ໃນ​ການ​ສ້າງ­ສາ​ພັດ­ທະ­ນາ​ຢູ່​ລາວ​ຂອງ​ຜູ້­ກ່ຽວ.

ຂ່າວທີ່ກ່ຽວຂ້ອງ