ຂ່າວຫຼ້າສຸດ

ອະລິຍາ ຄອງ​ຂັນ​ລົດຖີບ​ທາງໄກ​ຊາຍ ໄບ​ຟໍ​ເຮີ 2019

327 13 ມ.ນ. 2019 ວົງຈອນກີລາ
ອະລິຍາ ຄອງ​ຂັນ​ລົດຖີບ​ທາງໄກ​ຊາຍ ໄບ​ຟໍ​ເຮີ 2019

      ທ້າວ ອະລິຍາ ພູນ​ສະ​ຫວັດ ນັກກີລາ​ລົດຖີບ​ມື 1 ທີມ​ຊາດ​ລາວ ຄອງ​ຂັນ​ຊະນະ​ເລີດ ໃນ​ການ​ແຂ່ງຂັນ​ລົດຖີບ​ທາງໄກ ໄລຍະ​ທາງ 95 ກິໂລແມັດ​ຊາຍ ລາຍການ ໄບ​ຟໍ​ເຮີ 2019 ຫຼື “Bike for Her 2019” ເມື່ອ​ວັນ​ທີ 10 ມີນາ 2019 ຜ່ານ​ມາ ທີ່​ອາ​ນຸ​ສາ​ວະລີ ເຈົ້າຟ້າ​ງຸ່ມ ເມືອງ​ສີ​ໂຄດ​ຕະບອງ ນະຄອນຫຼວງ​ວຽງ​ຈັນ ໂດຍ​ໃຫ້​ກຽດ​ເຂົ້າ​ຮ່ວມ ແລະ ມອບ​ລາງວັນ​ຂອງ ທ່ານ ບົວ​ລານ ສິລິ​ປັນຍາ ຮອງ​ລັດຖະມົນຕີ ກະຊວງ​ສຶກ​ສາ​ທິ​ການ ແລະ ກີລາ ແລະ ທ່ານ ນາງ ສີ​ລິ​ກິດ ບຸບຜາ ຮອງ​ປະທານ​ສູນ​ກາງ​ສະຫະພັນ​ແມ່ຍິງ​ລາວ ມີ​ຕົວ​ແທນ​ຈາກ​ສະຖານທູດ​ອົດ​ສະ​ຕຣາ​ລີ ບັນດາ​ບໍລິສັດ​ຕ່າງໆ​ທີ່​ໃຫ້ການ​ອຸປະຖຳ ຕະຫຼອດ​ຮອດ​ພໍ່​ແມ່​ປະຊາຊົນ ທະຫານ-ຕຳຫຼວດ ແລະ ນັກກີລາ.

    ການ​ແຂ່ງຂັນ​ຄັ້ງ​ນີ້ ຈັດ​ຂຶ້ນ​ກໍ​ເພື່ອ​ເປັນ​ການ​ສ້າງ​ຂະ​ບວນ​ການ​ຕ້ານ​ປາກົດການ​ຫຍໍ້ທໍ້ ຕໍ່​ການ​ໃຊ້​ຄວາມ​ຮຸນ​ແຮງ​ຕໍ່​ເດັກນ້ອຍ ແລະ ແມ່ຍິງ ພ້ອມ​ທັງ​ສະຫຼອງ​ວັນ​ແມ່ຍິງ​ສາກົນ ຄົບຮອບ 109 ປີ ໃຫ້​ມີ​ບັນຍາກາດ​ຟົດຟື້ນ ການ​ແຂ່ງຂັນ​ຈັດ​ແບ່ງ​ອອກ​ເປັນ 4 ກຸ່ມ ໃນ​ນັ້ນ ຮຸ່ນ​ທົ່ວ​ໄປ​ຊາຍ ຖືກ​ຈັດ​ເປັນ​ກຸ່ມ ດີ 1 ມີ​ບັນດາ​ນັກກີລາ​ຖີບ​ລົດ​ທີມ​ຊາດ ລົງ​ສະໜາມ​ແຂ່ງຂັນ ໃນ​ນັ້ນ ອະລິຍາ ພູນ​ສະຫວັນ ລິ​ຍາ ຫຼື “ອາ​ເລັກ” ເຈົ້າ​ຂອງ​ຫຼຽນ​ຄຳ​ຊີເກມ ທີ່​ສະຫະພາບ​ມຽນ​ມາ ເມື່ອ​ປີ 2013 ລົງ​ແຂ່ງຂັນ​ຮ່ວມ​ນຳ ຜ່ານ​ການ​ແຂ່ງຂັນ ຜົນ​ປາກົດ​ວ່າ “ອາ​ເລັກ” ສາມາດ​ຄອງ​ຂັນ​ລົດຖີບ​ທາງໄກ ໄລຍະ​ທາງ 95 ກິໂລແມັດ​ຊາຍ ສ່ວນ​ອັນ​ດັບ 2 ທ້າວ ຖາວອນ ແລະ ທີ 3 ບິນ​ລີ່ (ນ້ອຍ) ສ່ວນ​ຊະນະ​ເລີດ ສາຍ D2 ທີ 1 ຕູ່ ທີ 2 ສຸກ ແລະ ທີ 3 ປິ່ນ ຂະນະ​ທີ່ ຊະນະ​ເລີດ D3 ທີ 1 ສຸພັນ ທີ 2 ອາ​ນຸ​ລັກ ແລະ ທີ 3 ອາ​ໂພ.

     ສ່ວນ ລາຍການ Mountain Bike ສາຍ A  ຊະນະ​ເລີດ ທີ 1 ບຸນ​ຍະ​ນຸດ ຜິວ​ທອງ ທີ 2 Eliszabeth Palisa ແລະ ທີ 3 ສຸກ​ກັນຍາ ໄຂ​ຄຳ​ພິທູນ ສາຍ B ມີ ສອງ​ສາຍ ຄື: B1 ທີ 1 ມະ​ມີ່ ໄຊ​ຍະ​ສານ ທີ 2 Wanacha ແລະ ທີ 3 Rattanaphond B2 ທີ 1 Khonsavanh ທີ 2 ສຸພາ​ພອນ ແລະ ທີ 3 Marita Velasco ສາຍ C ແບ່ງ​ອອກ​ສອງ​ສາຍ ຄື: C1 ທີ 1 ທະວີ​ສັກ ທີ 2 Kitty Sodathum ແລະ ທີ 3 ນັດ​ທະ​ໄຊ ສີ​ວໍລະ​ວົງ ສ່ວນ C2 ທີ 1 ດອນ (ຮ້ານ​ສີ​ສົ້ມ) ທີ 2 ຈ່ອຍ (ເສືອ​ພູ​ທອກ) ແລະ ທີ 3 ໃຈ​ເພັດ ສາຍ C3 ທີ 1 ມົງ​ຄົນ ທີ 2 ຄຳ​ໄຕ ແລະ ທີ 3 Bualom ແລະ ສາຍ C4 1 ພິ​ສະ​ນຸ ອ້າຍ​ກ້າ ທີ 2 ເກັ່ງ ແລະ ທີ 3 ອຶ່ງ.

ຂ່າວທີ່ກ່ຽວຂ້ອງ