ຂ່າວຫຼ້າສຸດ

EU ເພີ່ມ​ເຕີມ 10 ລາຍ​ຊື່​ເຂົ້າ​ໃນ​ບັນຊີ “ສະຫວັນ​ແຫ່ງ​ການ​ໜີ​ພາສີ”

125 14 ມ.ນ. 2019 ຂ່າວຕ່າງປະເທດ
EU ເພີ່ມ​ເຕີມ 10 ລາຍ​ຊື່​ເຂົ້າ​ໃນ​ບັນຊີ “ສະຫວັນ​ແຫ່ງ​ການ​ໜີ​ພາສີ”

    ວັນ​ທີ 12 ມີນາ​ນີ້ ບັນດາ​ປະເທດ​ສະມາຊິກ​ສະຫະພາບ​ເອີ​ຣົບ (EU) ໄດ້​ເຫັນ​ດີ​ເປັນ​ເອກະສັນ​ກັນ ເພີ່ມ​ເຕີມ​ອີກ 10 ລາຍ​ຊື່​ເຂົ້າ​ໄປ​ໃນ​ບັນຊີ “ສະຫວັນ​ແຫ່ງ​ການ​ໜີ​ພາສີ” ໃນ​ນັ້ນ​ມີ​ສະຫະລັດ ອາ​ຣັບ ເອ​ມີ​ເຣດ (UAE) ແລະ ເຂດ​ແຄວ້ນ​ພົ້ນ​ທະເລ​ຈຳນວນ​ໜຶ່ງ ທີ່​ຂຶ້ນ​ກັບ​ອັງກິດ ແລະ ໂຮນ​ລັງ.

    ບັນຊີ​ລາຍ​ຊື່​ໃໝ່ ທີ່​ຖືກ​ຈັດ​ເຂົ້າ​ໄປ​ໃນ “ບັນຊີ​ດຳ” ນັ້ນ ປະກອບ​ມີ​ເກາະ ອາ​ຣູ​ບາ ຂອງ​ໂຮນ​ລັງ ບາກ​ບາດ​​ົສ ເບ​ລິ​​ສ ແຄວ້ນ ເບີ​ມູ​ດາ ທີ່ຢູ່​ພົ້ນ​ທະເລ​ຂອງ​ອັງກິດ ຕະຫຼອດ​ຮອດ ຟີ​ຈິ ໝູ່​ເກາະ​ມາ​ຊານ ໂອ​ມານ UAE ວາ​ນູ​ອາ​ຕູ ແລະ ໂດ​ມີ​ນິກ.

    ບັນຊີ​ລາຍ​ຊື່​ດັ່ງກ່າວ​ທີ່​ມີ​ຢູ່​ແລ້ວ​ໃນ​ປັດຈຸບັນ ປະກອບ​ມີ​ພຽງ 5 ປະເທດ ແລະ ເຂດ​ແຄວ້ນ ໃນ​ນັ້ນ​ມີ ຊາມ​ວາ ຕຣີ​ນີ​ດັດ ແລະ ໂຕ​ບາ​ໂກ (Trinidad and Tobago) ພ້ອມ​ດ້ວຍ 3 ເຂດ​ແຄວ້ນ​ຂອງ ສ ອາ​ເມ​ຣິ​ກາ ໄດ້ແກ່ ຊາມ​ວາ ກວມ ແລະ​ໝູ່​ເກາະ​ເວີ​ກິນ.

    ບັນຊີ​ລາຍ​ຊື່​ຂອງ​ບັນດາ “ສະຫວັນ​ແຫ່ງ​ການ​ໜີ​ພາສີ” ປະກອບ​ດ້ວຍ​ບັນດາ​ປະເທດ ທີ່​ສະແດງ​ອອກ​ເຖິງ​ກຳລັງ​ຄວາມ​ສາ​ມາ​ທີ່​ອ່ອນ​ດ້ອຍ ໃນ​ຄວາມ​ພະຍາຍາມ​ຕ້ານ​ກັບ​ການ​ຟອກ​ເງິນ ແລະ​ການ​ຊ່ວຍເຫຼືອ​ການ​ເງິນ​ໃຫ້​ແກ່​ການ​ກໍ່​ການ​ຮ້າຍ.

ຂ່າວທີ່ກ່ຽວຂ້ອງ