ອັດ​ກອງ​ປະຊຸມ​ປະຈຳ​ປີ​ຂອງ​ສະພາ​ປຶກສາ​ການ​ເມືອງ​ປະຊາຊົນ​ແຫ່ງ​ຊາດ​ຈີນ​

178 15 ມ.ນ. 2019 ຂ່າວຕ່າງປະເທດ
ອັດ​ກອງ​ປະຊຸມ​ປະຈຳ​ປີ​ຂອງ​ສະພາ​ປຶກສາ​ການ​ເມືອງ​ປະຊາຊົນ​ແຫ່ງ​ຊາດ​ຈີນ​

     ກອງ​ປະຊຸມ​ປະຈຳ​ປີ​ຂອງ​ສະພາ​ປຶກສາ​ການເມືອງ​ປະຊາຊົນ​ແຫ່ງ​ຊາດ​ຈີນ​ໄດ້​ອັດ​ລົງ​ເມື່ອ​ວັນ​ທີ 13 ມີນາ​ນີ້ ຢູ່​ນະຄອນຫຼວງ​ປັກ​ກິ່ງ ໂດຍ​ມີ​ເລຂາທິການ​ໃຫຍ່ ປະທານ​ປະເທດ​ຈີນ ສີ​ຈິ້ນ​ຜິງ ແລະ​ ຜູ້ນຳ​ພັກ-ລັດ ທ່ານ​ອື່ນໆ​ຂອງ​ຈີນ ເຂົ້າ​ຮ່ວມ,

    ທ່ານ​ວາງ​ຢາງ ປະທານ​ສະພາ​ປຶກສາ​ການເມືອງ​ປະຊາຊົນ​ແຫ່ງ​ຊາດ​ຈີນ ໄດ້​ກ່າວ​ປາ​ໄສ​ຕໍ່​ກອງ​ປະຊຸມ​ດັ່ງກ່າວ​ວ່າ ໃນ 70 ປີຜ່ານມາ ສະພາ​ປຶກສາ​ການເມືອງ​ປະຊາຊົນ​ແຫ່ງ​ຊາດ​ຈີນ ໄດ້​ຕັ້ງໜ້າ​ເຂົ້າ​ຮ່ວມ​ການ​ສ້າງຕັ້ງ ແລະ​ສ້າງສາ​ປະເທດ​ຈີນ​ໃໝ່ ຄົ້ນ​ຫາ​ແນວທາງ​ປະຕິ​ຮູບ ບັນລຸ​ຄວາມ​ຝັນ​ອັນ​ໃຫຍ່​ຫຼວງ​ຂອງ​ຈີນ ແລະ​ສ້າງ​ຜົນງານ​ທີ່​ຈາລຶກ​ໄວ້​ໃນ​ປະຫວັດສາດ. ສັງຄົມ​ນິຍົມ​ທີ່​ມີ​ສີສັນ​ພິເສດ​ຂອງ​ຈີນ​ໄດ້​ເຂົ້າ​ສູ່​ຍຸກ​ໃໝ່ ເວທີ​ຂອງ​ສະພາ​ປຶກສາ​ການເມືອງ​ປະຊາຊົນ​ຈີນ ກໍ​ກວ້າງຂວາງ​ກວ່າ​ເກົ່າ ແລະ ມີ​ຄວາມ​ຮັບຜິດຊອບ​ຫຼາຍ​ກວ່າ​ເກົ່າ.

    ກອງ​ປະຊຸມ​ສະພາ​ປຶກສາ​ການເມືອງ​ປະຊາຊົນ​ແຫ່ງ​ຊາດ​ຈີນ​ຄັ້ງ​ທີ 2 ສະໄໝ​ທີ 13 ໄດ້​ດຳເນີນ​ມາ​ເປັນ​ເວລາ 11 ວັນ ຊຶ່ງ​ມີ​ສະມາຊິກ​ສະພາ​ປຶກສາ​ການເມືອງ​ຫຼາຍ​ກວ່າ 2100 ທ່ານ ຈາກ​ພັກ​ການເມືອງ ອົງ​ການຈັດຕັ້ງ ຊົນເຜົ່າ ແລະ ວົງ​ການ​ຕ່າງໆ​ຂອງ​ຈີນ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ