ຂ່າວຫຼ້າສຸດ

24 ປະເທດ ເຂົ້າ​ຮ່ວມ​ການ​ຊ້ອມ​ຮົບ​ຢູ່​ໃນ​ຈໍ​ເຈຍ

92 15 ມີ.ນ. 2019 ຂ່າວຕ່າງປະເທດ
24 ປະເທດ ເຂົ້າ​ຮ່ວມ​ການ​ຊ້ອມ​ຮົບ​ຢູ່​ໃນ​ຈໍ​ເຈຍ

    ສຳນັກ​ຂ່າວສານ Anadolu ອ້າງ​ຕາມ​ແຈ້ງ​ການ​ຂອງ​ກອງ​ກຳລັງ​ປະກອບ​ອາວຸດ ຂອງ​ຈໍ​ເຈຍ ໃຫ້​ຮູ້​ວ່າການ​ຊ້ອມ​ຮົບ​ລະຫວ່າງ​ຈໍ​ເຈຍ ກັບ​ບາງ​ປະເທດ​ທີ່​ເປັນ​ມາ​ຊິກ ຂອງ​ອົງການ​ສົນທິສັນຍາປ້ອງ​ກັນ​ອັດ​ລັງ​ຕິກ​ເໜືອ (NATO) ຈະ​ເລີ່ມ​ຂຶ້ນ​ໃນ​ອາທິດ​ໜ້າ ໂດຍ​ຈັດ​ຂຶ້ນ​ຢູ່​ໃກ້​ກັບ​ນະຄອນຫຼວງ ຕະ​ບີ​ລີ​ຊີ ຂອງ​ຈໍ​ເຈຍ.

   ແຈ້ງ​ການ​ຂອງ​ກະຊວງ​ປ້ອງ​ກັນ​ປະເທດ​ຈໍ​ເຈຍ ໃຫ້​ຮູ້​ວ່າ ການ​ຊ້ອມ​ຮົບ​ດັ່ງກ່າວ ທີ່​ມີ​ຊື່ວ່າ NATO-GEO EX 19 ຈະ​ໄດ້​ຈັດ​ຂຶ້ນ​ທີ່​ສູນ​ການ​ຕີ​ລາຄາ ແລະ​ການ​ຝຶກ​ຊ້ອມ​ຮ່ວມ NATO-ຈໍ​ເຈຍ ແລະ ສູນ​ຝຶກ​ຊ້ອມ​ແຫ່ງ​ຊາດ Krtsanisi ຂອງ​ຈໍ​ເຈຍ ໂດຍ​ຈະ​ດຳເນີນ​ໄປ​ແຕ່​ວັນ​ທີ 18-29 ມີນາ​ນີ້ ແລະ ຈະ​ເປັນ​ການ​ຊ້ອມ​ຮົບ​ບັນຊາ​ການ​ຈຳລອງ​ໃນ​ຄອມ​ພີວ​ເຕີ ໃນ​ລະດັບ​ກອງ​ພົນ​ນ້ອຍ​ນາໆຊາດ NATO-ຈໍ​ເຈຍ ເປັນ​ເທື່ອ​ທຳ​ອິດ.

    ລວມ​ແລ້ວ​ມີ 24 ປະເທດ ທີ່​ເປັນ​ສະມາຊິກ NATO ແລະ ບັນດາ​ປະເທດ​ຄູ່​ຮ່ວມ ຈະ​ໄດ້​ເຂົ້າ​ຮ່ວມ​ການ​ຊ້ອມ​ຮົບ​ດັ່ງກ່າວ ອັນ​ປະກອບ​ດ້ວຍ ອານ​ບາ​ນີ ແບນ​ຊິກ ບູນ​ກາ​ຣີ ສ ເຊັກ ເຢຍ​ລະ​ມັນ ດານ​ມາກ ເອ​​ສ​ໂຕ​ນີ ຝຣັ່ງ ເກ​​ັຣກ ອັງກິດ ຮົງ​ກາ​ຣີ ລັດ​ວີ ລິດ​ຕູ​ອາ​ນີ ໂຮນ​ລັງ ນອກ​ແວ ໂປ​ໂລຍ ປອກ​ຕຸຍ​ການ ຣູ​ມາ​ນີ ສະ​ໂລ​ວາ​ກີ ຕວກ​ກີ ສ ອາ​ເມ​ຣິ​ກາ ອາ​ແຊກ​ໄບ​ຊັງ ຈໍ​ເຈຍ ແລະ ຊູ​ແອດ.

ຂ່າວທີ່ກ່ຽວຂ້ອງ