ກຳປູເຈຍ-ຈີນ ຝຶກ​ຊ້ອມ​ຮ່ວມ​ກ່ຽວ​ກັບ​ການ​ຕ້ານ​ການ​ກໍ່​ການ​ຮ້າຍ ແລະ ຊ່ວຍເຫຼືອ​ມະນຸດສະທຳ

248 15 ມ.ນ. 2019 ຂ່າວຕ່າງປະເທດ
ກຳປູເຈຍ-ຈີນ ຝຶກ​ຊ້ອມ​ຮ່ວມ​ກ່ຽວ​ກັບ​ການ​ຕ້ານ​ການ​ກໍ່​ການ​ຮ້າຍ ແລະ ຊ່ວຍເຫຼືອ​ມະນຸດສະທຳ

  ວັນ​ທີ 13 ມີນາ​ນີ້ ກຳປູເຈຍ ແລະ ຈີນ ໄດ້​ເລີ່ມ​ການ​ຝຶກ​ຊ້ອມ​ຮ່ວມ​ປະຈຳ​ປີ ທີ່​ມີ​ຊື່ວ່າ “ມັງກອນ​ຄຳ 2019” ໂດຍ​ມີ​ພົນທະຫານ​ເຂົ້າ​ຮ່ວມ​ເກືອບ 3.000 ຄົນ ທີ່​ມາ​ຈາກ​ກອງທັບ ແຫ່ງ​ລາຊະ​ອານາຈັກ ກຳປູເຈຍ (RCAF) ແລະ​ກອງທັບ​ປົດ​ປ່ອຍ​ປະຊາຊົນ​ຈີນ (PLA). ການ​ຝຶກ​ຊ້ອມ​ດັ່ງກ່າວ ມີ​ຂຶ້ນ​ທີ່​ແຂວງ​ກຳ​ປົດ ຂອງ​ກຳປູເຈຍ ໂດຍ​ຈັດ​ຂຶ້ນ​ພາຍ​ໃຕ້​ຫົວຂໍ້ “ຕ້ານ​ການ​ກໍ່​ການ​ຮ້າຍ ແລະ​ຊ່ວຍເຫຼືອ​ມະນຸດສະທຳ.”

   ແຫຼ່ງ​ຂ່າວ​ຈາກ​ກະຊວງ​ປ້ອງ​ກັນ​ປະເທດ​ກຳປູເຈຍ ໃຫ້​ຮູ້​ວ່າ ລາຍການ​ຂອງ​ການ​ຝຶກ​ຊ້ອມ “ມັງກອນ​ຄຳ 2019” ຈະ​ປະກອບ​ມີ​ການ​ຄົ້ນ​ຫາ​ເກັບ​ກູ້​ໝາກ​ມິ່ນ ແລະ ວັດຖຸ​ລະເບີດ ຫຼື​ອາວຸດ​ເຄ​ມີ ຕະຫຼອດ​ຮອດ​ການ​ສູ້​ຮົບ​ຮ່ວມ​ກັບ​ລົດ​ຖັງ ການ​ຊ່ວຍເຫຼືອ​ຕົວ​ປະກັນ ແລະ ບັນດາ​ບັນຫາ​ດ້ານ​ມະນຸດ ສະ​ທຳ.

   ນີ້​ເປັນ​ເທື່ອ​ທີ 3 ທີ່​ກຳປູເຈຍ ແລະ​ຈີນ ຈັດ​ຕັ້ງ​ການ​ຊ້ອມ​ຮົບ “ມັງກອນ​ຄຳ” ຫຼັງ​ຈາກ​ທີ່​ໄດ້ ຈັດ​ຂຶ້ນ​ມາ​ແລ້ວ 2 ເທື່ອ ຕາມ​ລຳດັບ​ໃນ​ປີ 2016 ແລະ 2018.

ຂ່າວທີ່ກ່ຽວຂ້ອງ