ຂ່າວຫຼ້າສຸດ

ເຫດການ​ຮຸນ​ແຮງ​ຢູ່​ໃນ​ບຣາ​ຊີ​​ລ

363 15 ມ.ນ. 2019 ຂ່າວຕ່າງປະເທດ
ເຫດການ​ຮຸນ​ແຮງ​ຢູ່​ໃນ​ບຣາ​ຊີ​​ລ

     ຕຳຫຼວດ​ໃນ​ປະເທດ​ບຣາ​ຊີ​​ລ ແຈ້ງ​ໃຫ້​ຮູ້​ວ່າ ເຫດການ​ຍິງ​ປືນ ທີ່​ເກີດ​ຂຶ້ນ​ຢູ່​ໃນ​ໂຮງຮຽນ ຊັ້ນ​ປະຖົມ Raul Brasil ໃນ​ນະຄອນ ຊາວ ປາວ​ໂລ ເມື່ອ​ວັນ​ທີ 13 ມີນາ​ນີ້ ໄດ້​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 10 ຄົນ (ໃນ​ນັ້ນ​ເປັນ​ເດັກ​ນັກຮຽນ 5 ຄົນ ແລະ ​ຄູ​ສອນ 1 ຄົນ) ແລະ ​ບາດເຈັບ​ອີກ 17 ຄົນ

    ຕຳຫຼວດ​ໃຫ້​ຮູ້​ວ່າ ໃນ​ເຫດການ​ຮຸນ​ແຮງ​ດັ່ງກ່າວ ມີ​ມື​ປືນ 2 ຄົນ ທີ່​ປົກ​ປິດ​ໃບ​ໜ້າ ໄດ້​ບຸກ​ເຂົ້າ​ໄປ​ໃນ​ໂຮງຮຽນ ແລະ ​ຍິງ​ປືນ​ກວາດ​ໃສ່​ຜູ້​ຄົນ ກ່ອນ​ທີ່​ຈະ​ຂ້າ​ໂຕ​ຕາຍ.

    ກ່ອນ​ທີ່​ຈະ​ເກີດ​ເຫດການ​ຍິງ​ປືນ​ຢູ່​ໃນ​ໂຮງຮຽນ​ດັ່ງກ່າວ ກໍ​ໄດ້​ເກີດ​ເຫດການ​ຍິງ​ປືນ​ອີກ​ລາຍ​ໜຶ່ງ ຢູ່​ຫ່າງ​ຈາກ​ໂຮງຮຽນ​ນັ້ນ 500 ແມັດ ແຕ່​ບໍ່​ເປັນ​ທີ່​ຈະ​ແຈ້ງວ່າ ເຫດການ​ຮຸນ​ແຮງ​ທັງ​ສອງ​ລາຍ​ນັ້ນ​ມີ​ການ​ພົວພັນ​ກັນ​ຫຼື​ບໍ່.

    ຢ້ອນ​ຄືນ​ຫຼັງ ກໍ​ໄດ້​ເກີດ​ເຫດການ​ຍິງ​ປືນ​ຄັ້ງ​ຮ້າຍ​ແຮງ​ຢູ່​ໃນ​ບຣາ​ຊີ​​ລ ເມື່ອ​ປີ 2011 ຊຶ່ງ​ຜູ້​ກໍ່​ເຫດ​ເປັນ​ອະດີດ​ນັກຮຽນ ຢູ່​ໃນ​ນະຄອນ ຣີ​ໂອ ເດີ ຈາ​ເນ​ໂຣ ເປັນ​ເຫດ​ໃຫ້​ເດັກນ້ອຍ​ເສຍ​ຊີວິດ 12 ຄົນ.

ຂ່າວທີ່ກ່ຽວຂ້ອງ