ຮັບຮອງ 5 ບ້ານຂອງໄຊທານີ ເປັນບ້ານວັດທະນະທຳ

124 18 ມີ.ນ. 2019 ຂ່າວໜ້າ​ໜຶ່ງ
ຮັບຮອງ 5 ບ້ານຂອງໄຊທານີ ເປັນບ້ານວັດທະນະທຳ

    ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ (ນວ) ໄດ້​ຈັດ​ພິ­ທີ​ປະ­ກາດ​ຮັບ­ຮອງ​ເອົາ​ບ້ານ​ໂຄກ​ໃຫຍ່ ສະ­ພັງ​ຄະ​ນົງ ໄຊ​ສົມ­ບູນ ໂພ​ຄຳ ແລະ ບ້ານ​ໜອງ​ບົວ ກຸ່ມ​ໂຄກ​ສີ­ວິ­ໄລ ເປັນ​ບ້ານ​ວັດ­ທະ­ນະ­ທຳ​ແຫ່ງ​ທີ 81 82 83 84 85 ຂອງ​ເມືອງ​ໄຊ​ທາ­ນີ ແລະ ເປັນ​ແຫ່ງ​ທີ 457 458 459 460 461 ຂອງ ນວ ຈັດ​ຂຶ້ນ​ວັນ​ທີ 15 ມີ­ນາ 2019 ທີ່​ວັດ​ບ້ານ​ໄຊ​ສົມ­ບູນ ມີ​ທ່ານ ບຸນ​ທອງ ພົມ­ມະ­ຈັນ ຫົວ­ໜ້າ​ຄະ­ນະ​ຈັດ​ຕັ້ງ ນວ ທ່ານ ຄຳ​ປະ­ດິດ ເຂັມ​ມາ­ນິດ ຫົວ­ໜ້າ​ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ນວ ທ່ານ ບຸນ​ວັນ ຈະ​ສົ໋ວ​ເກົາ ຮອງ​ເຈົ້າ­ເມືອງ​ໄຊ​ທາ­ນີ ພ້ອມ​ດ້ວຍ​ອຳ­ນາດ​ການ​ປົກ­ຄອງ​ບ້ານ ແລະ ປະ­ຊາ­ຊົນ 5 ບ້ານ​ເຂົ້າ​ຮ່ວມ.

    ໃນ​ພິ­ທີ ທ່ານ​ນາງ ພູ​ວຽງ ທຳ​ມະ​ວົງ ເລ­ຂາ​ພັກ​ຮາກ​ຖານ​ກຸ່ມ​ໂຄກ​ສີ­ວິ­ໄລ ປະ­ທານ​ສະ­ຫະ­ພັນ​ກຳ­ມະ­ບານ​ເມືອງ​ໄຊ​ທາ­ນີ ໄດ້​ລາຍ​ງານ​ປະ​ເມີນ​ໂຄງ­ການ​ສ້າງ​ຄອບ­ຄົວ ແລະ ບ້ານ​ວັດ­ທະ­ນະ­ທຳ​ຂອງ​ບ້ານ​ດັ່ງ­ກ່າວ​ໃຫ້​ຮູ້​ວ່າ: ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ສ້າງ​ຄອບ­ຄົວ ແລະ ບ້ານ​ວັດ­ທະ­ນະ­ທຳ​ຢູ່ 5 ບ້ານ​ໄດ້​ເລີ່ມ​ປະ­ຕິ­ບັດ​ມາ​ແຕ່​ປີ 2008-2018 ໂດຍ​ອີງ­ໃສ່ 5 ມາດ­ຖານ ແລະ 5 ບາດ­ກ້າວ​ຂອງ​ຂັ້ນ​ເທິງ​ທີ່​ກຳ­ນົດ​ໄວ້​ໃນ 5 ບ້ານ ສາ­ມາດ​ບັນ­ລຸ​ໄດ້​ຄົບ​ມາດ­ຖານ​ຄື: ບ້ານ​ມີ​ຄອບ­ຄົວ​ທັງ​ໝົດ 1.871 ຄອບ­ຄົວ ໃນ​ນັ້ນ ມີ​ຄອບ­ຄົວ​ທີ່​ໄດ້​ຮັບ​ໃບ­ຢັ້ງ­ຢືນ​ເປັນ​ຄອບ­ຄົວ​ວັດ­ທະ­ນະ­ທຳ 1.606 ຄອບ­ຄົວ ເທົ່າ​ກັບ 85,83% ແລະ ບ້ານ​ມີ​ວັດ​ວາ​ອາ​ຮາມ 6 ແຫ່ງ ເຊິ່ງ​ເປັນ​ບ່ອນ​ເຕົ້າ­ໂຮມ​ຂອງ​ປະ­ຊາ­ຊົນ ໃນ​ການ­ຈັດ­ຕັ້ງ​ບຸນ​ສິນ​ກິນ​ທານ ສັກ­ກະ​ລະ​ບູ­ຊາ ແລະ ເປັນ​ທີ່​ເພິ່ງ​ທາງ​ດ້ານ​ຈິດ­ໃຈ​ຂອງ​ປະ­ຊາ­ຊົນ ພ້ອມ​ນັ້ນ ຍັງ​ມີ​ເງື່ອນ­ໄຂ​ຄົບ​ຖ້ວນ​ໃນ​ດ້ານ​ຕ່າງໆ ເປັນ­ຕົ້ນ ຈຸດ​ພິ­ເສດ​ທາງ​ດ້ານ​ທີ່​ຕັ້ງ​ພູມ­ລຳ­ເນົາ​ມີ​ຄວາມ​ສະ­ດວກ ແລະ ມີ​ການ​ຕິດ­ຕໍ່​ພົວ­ພັນ​ສັງ­ຄົມ ເຊັ່ນ: ການ​ຄ້າ­ຂາຍ ການ​ບໍ­ລິ­ການ ເສັ້ນ­ທາງ​ຄົມ­ມະ­ນາ­ຄົມ​ໄປ​ມາ​ສະ­ດວກ​ສະ­ບາຍ ມີ​ທີ່​ຕັ້ງ​ສຳ­ນັກ­ງານ​ຂອງ​ລັດ ມີ​ໂຮງ­ຮຽນ​ອະ­ນຸ­ບານ ປະ­ຖົມ​ຂອງ​ພາກ​ລັດ ແລະ ເອ­ກະ​ຊົນ ເປັນ​ເຂດ​ຈຸດ​ສຸມ​ທາງ​ດ້ານ​ກະ­ສິ­ກຳ ປູກ­ຝັງ-ລ້ຽງ­ສັດ ມີ​ພື້ນ­ຖານ​ໂຄງ​ລ່າງ​ໄດ້​ຮັບ​ການ​ພັດ­ທະ­ນາ ຖະ­ໜົນ​ຫົນ­ທາງ​ສາ­ມາດ​ທຽວ​ໄປ​ມາ​ໄດ້​ສະ­ດວກ ລະ­ຫວ່າງ​ບ້ານ​ຕໍ່​ບ້ານ ເຊິ່ງ​ເປັນ​ທ່າ­ແຮງ​ສຳ­ຄັນ ໃນ​ການ​ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ເມືອງ ກໍ​ຄື ນວ ໃຫ້​ມີ​ຄວາມ​ໜັກ​ແໜ້ນ​ເຂັ້ມ­ແຂງ ດັ່ງ­ນັ້ນ ອີງ­ໃສ່​ຜົນ­ສຳ­ເລັດ​ໃນ​ການ​ປະ­ຕິ­ບັດ 5 ມາດ­ຖານ​ທີ່​ກ່າວ​ມາ​ນັ້ນ​ເຫັນ​ວ່າ 5 ບ້ານ ມີ​ເງື່ອນ­ໄຂ​ຄົບ​ຖ້ວນ​ຕາມ​ມາດ­ຖານ​ຂອງ​ບ້ານ​ວັດ­ທະ­ນະ­ທຳ​ທີ່​ຂັ້ນ​ເທິງ​ກຳ­ນົດ​ໄວ້ ຈຶ່ງ​ໄດ້​ກາຍ­ເປັນ​ບ້ານ​ວັດ­ທະ­ນະ­ທຳ.

ຂ່າວທີ່ກ່ຽວຂ້ອງ