ຂ່າວຫຼ້າສຸດ

ຮອງນາຍົກ ເນັ້ນໃຫ້ຂະແໜງການເງິນສຸມໃສ່ຫຼາຍບັນຫາ

239 18 ມ.ນ. 2019 ຂ່າວໜ້າ​ໜຶ່ງ

    ກອງ​ປະ­ຊຸມ​ສະ­ຫຼຸບ​ວຽກ​ງານ​ການ­ຈັດ­ຕັ້ງ​ກໍ່­ສ້າງ​ພັກ-ພະ­ນັກ­ງານ ແລະ ວຽກ​ງານ​ກວດ­ກາ ປີ 2018 ແລະ ທິດ​ທາງ​ແຜນ­ການ​ປີ 2019 ພ້ອມ​ທັງ​ມອບ​ໃບ​ຍ້ອງ­ຍໍ​ໃຫ້​ກົມ​ກອງ ແລະ ບຸກ­ຄົນ​ທີ່​ມີ​ຜົນ­ງານ​ດີ­ເດັ່ນ ປະ­ກອບ­ສ່ວນ​ເຂົ້າ​ໃນ​ວຽກ​ງານ​ສະ­ເພາະ​ຂອງ​ກະ­ຊວງ​ການ​ເງິນ ຈັດ​ຂຶ້ນ​ວັນ​ທີ 12-13 ມີ­ນາ 2019 ຜ່ານ​ມາ ທີ່​ກະ­ຊວງ​ການ​ເງິນ ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ສົມ​ດີ ດວງ​ດີ ຮອງ​ນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີ​ກະ­ຊວງ​ການ​ເງິນ ມີ​ຄະ­ນະ​ພັກ​ກະ­ຊວງ ຮອງ​ລັດ­ຖະ­ມົນ­ຕີ ຜູ້­ຕາງ­ໜ້າ​ຈາກ​ຄະ­ນະ​ຈັດ​ຕັ້ງ​ສູນ​ກາງ​ພັກ ອົງ­ການ​ກວດ­ກາ​ລັດ­ຖະ­ບານ ຫົວ­ໜ້າ​ກົມ ຮອງ​ກົມ ພ້ອມ​ດ້ວຍ​ຜູ້­ຕາງ­ໜ້າ​ຈາກ​ຂະ­ແໜງ­ການ​ເງິນ ໃນ​ຂອບ​ເຂດ​ທົ່ວ​ປະ­ເທດ.

    ໂອ­ກາດ​ນີ້ ທ່ານ ສົມ​ດີ ດວງ​ດີ ໄດ້​ມີ​ຄຳ​ເຫັນ​ສະ­ເໜີ​ໃຫ້​ພາກ­ສ່ວນ​ກ່ຽວ­ຂ້ອງ​ວ່າ​ສືບ­ຕໍ່​ຄົ້ນ­ຄວ້າ ແລະ ຈັດ​ຕັ້ງ​ປະ­ຕິ­ບັດ​ບັນ­ດາ​ຄາດ­ໝາຍ ກໍ​ຄື ເນື້ອ​ໃນ​ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ X ຂອງ​ພັກ ລວມ​ທັງ​ບັນ­ດາ​ມະ­ຕິ​ຂອງ​ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ (ສະ​ໄໜ​ທີ X) ເນື້ອ​ໃນ​ກອງ​ປະ­ຊຸມ​ວຽກ​ງານ​ກວດ­ກາ​ທົ່ວ​ປະ­ເທດ ຄັ້ງ​ທີ III ມະ­ຕິ​ຂອງ​ຄະ­ນະ​ບໍ­ລິ­ຫານ​ງານ​ພັກ​ກະ­ຊວງ​ການ​ເງິນ ຄັ້ງ​ທີ 2 ແລະ ມະ­ຕິ​ກອງ​ປະ­ຊຸມ​ເປີດ​ກວ້າງ​ຂອງ​ຄະ­ນະ​ບໍ­ລິ­ຫານ​ງານ​ພັກ​ກະ­ຊວງ​ແຕ່​ລະ​ຄັ້ງ ບັນ­ດາ​ຄຳ​ສັ່ງ ຂໍ້​ກຳ­ນົດ​ຕ່າງໆ​ຂອງ​ພັກ ກົດ­ໝາຍ ນິ­ຕິ​ກຳ​ລຸ່ມ​ກົດ­ໝາຍ​ຕ່າງໆ ໂດຍ​ສະ­ເພາະ ມະ­ຕິ​ຄຳ​ສັ່ງ ແລະ ນິ­ຕິ​ກຳ​ຕ່າງໆ​ກ່ຽວ​ກັບ​ວຽກ​ງານ​ຕິດ­ຕາມ​ກວດ­ກາ ການ​ສະ­ກັດ​ກັ້ນ ແລະ ການ​ສໍ້​ລາດ​ບັງ​ຫຼວງ ຕ້ອງ​ໄດ້​ຈັດ​ຕັ້ງ​ເຊື່ອມ​ຊຶມ ແລະ ຜັນ​ຂະ­ຫຍາຍ ເນື້ອ​ໃນ​ຂອງ​ກອງ​ປະ­ຊຸມ​ວຽກ​ງານ​ກວດ­ກາ​ເທື່ອ​ນີ້ ໃຫ້​ເກີດ​ຜົນ​ເປັນ​ຈິງ ມີ​ການ​ສະ­ຫຼຸບ​ຕີ​ລາ­ຄາ​ຊອກ​ຫາ​ສາ­ເຫດ ແລະ ຖອດ​ຖອນ​ບົດ­ຮຽນ​ວຽກ​ງານ​ຕິດ­ຕາມ​ກວດ­ກາ​ຢູ່​ບັນ­ດາ​ກົມ ແລະ ທ້ອງ­ຖິ່ນ​ຂອງ​ຕົນ ໃນ​ປີ­ຜ່ານ­ມາ​ໃຫ້​ເລິກ­ເຊິ່ງ​ຖືກ​ຕົວ​ຈິງ ວາງ​ທິດ​ທາງ​ແຜນ­ການ ແລະ ວຽກ​ງານ​ຈຸດ​ສຸມ​ທີ່​ຕ້ອງ​ສືບ­ຕໍ່​ສູ້​ຊົນ​ປະ­ຕິ­ບັດ​ໃນ​ປີ 2019 ບົນ​ຈິດ­ໃຈ​ບຸກ​ບືນ​ກວ່າ​ເກົ່າ ເຮັດ​ໃຫ້​ວຽກ​ງານ​ຕິດ­ຕາມ​ກວດ­ກາ ສະ­ກັດ​ກັ້ນ ແລະ ຕ້ານ​ການ​ສໍ້​ລາດ​ບັງ​ຫຼວງ ມີ​ການ​ຫັນ­ປ່ຽນ​ໃໝ່​ຢ່າງ​ຕັ້ງ­ໜ້າ ກົມ​ກວດ­ກາ ຂະ­ແໜງ​ກວດ­ກາ ຕ້ອງ​ມີ​ແຜນ​ເຄື່ອນ​ໄຫວ​ຕິດ­ຕາມ​ກວດ­ກາ​ຊຸກ­ຍູ້​ບັນ­ດາ​ກົມ​ກອງ ແລະ ທ້ອງ­ຖິ່ນ ປະ­ຕິ­ບັດ​ໜ້າ­ທີ່​ຕິດ­ຕາມ​ກວດ­ກາ​ຄວາມ​ຮັບ­ຜິດ­ຊອບ​ຢ່າງ​ເປັນ​ປົກ­ກະ­ຕິ.

ຂ່າວທີ່ກ່ຽວຂ້ອງ