ຜູ້ບໍລິຫານໄມໂຄຣຊອຟ ເຕືອນ “ປັນຍາປະດິດ” ກະທົບຕະຫຼາດແຮງງານ

373 19 ມ.ນ. 2019 ຫົວຂໍ້ຂ່າວອື່ນໆ

    ທ່ານ ແບຣດ ສະ​ມິດ ກຳ­ມະ­ການ​ຜູ້­ອຳ­ນວຍ­ການ​ຝ່າຍ​ກົດ­ໝາຍ​ຂອງ​ໄມ​ໂຄຣ​ຊອຟ ໄດ້​ສະ­ແດງ​ຄວາມ​ກັງ­ວົນ​ເຖິງ​ອະ­ນາ­ຄົດ​ຂອງ​ເຕັກ​ໂນ​ໂລ​ຊີ​ປັນ­ຍາ​ປະ­ດິດ ຫຼື AI ທີ່​ຕອນ​ນີ້ ພັດ­ທະ­ນາ​ຈົນ​ມີ​ສັກ­ກະ​ຍະ​ພາບ​ເໜືອ​ມະ­ນຸດ​ໃນ​ຫຼາຍ​ລະ­ດັບ​ດ້ວຍ​ກັນ ເຊິ່ງ​ຖືກ​ນຳ­ໄປ​ໃຊ້​ໃນ​ການ​ຕໍ່­ຕ້ານ​ການ​ກໍ່​ການ​ຮ້າຍ ການ​ຕໍ່­ສູ້​ກັບ​ຄວາມ​ອຶດ​ຢາກ​ຂອງ​ຜູ້​ຄົນ​ທົ່ວ​ໂລກ ແລະ ຊ່ວຍ­ເຫຼືອ​ດ້ານ​ການ​ແພດ.

    ຢ່າງ­ໃດ​ກໍ​ຕາມ ລະ­ບົບ​ປັນ­ຍາ​ປະ­ດິດ​ທີ່​ກ້າວ­ໜ້າ​ໄປ​ຢ່າງ​ຫຼວງ­ຫຼາຍ ອາດ​ປ່ຽນ­ແປງ​ຕະ­ຫຼາດ​ແຮງ​ງານ​ໃນ​ປັດ­ຈຸ­ບັນ​ໄປ ໂດຍ​ແຮງ​ງານ​ທັກ​ສະ​ໜ້ອຍ ຈະ​ໄດ້​ຮັບ​ຜົນ​ກະ­ທົບ​ຢ່າງ​ຊັດ​ເຈນ.

    ເຊິ່ງ​ທ່ານ ສະ​ມິດ ຍົກ​ຕົວ­ຢ່າງ ເຊັ່ນ: ພະ­ນັກ­ງານ​ຮັບ​ສັ່ງ​ອາ­ຫານ​ຈານ​ດ່ວນ​ຜ່ານ​ທາງ​ຊ່ອງ Drive-Thru ທີ່​ຈະ​ຖືກ​ແທນ​ທີ່​ດ້ວຍ AI ດັ່ງ­ນັ້ນ ການ​ປັບ​ຕົວ​ຂອງ​ແຮງ​ງານ ດ້ວຍ​ການ​ເພີ່ມ​ທັກ​ສະ​ໃໝ່ໆ ໃຫ້​ສອດ­ຄ່ອງ​ກັບ​ຍຸກ​ດິ​ຈິ​ຕອລ​ນັ້ນ ເປັນ​ສິ່ງ​ຈຳ­ເປັນ​ຢ່າງ​ຍິ່ງ​ກັບ​ຕະ­ຫຼາດ​ແຮງ​ງານ​ໃນ​ຍຸກ​ນີ້.

ວ. ດາ­ລາ​ວົງ-ນຳ​ສະ­ເໜີ

ຂ່າວທີ່ກ່ຽວຂ້ອງ