ຂ່າວຫຼ້າສຸດ

ຊີ້ນໝູຈາກໂຮງງານຂ້າສັດດອນດູ່ ມີຄວາມສະອາດປອດໄພຮັບປະກັນ ແລະ ບໍ່ມີພະຍາດ

309 19 ມ.ນ. 2019 ຂ່າວໜ້າ​ໜຶ່ງ
ຊີ້ນໝູຈາກໂຮງງານຂ້າສັດດອນດູ່ ມີຄວາມສະອາດປອດໄພຮັບປະກັນ ແລະ ບໍ່ມີພະຍາດ

    ພະ­ຍາດ​ອະ­ຫິ​ວາ​ໝູ​ອາ​ຟຣິ​ກາ ໄດ້​ແຜ່​ລະ­ບາດ​ຢູ່​ປະ­ເທດ​ອ້ອມ​ຂ້າງ ສປປ ລາວ ເປັນ­ຕົ້ນ ສປ ຈີນ ແລະ ສສ ຫວຽດ­ນາມ ຈຶ່ງ​ສົ່ງ​ຜົນ​ກະ­ທົບ​ຕໍ່​ເສດ­ຖະ­ກິດ​ປະ­ເທດ​ດັ່ງ­ກ່າວ ນອກ​ນີ້​ຍັງ​ມີ​ຄວາມ​ປັ່ນ​ປ່ວນ​ມາ­ສູ່ ສປປ ລາວ ໂດຍ​ສະ­ເພາະ ຫຼາຍ​ຄົນ​ບໍ່​ຢາກ​ບໍ­ລິ­ໂພກ​ຊີ້ນ​ໝູ ແລະ ລາ­ຄາ​ຊີ້ນ​ໝູ​ມີ​ການ​ເໜັງ​ຕີງ​ເພີ່ມ​ຂຶ້ນ ຍ້ອນ​ຕັດ­ຂາດ​ການ​ນຳ​ເຂົ້າ​ຈາກ​ຕ່າງ­ປະ­ເທດ ນອກ​ນີ້​ຍັງ​ມີ​ຫາງ​ສຽງ​ວ່າ​ຊີ້ນ​ໝູ​ຈະ​ຂາດ­ຕະ­ຫຼາດ.

    ທ່ານ ຄຳ​ຫຼ້າ ແສງ​ດາ­ລາ ຜູ້­ອຳ­ນວຍ­ການ​ບໍ­ລິ­ສັດ ລັດ​ວິ​ສາ​ຫະ​ກິດ​ສະ­ບຽງ​ອາ­ຫານ ນະ­ຄອນ­ຫຼວງ​ວຽງ​ຈັນ (ນວ) ໃຫ້​ສຳ­ພາດ​ວັນ​ທີ 18 ມີ­ນາ 2019 ວ່າ: ໂດຍ​ປະ­ຕິ­ບັດ​ຕາມ​ແຈ້ງ​ການ​ຂອງ​ກະ­ຊວງ​ກະ­ສິ­ກຳ ແລະ ປ່າ­ໄມ້ ທີ່​ຫ້າມ​ບໍ່​ໃຫ້​ນຳ​ເອົາ​ຜະ­ລິດ​ຕະ​ພັນ​ຊີ້ນ​ໝູ​ຈາກ​ປະ­ເທດ​ໃກ້​ຄຽງ ໂດຍ​ສະ­ເພາະ ສປ ຈີນ ແລະ ສສ ຫວຽດ­ນາມ ເຂົ້າ​ມາ ສປປ ລາວ ກໍ​ຄື ນວ ຫຼາຍ​ຄົນ​ໄດ້​ຕັ້ງ​ຄຳ​ຖາມ​ວິ​ຕົກ­ວ່າ​ຊີ້ນ​ຈະ​ບໍ່​ພຽງ­ພໍ ແຕ່​ໂດຍ​ລວມ​ການ​ສະ­ກັດ​ກັ້ນ​ນຳ​ເຂົ້າ​ຊີ້ນ​ໝູ​ຈາກ​ພາຍ​ນອກ ແມ່ນ​ມີ​ຜົນ​ດີ 3 ຢ່າງ​ຄື: ຈະ​ບໍ່​ນຳ​ເອົາ​ພະ­ຍາດ​ຈາກ​ໝູ​ເຂົ້າ​ມາ​ປະ­ເທດ​ລາວ ຈະ​ເຮັດ​ໃຫ້­ການ​ຊຸກ­ຍູ້​ການ​ຜະ­ລິດ​ພາຍ​ໃນ​ເພີ່ມ​ຂຶ້ນ ແລະ ເມື່ອ​ມີ​ການ​ຜະ­ລິດ​ຢູ່​ພາຍ​ໃນ​ເພີ່ມ​ຂຶ້ນ ຈະ​ມີ​ໜ່ວຍ​ງານ​ປິ່ນ​ອ້ອມ ເປັນ­ຕົ້ນ ຜູ້​ທີ່​ປູກ​ເຂົ້າ ປູກ​ມັນ­ຕົ້ນ ແລະ ປູກ​ສາ­ລີ ເພື່ອ​ເປັນ​ອາ­ຫານ​ສັດ­ຈະ​ເພີ່ມ​ຂຶ້ນ ເປັນ​ການ​ສ້າງ​ວຽກ​ເຮັດ​ງານ​ທຳ​ໃຫ້​ຊາວ​ກະ­ສິ­ກອນ​ຢ່າງ​ຫຼວງ­ຫຼາຍ ເນື່ອງ​ການ​ລ້ຽງ­ສັດ ກໍ​ຄື​ການ​ລ້ຽງ​ໝູ​ເພີ່ມ​ຂຶ້ນ ກໍ​ຕ້ອງ​ນຳ​ໃຊ້​ວັດ­ຖຸ​ດິບ​ທີ່​ມາ​ເປັນ​ອາ­ຫານ​ເພີ່ມ​ຂຶ້ນ ໂດຍ​ອາ­ຫານ​ສັດ​ແມ່ນ​ມາ​ຈາກ​ເຂົ້າ ແລະ ພືດ​ຜັກ​ກວມ​ເອົາ 60% ການ​ຢຸດ​ບໍ່​ໃຫ້​ນຳ​ເຂົ້າ​ຊີ້ນ​ຈາກ​ຕ່າງ­ປະ­ເທດ​ຈະ​ດີ​ທີ່​ສຸດ ເພາະ​ຈະ​ສາ­ມາດ​ໝູ­ນວຽນ​ເງິນ​ຢູ່​ພາຍ​ໃນ ບໍ່​ມີ​ຜົນ​ກະ­ທົບ​ຕໍ່​ສັງ­ຄົມ ກໍ​ຄື ຜູ້​ບໍ­ລິ­ໂພກ​ຊີ້ນ​ໝູ ເຊິ່ງ​ການ​ລ້ຽງ​ໝູ​ແມ່ນ​ໃຊ້​ເວ­ລາ 4-5 ເດືອນ ກໍ​ໃຫ້​ຜົນ​ຜະ­ລິດ​ໄດ້.

    ສຳ­ລັບ​ຫາງ​ສຽງ​ຂອງ​ສັງ­ຄົມ​ທີ່​ວ່າ “ນວ ຈະ​ຂາດ​ຊີ້ນ​ໝູ” ນັ້ນ ພວກ​ເຮົາ​ຂໍ​ຮັບ­ປະ­ກັນ​ວ່າ​ປັດ­ຈຸ­ບັນ​ຊີ້ນ​ໝູ ຢູ່ ນວ ແມ່ນ​ເຫຼືອ​ບໍ­ລິ­ໂພກ ສະ­ແດງ​ອອກ​ຢູ່​ໂຮງ​ຂ້າ​ສັດ­ທັນ​ສະ­ໄໝ​ດອນ​ດູ່ ເມືອງ​ຫາດ​ຊາຍ​ຟອງ ນອກ­ຈາກ​ຈະ​ສະ­ໜອງ​ຊີ້ນ​ໃຫ້ ນວ ແລ້ວ ຍັງ​ສົ່ງ​ຂາຍ​ຕ່າງ​ແຂວງ​ເປັນ​ຈຳ­ນວນ​ຫຼວງ­ຫຼາຍ​ໃນ​ແຕ່​ລະ​ວັນ ເຊັ່ນ: ໄຊ​ຍະ​ບູ​ລີ ຊຽງ​ຂວາງ ຫຼວງ​ພະ​ບາງ ຄຳ​ມ່ວນ ແລະ ແຂວງ​ວຽງ​ຈັນ ດັ່ງ­ນັ້ນ ຈຶ່ງ​ແຈ້ງ​ມາ​ຍັງ​ຜູ້​ບໍ­ລິ­ໂພກ​ໝັ້ນ​ໃຈ​ວ່າ​ຢູ່ ນວ ມີ​ຄວາມ​ຮັບ­ປະ­ກັນ ບໍ່​ທັນ​ມີ​ພະ­ຍາດ​ໃດ​ເກີດ​ຂຶ້ນ ແລະ ການ​ນຳ​ເຂົ້າ​ຊີ້ນ​ໝູ​ແບບ​ຖືກ­ຕ້ອງ​ຈາກ ສປ ຈີນ ແລະ ສສ ຫວຽດ­ນາມ ແມ່ນ​ມີ​ໜ້ອຍ ສຳ­ລັບ​ການ​ດຳ­ເນີນ​ທຸ­ລະ​ກິດ​ຢູ່​ໂຮງ­ງານ​ຂ້າ​ສັດ​ດອນ​ດູ່​ໃນ​ປັດ­ຈຸ­ບັນ ໄດ້​ມີ​ການ​ປັບ­ປຸງ​ແຍກ​ເປັນ​ແຕ່​ລະ​ເຂດ​ຢ່າງ​ຄັກ­ແນ່ ແລະ ມີ​ການ​ກວດ​ພະ­ຍາດ​ສັດ​ຢ່າງ​ເອົາ​ຈິງ​ເອົາ​ຈັງ​ແຕ່​ລະ​ຂັ້ນ​ຕອນ ດັ່ງ­ນັ້ນ ຜູ້​ບໍ­ລິ­ໂພກ​ຈົ່ງ​ໝັ້ນ​ໃຈ​ວ່າ ໝູ​ທີ່​ຊື້​ມາ​ຈາກ​ໂຮງ­ງານ​ຂ້າ​ສັດ​ດອນ​ດູ່ ເປັນ​ຊີ້ນ​ໝູນ​ທີ່​ສະ­ອາດ ແລະ ປອດ​ໄພ​ຈາກ​ການ​ປົນ​ເປື້ອນ​ອື່ນໆ ເຊິ່ງ​ບັນ­ດາ​ທ່ານ​ທີ່​ສົນ­ໃຈ ສາ­ມາດ​ຕິດ­ຕໍ່​ໄດ້​ເບີ​ໂທ 021 215808 020 22223339.

ຂ່າວທີ່ກ່ຽວຂ້ອງ