ອາຊຽນ ຫາລືການນຳໃຊ້ຂໍ້ມູນຂ່າວສານພູມສາດອະວະກາດ

416 19 ມ.ນ. 2019 ຂ່າວໜ້າ​ໜຶ່ງ
ອາຊຽນ ຫາລືການນຳໃຊ້ຂໍ້ມູນຂ່າວສານພູມສາດອະວະກາດ

    ກົມ​ເຕັກ​ໂນ​ໂລ​ຊີ ແລະ ນະ​ວັດ­ຕະ​ກຳ ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ຈັດ​ກອງ​ປະ­ຊຸມ​ວິ­ຊາ​ການ ກ່ຽວ​ກັບ​ການ​ນຳ​ໃຊ້​ຂໍ້​ມູນ​ຂ່າວ­ສານ​ພູມ​ສາດ​ອະ­ວະ­ກາດ ດ້ານ​ຂໍ້​ມູນ​ສະ­ຖິ­ຕິ ເພື່ອ​ການ​ພັດ­ທະ­ນາ​ແບບ​ຍືນ​ຍົງ ຂຶ້ນ​ວັນ​ທີ 18 ມີ­ນາ 2019 ຢູ່​ໂຮງ­ແຮມ​ລາວ​ພລາ​ຊາ ໂດຍ​ເປັນ​ປະ­ທານ​ຂອງ​ທ່ານ ວິ­ໄລ​ສອນ ບຸ​ຜາ​ວັນ ຮອງ​ຫົວ­ໜ້າ​ກົມ​ເຕັກ​ໂນ​ໂລ​ຊີ ແລະ ນະ​ວັດ­ຕະ​ກຳ ມີ​ຜູ້­ຕາງ­ໜ້າ​ຈາກ​ປະ­ເທດ​ສະ­ມາ­ຊິກ​ອາ​ຊຽນ​ເຂົ້າ​ຮ່ວມ.

    ກອງ​ປະ­ຊຸມ​ຄັ້ງ​ນີ້​ເປັນ​ຄັ້ງ​ທີ 2 ໂດຍ​ສືບ­ຕໍ່​ຈາກ​ກອງ​ປະ­ຊຸມ​ປີ­ຜ່ານ­ມາ ເຊິ່ງ​ຈັດ​ຢູ່​ໃນ​ຂອບ​ໂຄງ­ການ​ຂອງ​ຄະ­ນະ​ກຳ­ມະ­ການ​ອາ​ຊຽນ ແລະ ຖື​ເປັນ​ຄັ້ງ​ທຳ​ອິດ​ຂອງ ສປປ ລາວ ທີ່​ໄດ້​ຮັບ​ທຶນ​ສະ­ໜັບ­ສະ­ໜູນ​ຈາກ​ກອງ​ທຶນ​ອາ​ຊຽນ ດ້ານ​ວິ­ທະ­ຍາ­ສາດ ເຕັກ​ໂນ​ໂລ​ຊີ ແລະ ນະ​ວັດ­ຕະ​ກຳ ພາຍ­ຫຼັງ​ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ ໄດ້​ສ້າງ­ຕັ້ງ​ປີ 2011 ແລະ ເປັນ​ການ­ຈັດ­ຕັ້ງ​ປະ­ຕິ­ບັດ ແຜນ​ປະ­ຕິ­ບັດ​ງານ​ອາ​ຊຽນ​ດ້ານ​ວິ­ທະ­ຍາ­ສາດ ເຕັກ​ໂນ​ໂລ​ຊີ ແລະ ນະ​ວັດ­ຕະ​ກຳ ແຕ່​ປີ 2016-2025 ກອງ​ປະ­ຊຸມ​ຄັ້ງ​ນີ້ ເປັນ​ລັກ­ສະ­ນະ​ຄົ້ນ­ຄວ້າ​ດ້ານ​ທິດ​ສະ​ດີ ແລະ ການ​ສຶກ​ສາ​ບົດ­ຮຽນ​ຕົວ​ຈິງ ເຊິ່ງ​ຈະ​ມີ​ຕົວ­ຢ່າງ​ຂໍ້​ມູນ​ຂອງ​ຜູ້​ຊ່ຽວ­ຊານ​ມາ​ປະ­ກອບ ແລະ ໄດ້​ຮັບ​ຄວາມ​ສົນ­ໃຈ​ຈາກ​ຜູ້​ຊ່ຽວ­ຊານ​ສະ­ເພາະ​ຂົງ­ເຂດ​ດັ່ງ­ກ່າວ ທັງ​ເປັນ​ການ​ປະ­ຕິ­ບັດ​ພັນ­ທະ​ຂອງ ສປປ ລາວ ໃນ​ນາມ​ເປັນ​ສະ­ມາ­ຊິກ​ອາ​ຊຽນ ລວມ​ເຖິງ​ການ​ຍາດ​ແຍ່ງ​ເອົາ​ການ​ຮ່ວມ​ມື ສ້າງ​ເຄືອ​ຄ່າຍ ແລະ ການ​ຮັດ​ແໜ້ນ​ຄວາມ​ສາ­ມັກ­ຄີ​ເປັນ​ໜຶ່ງ​ດຽວ​ຂອງ​ອາ​ຊຽນ ແລະ ກັບ​ອົງ​ການ­ຈັດ­ຕັ້ງ​ສາ­ກົນ.

    ເພື່ອ​ເປັນ​ເວ­ທີ​ໃຫ້­ການ​ແລກ­ປ່ຽນ​ຄວາມ​ຄິດ​ເຫັນ ປຶກ­ສາ​ຫາ­ລື ບັນ­ຫາ​ການ­ຈັດ­ຕັ້ງ​ປະ­ຕິ­ບັດ​ຕົວ​ຊີ້​ວັດ​ຂອງ​ການ​ພັດ­ທະ­ນາ​ແບບ​ຍືນ​ຍົງ ທີ່​ເປັນ​ສິ່ງ​ທ້າ​ທາຍ​ໃນ​ປັດ­ຈຸ­ບັນ ການ​ນຳ​ໃຊ້​ຂໍ້​ມູນ​ຂ່າວ­ສານ​ພູມ​ມີ​ສາດ​ດ້ານ​ຂໍ້​ມູນ​ສະ­ຖິ­ຕິ ເພື່ອ​ຄວາມ​ຍືນ​ຍົງ ແລະ ການ​ສະ­ໜັບ­ສະ­ໜູນ​ການ​ປະ­ຕິ­ບັດ​ເປົ້າ​ໝາຍ​ພັດ­ທະ­ນາ​ແບບ​ຍືນ​ຍົງ ຂອງ​ອົງ­ການ​ສະ­ຫະ​ປະ­ຊາ​ຊາດ.

ຂ່າວທີ່ກ່ຽວຂ້ອງ