NATO ຮັກສາ​ຄຳ​ສັນຍາ​ໃນ​ການ​ຊ່ວຍເຫຼືອ​ອູ​ແກຣນ

178 19 ມ.ນ. 2019 ຂ່າວຕ່າງປະເທດ
NATO ຮັກສາ​ຄຳ​ສັນຍາ​ໃນ​ການ​ຊ່ວຍເຫຼືອ​ອູ​ແກຣນ

   ຂ່າວສານ ຊິນ​ຮວາ ລາຍ​ງານ​ວ່າ ທ່ານ ເຈນ ສະ​ໂຕ​ເຕນ​ເບີກ ເລຂາທິການ​ຂອງ​ອົງການ​ສົນທິສັນຍາ​ປ້ອງ​ກັນ​ອັດ​ລັງ​ຕິກ​ເໜືອ (NATO) ລະບຸ​ຢູ່​ໃນ​ບົດ​ລາຍ​ງານ​ປະຈຳ​ປີ 2018 ຊຶ່ງ​ນຳ​ອອກ​ມາ​ເປີດ​​ເ​ຜີຍ​ເມື່ອ​ວັນ​ທີ 14 ມີນາ​ທີ່​ຜ່ານ​ມາ ໃຫ້​ຮູ້​ວ່າ NATO ຍັງ​ຄົງ​ຮັກສາ​ຄຳ​ສັນຍາ ໃນ​ການ​ໃຫ້​ຄວາມ​ຊ່ວຍເຫຼືອ​ການ​ປະຕິ​ຮູບ​ດ້ານ​ການ​ຮັກສາ​ຄວາມ​ສະຫງົບ ແລະ ​ປ້ອງ​ກັນ​ຊາດ​ຂອງ​ອູ​ແກຣນ.

    ບົດ​ລາຍ​ງານ​ດັ່ງກ່າວ​ເນັ້ນ​ໜັກ​ວ່າ NATO ໄດ້​ເພີ່ມ​ທະວີ​ການ​ໃຫ້​ຄວາມ​ຊ່ວຍເຫຼືອ​ທາງ​ດ້ານ​ການເມືອງ ແລະ​ສະພາບ​ຄວາມ​ເປັນ​ຈິງ​ໃຫ້​ແກ່​ອູ​ແກຣນ ມາ​ຕັ້ງແຕ່​ປີ   2014 ແລະ ​ຢ້ຳ​ເຖິງ​ຄຳ​ສັນຍາ​ນີ້ ຢູ່​ໃນ​ກອງ​ປະຊຸມ​ສຸດ​ຍອດ​ທີ່​ນະຄອນຫຼວງ ບຣຸກ​ແຊນ (ປະເທດ​ແບນ​ຊິກ) ເມື່ອ​ເດືອນ​ກໍລະກົດ ປີ 2018 ບ່ອນ​ຊຶ່ງ​ບັນດາ​ຜູ້ນຳ​ຂອງ NATO ໄດ້​ພົບ​ປະ​ກັບ​ປະທານາທິບໍດີ​ອູ​ແກຣນ ເປ​ໂຕຣ ໂປ​ໂຣ​ເຊນ​ໂກ.

    ໃນ​ປີ 2018 NATO ໄດ້​ໃຫ້​ຄວາມ​ຊ່ວຍເຫຼືອ​ການ​ເປັນ​ທີ່​ປຶກສາ​ໃຫ້​ແກ່​ອູ​ແກຣນ ໂດຍ​ສຸມ​ໃສ່​ການ​ພັດທະນາ ແລະ ​ການ​ປະຕິບັດ​ກົດໝາຍ​ສະບັບ​ຂອບ ກ່ຽວ​ກັບ​ຄວາມ​ສະຫງົບ​ແຫ່ງ​ຊາດ ກໍ​ຄື​ໃຫ້​ຄວາມ​ຊ່ວຍເຫຼືອ​ໃນ​ວຽກ​ງານ​ການ​ຟື້ນ​ຟູ​ໃຫ້​ແກ່​ບັນດາ​ພົນທະຫານ ທີ່​ໄດ້​ຮັບ​ບາດເຈັບ ພ້ອມ​ທັງ​ຊ່ວຍເຫຼືອ​ໃຫ້​ແກ່​ບັນດາ​ພື້ນຖານ​ດ້ານ​ສາທາລະນະ​ສຸກ ແລະ​ ອື່ນໆ.

ຂ່າວທີ່ກ່ຽວຂ້ອງ