ຂ່າວຫຼ້າສຸດ

Boeing ຈະດັດແກ້ຊອບແວໃຫ້ແກ່ Boeing 737 MAX ພາຍໃນເວລາ 10 ວັນ

116 19 ມີ.ນ. 2019 ຂ່າວຕ່າງປະເທດ
Boeing ຈະດັດແກ້ຊອບແວໃຫ້ແກ່ Boeing 737 MAX ພາຍໃນເວລາ 10 ວັນ

    ແຫຼ່ງຂ່າວທີ່ໜ້າເຊື່ອຖື ໃຫ້ຮູ້ວ່າ ກຸ່ມບໍລິສັດຜະລິດເຮືອບິນໂບອິງ (Boeing) ຂອງ ສ ອາເມຣິກາ ພວມດຳເນີນການອັບເດດຊອບແວ ໃຫ້ແກ່ພວກເຮືອບິນ  Boeing 737 MAX ທ່າມກາງທີ່ບັນດານັກສືບສວນສອບສວນຂອງຝຣັ່ງ ພວມປະຕິບັດການວິໄຈຂໍ້ມູນຂອງກັບດຳ ຈາກເຮືອບິນລຳທີ່ປະສົບໄພ ຂອງບໍລິສັດການບິນເອທີໂອປີ ເພື່ອກຳນົດເຖິງສາເຫດ ທີ່ພາໃຫ້ເກີດອຸບັດເຫດຕົກນັ້ນ.

    ຂ່າວແຈ້ງວ່າ Boeing ຈະດັດແກ້ເພື່ອໃຫ້ບັນລຸໝາກຜົນທີ່ດີທີ່ສຸດໃຫ້ແກ່ລະບັບເພີ່ມທະວີພາລະບົດບາດການບັນຊາ (MCAS) ພາຍໃນຮອບເວລາ 10 ວັນ. ໂຄສົກຜູ້ໜຶ່ງຂອງ Boeing ກ່າວເມື່ອວັນທີ 15 ມີນາທີ່ຜ່ານມາວ່າ ຫຼັງຈາກທີ່ດັດແກ້ແລ້ວ MCAS ຈະໄດ້ຮັບການຕິດຕັ້ງພາຍໃນຫຼາຍອາທິດຕໍ່ໜ້ານີ້.

    ເມື່ອວັນທີ 15 ມີນາທີ່ຜ່ານມາ ອົງການຄຸ້ມຄອງການບິນຂອງ ສ ອາເມຣິກາ (FAA) ອ້າງຕາມຂໍ້ມູນຈາກດາວທຽມ ແລະ ສິ່ງພິສູດຈາກທີ່ເກີດເຫດ ຊີ້ໃຫ້ເຫັນວ່າ ມີຈຸດທີ່ຄ້າຍຄືກັນຈຳນວນໜຶ່ງ ແລະ “ຄວາມເປັນໄປໄດ້ທີ່ເກີດຂຶ້ນຈາກສາເຫດດຽວກັນ” ລະຫວ່າງກໍລະນີເຮືອບິນ Boeing 737 MAX ຂອງບໍລິສັດການບິນເອທີໂອປີ ຕົກເມື່ອວັນທີ 10 ມີນາທີ່ຜ່ານມາ ກັບກໍລະນີທີ່ເຮືອບິນ Boeing 737 MAX ຂອງບໍລີສັດການບິນ Lion Air ຂອງອິນໂດເນເຊຍ ຕົກເມື່ອກ່ອນໜ້ານັ້ນ 5 ເດືອນ.

ຂ່າວທີ່ກ່ຽວຂ້ອງ