ຂ່າວຫຼ້າສຸດ

ທະຫານ​ຝ່າຍ​ລັດຖະບານ​ອາ​ຟະ​ກາ​ນິດ​ສະຖານ​ຖືກ​ມື​ປືນ​ເຂັ່ນຂ້າ​ຫຼາຍ​ສິບ​ຄົນ

205 19 ມ.ນ. 2019 ຂ່າວຕ່າງປະເທດ
ທະຫານ​ຝ່າຍ​ລັດຖະບານ​ອາ​ຟະ​ກາ​ນິດ​ສະຖານ​ຖືກ​ມື​ປືນ​ເຂັ່ນຂ້າ​ຫຼາຍ​ສິບ​ຄົນ

     ຂ່າວສານ​ຊິນ​ຮວາ ລາຍ​ງານ​ອ້າງ​ຕາມ​ແຫຼ່ງ​ຂ່າວ​ທາງ​ທະຫານ ໃຫ້​ຮູ້​ວ່າ ກຸ່ມ​ມື​ປືນ​ຕາ​ລີ​ບັນ ໄດ້​ໂຈມ​ຕີ​ດ່ານ​ກວດກາ​ແຫ່ງ​ຕ່າງໆ ຢູ່​ໃນ​ແຂວງ ຟາ​ຢາບ (ພາກ​ເໜືອ​ອາ​ຟະ​ກາ​ນິດ​ສະຖານ) ເມື່ອ​ວັນ​ທີ 17 ມີນາ​ນີ້ ໂດຍ​ໄດ້​ເຮັດ​ໃຫ້​ພົນທະຫານ​ຂອງ​ຝ່າຍ​ລັດຖະບານ ເສຍ​ຊີວິດ 22 ຄົນ. ໃນ​ການ​ຍິງ​ຕໍ່ສູ້​ກັນ​ເທື່ອ​ນີ້ ຝ່າຍ​ມື​ປືນ​ກໍ​ຖືກ​ສັງຫານ​ໄປ 15 ຄົນ.

    ໃນ​ອີກ​ເຫດການ​ໜຶ່ງ ສະມາຊິກ​ຂອງ​ກອງ​ກຳລັງ​ຮັກສາ​ຄວາມ​ສະຫງົບ​ຂອງ​ອາ​ຟະ​ກາ​ນິດ​ສະຖານ ຢ່າງ​ໜ້ອຍ 50 ຄົນ ໄດ້​ຍອມ​ຈຳນົນ​ຕໍ່​ກຸ່ມ​ມື​ປືນ​ຕາ​ລີ​ບັນ ໃນ​ລະຫວ່າງ​ເກີດ​ການ​ຕໍ່ສູ້​ເພື່ອ​ຍາດ​ເອົາ​ສິດ​ຄວບ​ຄຸມ ຢູ່​ໃນ​ແຂວງ​ບັດ​ກິ​​ສ (ພາກ​ຕາເວັນຕົກ​ສ່ຽງ​ເໜືອ​ອາ​ຟະ​ກາ​ນິດ​ສະຖານ).

    ນອກຈາກ​ນັ້ນແລ້ວ ກໍ​ມີ​ພົນທະຫານ​ຂອງ​ຝ່າຍ​ລັດຖະບານ​ອາ​ຟະ​ກາ​ນິດ​ສະຖານ ປະມານ 100 ຄົນ ທີ່​ຂຶ້ນ​ກັບ​ກອງ​ກຳລັງ​ຕຳຫຼວດ​ປ້ອງ​ກັນ​ຊາຍ​ແດນ ຊຶ່ງ​ມາ​ຈາກ​ກະຊວງ​ພາຍ​ໃນ​ອາ​ຟະ​ກາ​ນິດ​ສະຖານ ໃຊ້​ຄວາມ​ພະຍາຍາມ​ປົບ​ໜີ​ຈາກ​ຖານ​ທັບ ເພື່ອ​ເຂົ້າ​ໄປ​ໃນ​ປະເທດ​ຕວກ​ເມ​ນິດ​ສະຖານ ທີ່​ເປັນ​ປະເທດ​ເພື່ອນ​ບ້ານ ເມື່ອ​ວັນ​ທີ 16 ມີນາ​ທີ່​ຜ່ານ​ມາ ແຕ່​ໄດ້​ຖືກ​ສະກັດ​ໄວ້​ໃນ​ເຂດ​ຊາຍ​ແດນ.

ຂ່າວທີ່ກ່ຽວຂ້ອງ