ຂ່າວຫຼ້າສຸດ

ທົດສອບການຂັບຂີ່ທີ່ດີທີ່ສຸດຂອງນິສສັນ Nissan

250 20 ມ.ນ. 2019 ຫົວຂໍ້ຂ່າວອື່ນໆ
ທົດສອບການຂັບຂີ່ທີ່ດີທີ່ສຸດຂອງນິສສັນ Nissan

    ດ້ວຍ​ຮູບ​ລັກ​ການ​ຂັບ​ເຄື່ອນ​ອັນ​ຊານ​ສະ­ຫຼາດ​ຂອງ​ລົດ­ຍົນ​ນິ​ສ​ສັນ Nissan ເພື່ອ​ຄວາມ​ປວດ​ໄພ​ສຳ­ລັບ​ຕົວ​ທ່ານ ແລະ​ຄວບ​ຄົວ​ຂອງ​ທ່ານ

    ໃນ​ເດືອນ​ມີ­ນາ, ປີ 2019, ທີ່​ນະ­ຄອນ­ຫຼວງ​ວຽງ​ຈັນ. ບໍ­ລິ­ສັດ ຕັນ​ຈົງ​ມໍ​ເຕີ (ລາວ) ຈຳ­ກັດ  (Lao) Sole Co., Ltd. (“TCML”), ໄດ້​ເປັນ​ຕົວ​ແທ່ນ​ຈຳ­ໜ່າຍ​ລົດ­ຍົນ​ນິ​ສ​ສັນ Nissan ໃນ​ລາວ ແລະ ເປັນ​ບໍ­ລິ­ສັດ​ທີ່­ຢູ່​ໃນ​ເຄື່ອ​ຂ່າຍ​ຂອງ​ບໍ­ລິ­ສັດ​ຕັນ​ຈົງ​ມໍ​ເຕີ​ໂຫນ​ດີງສ໌ ເບີ​ຫັດ​ຂອງ​ປະ­ເທດ​ມາ​ເລ​ເຊຍ Tan Chong Motor Holdings Bhd ບໍ­ລິ­ສັດ​ໄດ້​ດຳ­ເນີນ​ກິດ­ຈະ­ການ​ໃນ​ລາວ​ມາ​ໄດ້​ຫຼາຍ​ປີ ແລະ ໄດ້​ຈັດ​ກິດ­ຈະ­ກຳ​ຕ່າງໆ ເຊັ່ນ​ການ​ທົດ​ລອງ​ການ​ຂັບ​ທີ່​ດີ​ທີ່​ສຸດ​ເພື່ອ​ລູກ​ຄ້າ​ຂອງ​ນິ​ສ​ສັນ Nissan ແລະ ຜູ້​ສົນ­ໃຈ​ທົ່ວ​ໄປ.

ເມື່ອ​ວັນ​ທີ 16 -17 ເດືອນ​ມີ­ນາ ປີ 2019 ທີ່​ຜ່ານ​ມາ​ເວ­ລາ 9:00 - 18:00 ໂມງ. ທາງ​ບໍ­ລິ­ສັດ​ໄດ້​ຈັດ​ງານ​ຢູ່​ທີ່​ເດີ່ນ​ຈອດ​ລົດ​ທີ່​ຫໍ​ວັດ­ທະ­ນະ­ທຳ​ແຫ່ງ​ຊາດ​ລາວ ຈຸດ­ປະ­ສົງ​ຂອງ​ການ​ຈັດ​ງານ​ກໍ່​ຄື​ການ​ໃຫ້​ລູກ​ຄ້າ ແລະ ຜູ້​ສົນ­ໃຈ​ໄດ້​ເຂົ້າ​ມາ​ທົດ​ລອງ​ຂັບ ຊື່ງ​ງານ​ໄດ້​ຈັດ​ຂື້ນ​ເປັນ​ເວ­ລາ​ສອງ​ວັນ. ການ​ຈັດ​ງານ​ບໍ່​ພຽງ​ແຕ່​ສະ­ແດງ​ໃຫ້​ເຫັນ​ເຖີງ​ຄວາມ​ເຂັ້ມ­ແຂງ​ຂອງ​ການ​ຂະ­ຫຍາຍ­ຕົວ​ທາງ​ດ້ານ​ການ​ຄ້າ ແລະ ຄວາມ​ທັນ​ສະ­ໄໝ​ຂອງ​ປະ­ເພດ​ລົດ­ຍົນ​ທີ່​ທາງ​ບໍ­ລິ­ສັດ​ໄດ້​ຜະ­ລິດ​ອອກ​ມາ​ຈຳ­ໜ່າຍ​ບໍ່​ວ່າ​ຈະ​ເປັນ ນິ​ສ​ສັນ ເທີ​ຣາ Nissan TERRA, ນິ​ສ​ສັນ ນາ­ວາ​ຣາ Nissan NAVARA, ນິ​ສ​ສັນ ນາ­ວາ​ລາ ພຣີ​ມຽ້ມ ພລັສ Premium Plus ແລະ ນິ​ສ​ສັນ ເອັກຊ໌ ເທຣັລ Nissan New X-TRAIL ທີ່​ພ້ອມ​ຈະ​ພາ​ທ່ານ​ໄປ​ສູ່​ຄວາມ​ທ້າ​ທ້າຍ.

    ທ່ານ ລີມ ຊີ ຄຽງ ປະ­ທານ​ບໍ­ລິ­ສັດ ຕັນ​ຈົງ​ມໍ​ເຕີ​ລາວ​ໄດ້​ກ່າວ​ວ່າ “ຖ້າ​ທ່ານ​ຕ້ອງ­ການ​ສຳ­ຜັດ​ກັບ​ລົດ​ຢ່າງ​ຈິງ​ຈັງ​ທ່ານ​ຕ້ອງ​ໃຊ້​ເວ­ລາ. ທ່ານ​ຕ້ອງ​ພິ­ສູດ​ໃຫ້​ຮູ້​ວ່າ​ທ່ານ​ມີ​ຄວາມ​ຮູ້​ສືກ​ຢ່າງ­ໃດ​ໃນ​ເວ­ລາ​ຂັບ, ບໍ່​ວ່າ​ຈະ​ເປັນ​ຮູບ​ຮ່າງ​ຂອງ​ລົດ ແລະ ຄວາມ​ເໝາະ​ສົມ​ກັບ​ຮູບ​ແບບ​ການ​ດຳ​ຊີ­ວິດ​ຂອງ​ທ່ານ. ທ່ານ​ຕ້ອງ​ໃຊ້​ເວ­ລາ​ເພື່ອ​ໃຫ້​ໝັ້ນ​ໃຈ​ວ່າ​ທ່ານ​ໄດ້​ຕັດ​ສີນ​ໃຈ​ຖືກ­ຕ້ອງ, ແລະ​ຢູ່​ໃນ​ອຸ­ດົມ​ຄະ­ຕິ​ການ​ນຳ​ໃຊ້​ຂອງ​ທ່ານ, ຊື່ງ​ທາງ​ບໍ­ລິ­ສັດ​ຕັນ​ຈົງ​ມໍ​ເຕີ​ຈື່ງ​ໄດ້​ສະ­ເໜີ​ຂໍ​ຄິດ​ນີ້​ຂື້ນ​ມາ​ເພື່ອ​ໃຫ້​ໄດ້​ຮຽນ​ຮູ້​ແບບ​ສະ­ຖາ­ນະ​ການ​ໃນ​ຊີ­ວິດ​ຈີງ”.

    ໃນ​ງານ​ໄດ້​ເປີດ​ໃຫ້​ມວນ​ຊົນ ແລະ ລູກ​ຄ້າ​ຂອງ​ນິ​ສ​ສັນ Nissan ທີ່​ເຂົ້າ​ມາ​ຮ່ວມ​ງານ​ໄດ້​ຮັບ​ປະ­ສົບ​ການ​ທົດ​ລອງ​ຂັບ​ຂື້ນ​ລົງ​ເທີງ​ຖະ­ໜົນ​ທີ່​ຄ້ອຍ​ຊັນ ແລະ ສີ່ງ​ກິດ​ຂວາງ​ອື່ນໆ ທີ່​ທາງ​ໜ່ວຍ​ງານ​ຂອງ​ບໍ­ລິ­ສັດ​ໄດ້​ສ້າງ​ຂື້ນ​ເພື່ອ​ໃຫ້​ລູກ​ຄ້າ​ໄດ້​ທົດ​ລອງ​ຂັບ.

    ໃນ​ຊ່ວງ​ເທດ­ສະ­ການ​ການ​ທົດ​ລອງ​ຂັບ, ລູກ​ຄ້າ ແລະ ປະ­ຊາ­ຊົນ​ຜູ້​ທີ່​ມີ​ຄວາມ​ສົນ­ໃຈ​ໄດ້​ມີ​ໂອ­ກາດ​ສຳ​ຫຼວດ​ເທັດ​ໂນ​ໂລ​ຢີ​ການ​ຂັບ​ເຄື່ອນ​ອັນ​ຊານ​ສະ­ຫຼາດ​ຂອງ​ລົດ​ນິ​ສ​ສັນ Nissan ເຊັ່ນ: ການ​ເປີດ​ປະ­ຕູ​ຫຼັງ​ດ້ວຍ​ການ​ຈັບ​ສຳ­ຜັດ​ຈາກ​ຕີນ Auto Tail Gate, ລະ­ບົບ​ເຕືອນ​ໃຫ້​ຂັບ​ຢູ່​ໃນ​ເລນ Lane Warning Departure Warning (LDW), ກ້ອງ​ອັດ​ສະ​ລິ​ຍະ​ຈັບ​ພາບ​ຮອບ​ທິດ​ທາງ Intelligent Around View Monitor (i-AVM), ການ​ກວດ​ຈັບ​ວັດ­ຖຸ​ເຄື່ອນ​ທີ່ (MOD), ລະ­ບົບ​ການ​ເຕືອນ​ຈຸດ​ບອດ (BSW), ລະ­ບົບ​ເບາະ​ພັບ​ອັດ­ຕະ­ໂນ­ມັດ​ທີ່​ສາ­ມາດ​ສັ່ງ​ການ​ໄດ້​ຈາກ​ຕຳ­ແໜ່ງ​ຜູ້​ຂັບ ‘1-Touch Remote Fold and Tumble Seat’, ລະ­ບົບ​ເຕືອນ​ເມື່ອ​ລົດ​ຢູ່​ໃນ​ຈຸດ​ແສງ​ໜ້ອຍ​ນະ​ຖອຍ­ຫຼັງ Cross Traffic Alert (CTA), ໜ້າ​ຈໍ​ສຳ­ຜັດ LCD 8 ນີ້ວ ພ້ອມ​ເຄື່ອງ​ຫຼີ້ນ​ດີ​ວີ​ດີ ແລະ ກ້ອງ​ເບີ່ງ​ທາງ​ດ້ານ​ຫຼັງ, ລະ­ບົບ​ຊ່ວຍ​ລົດ​ການ​ຂັບ​ຂີ່​ເທີງ​ຖະ­ໜົນ​ທີ່​ມີ​ຂຸມ (IRC), ລະ­ບົບ​ຊ່ວຍ​ການ​ຊົງ​ຕົວ​ຂະ­ນະ​ເຂົ້າ​ໂຄ້ງ (ITC), ລະ­ບົບ​ເກຍ​ອັດ​ສະ​ລິ​ຍະ​ເອັກຊ໌-ໂທຣ​ນິກ ຊີ​ວີ​ທີ X-tronic CVT, ລະ­ບົບ​ຊ່ວຍ​ອອກ​ຕົວ​ໃນ​ທາງ​ຄ້ອຍ​ຊັນ (HSA), ລົບ​ຄວບ​ຄຸມ​ທາງ​ລົງ​ພູ (HDC), ລະ­ບົບ​ຄວບ​ຄຸມ​ການ​ຊົງ​ຕົວ​ອັດ­ຕະ­ໂນ­ມັດ​ຂະ­ນະ​ເຂົ້າ​ໂຄ້ງ VDC) ແລະ ທາງ​ບໍ­ລິ­ສັດ​ຍັງ​ມີ​ອີກ​ຫຼາກ​ຫຼາຍ​ລຸ້ນ​ໄວ້​ໃຫ້​ທ່ານ​ເລືອກ.

    ເພື່ອ​ເປັນ​ການ​ຕອບ​ສະ­ໜອງ​ຕໍ່​ການ​ທົດ​ສອບ​ການ​ຂັບ​ຂີ່​ທີ່​ດີ​ທີ​ສຸດ​ຂອງ Nissan ໃນ​ເວ­ລາ 2 ວັນ ທີ່​ຈັດ​ງານ​ມີ​ຜູ້​ຄົນ​ໃຫ້​ຄວາມ​ສົນ­ໃຈ​ເປັນ​ຈຳ­ນວນ​ຫຼາຍ ສຳ­ລັບ​ລູກ​ຄ້າ​ແລະ​ມວນ​ຊົນ​ທີ່​ເຂົ້າ​ຮ່ວມ​ມາ​ງານ​ກັບ​ໝູ່, ຄອບ­ຄົວ ແລະ ເດັກ​ກໍ່​ມີ​ຫຼາຍ​ກິດ­ຈະ­ກຳ​ທີ່​ໄດ້​ສ້າງ​ຄວາມ​ສະ­ໜຸກ​ສະ​ໜານ ເຊັ່ນ: ເກມ​ສຳ­ລັບ​ເດັກ, ການ​ແຈກ​ບັດ​ໃສ່​ນ້ຳ­ມັນ Free, ການ​ຈັບ​ສະ­ຫຼາກ​ເພື່ອ​ຫາ​ຜູ້​ໂຊກ​ດີ ເພື່ອ​ຮັບ​ລາ­ງວັນ​ຈາກ​ນິ​ສ​ສັນ Nissan ເຊັ່ນ: ສ້ອຍ​ຄໍ​ຄຳ, ເຄື່ອງ­ໃຊ້​ໄຟ­ຟ້າ ແລະ ຂອງ​ຂັວນ​ຈາກ​ນິ​ສ​ສັນ Nissan. ພາຍ​ໃນ​ງານ​ຍັງ​ມີ​ການ​ແຈກ​ແຖມ​ເຄື່ອງ​ດື່ມ,ອາ­ຫານ​ແລະ ອື່ນໆ. ນອກ­ຈາກ​ກິດ­ຈະ­ກຳ​ທົດ​ລອງ​ການ​ຂັບ​ແລ້ວ ງານ​ຍັງ​ເປັນ​ຈຸດ​ເລີ່ມ​ຕົ້ນ​ທີ່​ເຮັດ​ໃຫ້​ນິ​ສ​ສັນ​ພົບ​ປະ­ກັນ​ກັບ​ລູກ​ຄ້າ.

    Nissan ນິ​ສ​ສັນ​ຍັງ​ສືບ­ຕໍ່​ຂະ­ຫຍາຍ­ຕົວ​ໃນ​ລາວ ຊື່ງ​ການ​ຕອບ​ສະ­ໜອງ​ຄວາມ​ເພີ່ງ​ພໍ­ໃຈ​ໃຫ້​ກັບ​ລູກ​ຄ້າ​ຍັງ​ເປັນ​ຫົວ­ໃຈ​ຫຼັກ​ຂອງ​ບໍ­ລິ­ສັດ. ບໍ­ລິ­ສັດ​ຕັນ​ຈົງ​ມໍ​ເຕີ​ລາວ​ຍັງ​ມອບ​ການ​ບໍ­ລິ­ການ​ຫຼັງ​ການ​ຂາຍ​ໃຫ້​ກັບ​ລູກ​ຄ້າ​ເພື່ອ​ກວດ​ເຊັກ​ສະ­ພາບ​ລົດ ຈຸດ­ປະ­ສົງ​ກໍ່​ຄື​ການ​ມອບ​ຄວາມ​ໄວ້​ວາງ­ໃຈ​ໃຫ້​ກັບ​ລູກ​ຄ້າ​ໃນ​ລາວ ແລະ ພ້ອມ​ດຽວ​ກັນ​ນັ້ນ​ທາງ​ບໍ­ລິ­ສັດ​ກໍ່​ກຳ­ລັງ​ຂະ­ຫຍາຍ​ສາ­ຂາ​ໄປ​ຍັງ​ຕ່າງ​ແຂວງ​ອີກ​ດ້ວຍ.

    ສຳ­ລັບ​ລູກ​ຄ້າ ແລະ ສະ­ມາ­ຊິກ​ຂອງ​ທາງ​ບໍ­ລິ­ສັດ​ທີ່​ມີ​ຄວາມ​ສົນ­ໃຈ​ກໍ່​ສາ­ມາດ​ເຂົ້າ​ມາ​ທົດ​ລອງ​ຂັບ​ໄດ້​ບໍ່​ວ່າ​ຈະ​ເປັນ ອໍ​ລ ນິວ ນິ​ສ​ສັນ ເທີ​ຣາ All-New Nissan TERRA, ນິວ ນິ​ສ​ສັນ ເອກຊ໌ ເທລ໌ Nissan X-TRAIL ແລະ ນິ​ສ​ສັນ ນາ­ວາ​ຣາ ພລີ​ມ້ຽມ ພລັສ Nissan NAVARA Premium Plus ທີ່​ຫ້ອງ​ວາງ​ວະ​ແດງ ຫຼື ໂຣດ​ໂຊສ໌ ຂອງ​ນິ​ສ​ສັນ​ໄດ້.

ສຳ­ລັບ​ຂໍ້​ມູນ​ເພີ່ມ​ເຕີບ​ກ່ຽວ​ກັບ​ລົດ​ນິ​ສ​ສັນ Nissan ທຸກ​ລຸ້ນ​ໃນ​ລາວ, ທ່ານ​ສາ­ມາດ​ເຂົ້າ​ໄປ​ຊົມ​ໄດ້​ທີ່​ເວັບ​ໄຊທ໌ www.nissan-lao.la ຫຼື ທ່ານ​ສາ­ມາດ​ຕິດ­ຕາມ​ໜ້າ​ເພັດຈ໌​ຂອງ​ເຟດສ໌​ບຸກ​ນິ​ສ​ສັນ​ລາວ​ກໍ່​ໄດ້ fb.com/NissanLaos/

 

ກ່ຽວ​ກັບ​ບໍ­ລິ­ສັດ ຕັນ​ຈົງ (ລາວ) ຈຳ­ກັດ  (Lao) Sole Co., Ltd. (“TCML”)

    ບໍ­ລິ­ສັດ ຕັນ​ຈົງ (ລາວ) ຈຳ­ກັດ  (Lao) Sole Co., Ltd. (“TCML”) ເປັນ​ຕົວ​ແທນ​ຈຳ­ໜ່າຍ​ລົດ­ຍົນ​ນິ​ສ​ສັນ Nissan ໃນ​ລາວ ຊື່ງ​ເປັນ​ສາ­ຂາ​ຂອງ​ຕັນ​ຈົງ​ມໍ​ເຕີ ໂຫນ​ດີງສ໌ ເບີຣ໌​ຫັດ​ໃນ​ມາ​ເລ​ເຊຍ Tan Chong Motor Holdings Berhed ທາງ​ບໍ­ລິ­ສັດ​ທັງ​ເປັນ​ຜູ້​ຂາຍ, ຜູ້​ບໍ­ລິ­ຫານ​ນຳ​ລົດ​ເຂົ້າ​ມາ​ໃນ​ລາວ ແຕ່​ປີ 2010. ການ​ເປີດ​ຕົວ​ຄັ້ງ​ທຳ​ອິດ​ຂອງ​ສູນ​ສາມ​ເອັດສ໌ 3S ໃນ​ນະ­ຄອນ­ຫຼວງ​ວຽງ​ຈັນ ບໍ­ລິ­ສັດ​ຕັນ​ຈົງ​ມໍ​ເຕີ​ລາວ ໄດ້​ສ້າງ​ສະ­ຖິ­ຕິ​ຍອດ​ຂາຍ​ທີ່​ໂດດ​ເດັນ​ໃນ​ປະ­ເທດ​ລາວ​ເຊັ່ນ ນິ​ສ​ສັນ ນາ­ວາ​ຣາ Nissan Navara ແລະ ນິ​ສ​ສັນ ເອັກຊ໌ - ເທຣັລ Nissan X-Trail. ໃນ​ປີ 2016, ຕັນ​ຈົງ​ມໍ​ເຕີ​ລາວ​ໄດ້​ຖືກ​ນຳ​ສະ­ເໜີ​ເຂົ້າ​ຊີງ​ລາ­ງວັນ ເດີ ນິ​ສ​ສັນ ກລອບ​ໂອລ໌ ເອີ​ເວີດ໌ 'The Nissan Global Award 2016' ຊື່ງ​ເປັນ​ລາ­ງວັນ​ລະ­ດັບ​ໂລກ​ທີ່​ຮັບ​ຮູ້​ເຖິງ

    ການ​ເປັນ​ຕົວ​ແທນ​ຈຳ­ໜ່າຍ​ຂອງ​ນິ​ສ​ສັນ Nissan ຈາກ​ຜົນ​ການ​ດຳ­ເນີນ​ງານ​ທີ່​ໂດດ​ເດັ່ນ​ໃນ​ສົກ​ງົບ­ປະ­ມານ​ປີ 2015 ໃນ​ເລື່ອງ​ຂອງ​ປະ­ລິ­ມານ​ການ​ຂາຍ ແລະ ຜົນ­ສຳ­ເລັດ​ສ່ວນ​ແບ່ງ​ຕະ­ຫຼາດ. ໃນ​ປີ 2017 ນັບ​ເປັນ​ບາດ­ກ້າວ​ທີ່​ສຳ­ຄັນ​ຂອງ​ບໍ­ລິ­ສັດ ເພາະ​ບໍ­ລິ­ສັດ​ຕັນ​ຈົງ​ມໍ​ເຕີ​ລາວ ໄດ້​ເປີດ​ສູນ​ສາມ​ເອັດສ໌ 3S ໃນ​ສະ­ຫວັນ​ນະ​ເຂດ ແລະ ຕາມ​ມາ​ດ້ວຍ​ສູນ​ສາມ​ເອັດສ໌ 3S ໃນ​ປາກ​ເຊ. ເພື່ອ​ເປັນ​ການ​ຂັບ​ເຄື່ອນ​ທຸ­ລະ​ກິດ ບໍ­ລິ­ສັດ​ຕັນ​ຈົງ​ມໍ​ເຕີ​ລາວ​ຍັງ​ສືບ­ຕໍ່​ສົ່ງ​ຄວາມ​ເພີ່ງ​ພໍ­ໃຈ​ໃຫ້​ກັບ​ລູກ​ຄ້າ​ໃຫ້​ເຖີງ​ຈຸດ​ສູງ​ສຸດ ແລະ ສືບ­ຕໍ່​ຂະ­ຫຍາຍ​ສາ­ຂາ​ຂອງ​ບໍ­ລິ­ສັດ​ໃຫ້​ຄວບ​ຄຸມ​ທົ່ວ​ປະ­ເທດ ພ້ອມ​ກັບ​ເປີດ​ຫ້ອງ​ບໍ­ລິ­ການ​ຫລັງ​ການ​ຂາຍ​ໃຫ້​ກັບ​ຜູ້​ທີ່​ມີ​ຄວາມ​ສົນ­ໃຈ ເພື່ອ​ເພີ່ມ​ຍອດ​ຂາຍ​ລົດ­ຍົນ​ໃຫ້​ຄວບ​ຄຸມ​ທົ່ວ​ປະ­ເທດ.

 

ຕ້ອງ­ການ​ສອບ​ຖາມ​ຂໍ້​ມູນ, ທ່ານ​ສາ­ມາດ​ຕິດ­ຕໍ່​ໄດ້​ທີ່:                 ຕ້ອງ­ການ​ສອບ​ຖາມ​ຂໍ້​ມູນ​ຈາກ​ຊ່ອງ​ທາງ​ອື່ນ

ພະ​ແນກ​ປະ­ຊາ­ສຳ­ພັນ, ອີນ​ໂດ​ໄຊ​ນາ (ຫ້ອງ­ການ​ໃຫຍ່, MY)         ທ່ານ​ສາ­ມາດ​ຕິດ­ຕໍ່​ໄດ້​ທີ່

ເບີ​ໂທ: +603 – 2788 3172                               ບໍ­ລິ­ສັດ ຕັນ​ຈົງ​ມໍ​ເຕີ້​ລາວ ຈຳ­ກັດ

ເບີ​ແຟກຊ໌: +603 – 2788 6470                            ເລກ​ທີ 213 ໜ່ວຍ 02, ບ້ານ​ຈອມ​ແຈ້ງ

ອີ​ເມ​ລ: [email protected]                 ຖະ­ໜົນ​ທ່າ​ເດືອ KM 6, ເມືອງ​ສີ​ສັດ­ຕະ​ນາກ,

ອີ​ເມ​ລ: [email protected]                          ນະ­ຄອນ­ຫຼວງ​ວຽງ​ຈັນ, ລາວ

                                                      ເບີ​ໂທ: +85621 1316072

                                                      ເບີ​ແຟກຊ໌: +85621 62 1316073

ຂ່າວທີ່ກ່ຽວຂ້ອງ