ຂ່າວຫຼ້າສຸດ

ເຊີນຮ່ວມ​ການ​ແຂ່ງຂັນ​ຄາ​​ຣ​ສະ​ເບິກ ກ໊ອບ ຄລາ​​ສ​ສິກ 2019

186 21 ມ.ນ. 2019 ວົງຈອນກີລາ
ເຊີນຮ່ວມ​ການ​ແຂ່ງຂັນ​ຄາ​​ຣ​ສະ​ເບິກ ກ໊ອບ ຄລາ​​ສ​ສິກ 2019

    ເພື່ອ​ເປັນ​ການ​ຕໍ່​ຍອດ​ຜົນສຳເລັດ​ໃນ​ການ​ຈັດການ​ແຂ່ງຂັນ​ຄາ​​ຣ​ສະ​ເບິກ ກ໊ອບ ຄລາ​​ສ​ສິກ 2018 ໃຫ້​ມີ​ຄວາມ​ຕໍ່​ເນື່ອງ ທັງ​ເປັນ​ການ​ສົ່ງເສີມ ແລະ ສ້າງ​ບັນຍາກາດ​ໃຫ້​ວົງ​ການ​ກິລາ​ກ໊ອບ​ຂອງ​ລາວ​ເຮົາ​ໃຫ້​ມີ​ຄວາມ​ຟົດຟື້ນ ພ້ອມ​ທັງ​ເປັນ​ການ​ພັດທະນາ​ທັກ​ສະ​ຂອງ​ນັກ​ກ໊ອບ​ລາວ​ໃຫ້​ສາມາດ​ກ້າວ​ເຂົ້າ​ສູ່​ການ​ແຂ່ງຂັນ​ລະດັບ​ມາດຕະຖານ​ສາກົນ.

     ດ້ວຍ​ປະສົບ​ການ​ທີ່​ຍາວ​ນານ​ຂອງ​ຄາ​​ຣ​ສະ​ເບິກ ແລະ ຕ້ອງການ​ມອບ​ປະສົບ​ການ​ທີ່​ດີ​ທີ່​ສຸດ​ໃຫ້​ແກ່​ລູກ​ຄ້າ ຄາ​​ຣ​ສະ​ເບິກ​ຈຶ່ງ​ນໍ​​ຳ​ສະເຫນີ​ຄວາມ​ຕື່ນເຕັ້ນ ແລະ ມ່ວນຊື່ນ​ໃນ​ເກມ​ການ​ແຂ່ງຂັນ Carlsberg Golf Classic 2019. ເຊິ່ງ​ໃນ​ປີ 2018 ທີ່​ຜ່ານ​ມາ ການ​ຈັດການ​ແຂ່ງຂັນ​ກິລາ​ກ໊ອບ​ລາຍການ​ນີ້​ໄດ້​ຮັບ​ການ​ຕອບ​ຮັບ​ເປັນ​ຢ່າງ​ດີ​ຈາກ​ນັກ​ກິລາ​ກ໊ອບ​ສະຫມັກ​ຫລີ້ນ​ສີມື​ດີ​ທັງ​ຄົນ​ລາວ ແລະ ຕ່າງປະເທດ​ເຂົ້າ​ຮ່ວມ​ການ​ແຂ່ງຂັນ​ທ້າ​ທາຍ​ຄວາມ​ສາມາດ​ກວ່າ 250 ຄົນ.  ຄາ​​ຣ​ສະ​ເບິກ​ລາວ​ໄດ້​ວາງ​ເປົ້າ​ຫມາຍ ໃນ​ການ​ຈັດການ​ແຂ່ງຂັນ​ກ໊ອບ​ລາຍການ​ນີ້​ໃຫ້​ມີ​ຄວາມ​ຕໍ່​ເນື່ອງ​ພາຍ​ໃນ​ປີ ແລະ ຈັດການ​ແຂ່ງຂັນ​ໃຫ້​ໄດ້ 3 ລາຍການ​ໃນ​ສະຫນາມ​ທີ່​ແຕກ​ຕ່າງ​ກັນ ພາຍ​ໃນ​ນະຄອນຫລວງ​ວຽງ​ຈັນ .

   ເລີ່ມ​ເປີດ​ປະ​ເດີມ​ການ​ແຂ່ງຂັນ Carlsberg Golf Classic ຄັ້ງ​ທຳ​ອິດ​ປະຈຳ​ປີ 2019 ໃນ​ວັນ​ທີ 30/03/2019 ທີ່ ສະຫນາມ​ກ໊ອບ ຊີເກມ (ຫລັກ 16).

    ການ​ແຂ່ງຂັນ “Carlsberg Golf Classic 2019” ຮູບ​ແບບ​ການ​ແຂ່ງຂັນ​ແມ່ນ​ຈະ​ຈັດ​ຂື້ນ ແລະ ຈົບ​ການ​ແຂ່ງຂັນ​ພາຍ​ໃນ​ມື້​ດຽວ ກຳນົດ 18 ຂຸມ 1 ກ້ວ​​ານ ມີ​ຈໍ​​ຳ​ນວນ​ນັກ​ກ໊ອບ 4 ທ່ານ ໃຊ້​ລະບົບ​ການ​ນັບ​ຄະແນນ​ມີ 2 ປະເພດ​ຄື​ແບບ: Cross & Net. ຄ່າ​ສະຫມັກ​ສໍ​​ຳ​ຫລັບ​ຜູ້​ທີ່​ສົນໃຈ​ເຂົ້າ​ຮ່ວມ​ການ​ແຂ່ງຂັນ 600000ກີບ/ທ່ານ ສາມາດ​ລົງທະບຽນ​ຜ່ານ Link: https://www.wgalaos.org/cgc-2019-registr ຫຼື ລົງທະບຽນ​ດ້ວຍ​ວິທີ​ອື່ນໆ ສາມາດ​ຕິດຕໍ່​ສອບ​ຖາມ​ໄດ້​ທີ່​ເບີ​ໂທ (856-20) ‪58 588 883 ສາມາດ​ລົງທະບຽນ​ໄດ້​ຈົນ​ເຖິງ ວັນ​ທີ 28 ມີນາ 2019 ຜູ້​ທີ່​ໄດ້​ຄະແນນ​ຊະນະ​ເລີດ​ຂອງ​ແຕ່​ລະ​ປະເພດ​ຈະ​ໄດ້​ຮັບ​ຂັນ​ລາງວັນ ແລະ ຂອງຂວັນ​ຈາກ​ຄາ​​ຣ​ສະ​ເບິກ. ນອກ​ນັ້ນ ຍັງ​ມີ​ລາງວັນ​ອັນ​ດັບ 2-3-4 ແລະ ຍັງ​ມີ​ລາງວັນ​ພິເສດ​ຄື: ລາງວັນ​ຕີ​ໃກ້ 2 ລາງວັນ ລາງວັນ​ຕີ​ໄກ 1 ລາງວັນ ແລະ ລາງວັນ HOLE IN ONE  2 ລາງວັນ ລຸ້ນ​ຮັບ​ຂອງ​ລາງວັນ​ຕ່າງໆ​ອີກ​ຫລາຍ​ລາຍການ ລວມ​ມູນ​ຄ່າ​ຂອງ​ລາງວັນ​ທັງ​ຫມົດ ຫຼາຍ​ກວ່າ ສອງ​ຮ້ອຍ​ລ້ານ​ກີບ.

ຂ່າວທີ່ກ່ຽວຂ້ອງ