ຂ່າວຫຼ້າສຸດ

ສ ອາ​ເມ​ຣິ​ກາ ປະຕິບັດ​ການ​ປິດ​ລ້ອມ​ງວດ​ໃໝ່​ຕໍ່​ເວ​ເນ​ຊູ​ເອ​ລາ

110 21 ມ.ນ. 2019 ຂ່າວຕ່າງປະເທດ
ສ ອາ​ເມ​ຣິ​ກາ ປະຕິບັດ​ການ​ປິດ​ລ້ອມ​ງວດ​ໃໝ່​ຕໍ່​ເວ​ເນ​ຊູ​ເອ​ລາ

    ຂ່າວສານ ຣອຍ​ເຕີ ລາຍ​ງານ​ວ່າ ວັນ​ທີ 19 ມີນາ​ນີ້ ສ ອາ​ເມ​ຣິ​ກາ ໄດ້​ປະກາດ​ການ ປິດ​ລ້ອມ​ງວດ​ໃໝ່​ຕໍ່​ເວ​ເນ​ຊູ​ເອ​ລາ ຄື​ກັບ​ວ່າ​ເປັນ​ສ່ວນ​ໜຶ່ງ​ໃນ​ຄວາມ​ພະຍາຍາມ ສ້າງ​ຄວາມ​ກົດ​ດັນ​ຕໍ່ ລັດຖະບານ​ເວ​ເນ​ຊູ​ເອ​ລາ ພາຍ​ໃຕ້​ການ​ນຳພາ​ຂອງ​ປະທານາທິບໍດີ ນີ​ໂກ​ລາ​​ສ ມາ​ດູ​ໂຣ.

    ການ​ປິດ​ລ້ອມ​ງວດ​ນີ້ ແມ່ນ​ແນໃສ່​ບໍລິສັດ​ລັດ​ວິ​ສາ​ຫະ​ກິດ​ຂຸດ​ຄົ້ນ​ບໍ່​ແຮ່​​ ມີ​ເນີ​ເວນ (Minerven) ລວມ​ເຖິງ​ທ່ານ ອາດ​ຣຽນ ເປ​ໂດ​ໂມ ປະທານ​ຂອງ​ບໍລິສັດ ດັ່ງກ່າວ.

    ໃນ​ຂະນະ​ດຽວ​ກັນ ທ່ານ ມາ​ນູ​ແອ​​ລ ເກ​ເວ​ໂດ ລັດຖະມົນຕີ​ກະຊວງ​ນ້ຳມັນ-ແກ​​ັສ ຂອງ ເວ​ເນ​ຊູ​ເອ​ລາ (PDVSA) ຖະແຫຼງ​ເມື່ອ​ວັນ​ທີ 18 ມີນາ ວ່າ​ເວ​ເນ​ຊູ​ເອ​ລາ ອາດ​ຈະ​ໂອນ ປະລິມານ​ນ້ຳມັນ​ດິບ ຊຶ່ງ​ທີ່​ຜ່ານ​ມາ​ເປັນ​ການ​ຈັດ​ສັນ​ໃຫ້​ແກ່ ສ ອາ​ເມ​ຣິ​ກາ ທີ່​ເປັນ​ລູກ​ຄ້າ​ລາຍ​ໃຫຍ່​ສຸດ ຂອງ​ເວ​ເນ​ຊູ​ເອ​ລາ ນັ້ນ​ໄປ​ຍັງ​ຣັດ​ເຊຍ ແລະ ລູກ​ຄ້າ​ລາຍ​ອື່ນໆ.

ຂ່າວທີ່ກ່ຽວຂ້ອງ