ຂ່າວຫຼ້າສຸດ

ປະທານາທິບໍດີ​ກາ​ຊັກ​ສະຖານ ປະກາດ​ລາ​ອອກ​ຈາກ​ຕຳແໜ່ງ​ຢ່າງ​ບໍ່​ຄາດ​ຝັນ

152 21 ມ.ນ. 2019 ຂ່າວຕ່າງປະເທດ
ປະທານາທິບໍດີ​ກາ​ຊັກ​ສະຖານ ປະກາດ​ລາ​ອອກ​ຈາກ​ຕຳແໜ່ງ​ຢ່າງ​ບໍ່​ຄາດ​ຝັນ

     ວັນ​ທີ 19 ມີນາ​ນີ້ ປະທານາທິບໍດີ​ກາ​ຊັກ​ສະຖານ ນູ​ຊູນ​ຕານ ນາ​ຊາ​ບາ​ແຢບ (Nursultan Nazarbayev) ໄດ້​ປະກາດ​ລາ​ອອກ​ຈາກ​ຕຳແໜ່ງ​ຢ່າງ​ບໍ່​ຄາດ​ຝັນ ຫຼັງ​ຈາກ​ທີ່​ທ່ານ​ໄດ້​ກຳ​ອຳນາດ ມາ​ເປັນ​ເວລາ​ເກືອບ 30 ປີ.

    ທ່ານ ນູ​ຊູນ​ຕານ ນາ​ຊາ​ບາ​ແຢບ ດຳລົງ​ຕຳແໜ່ງ​ເປັນ​ປະທານາທິບໍດີ​ກາ​ຊັກ​ສະຖານ ມາ​ຕັ້ງແຕ່ ປະເທດ​ນີ້​ໄດ້​ຮັບ​ເອກະລາດ ເມື່ອ​ປີ 1991 ເປັນຕົ້ນ​ມາ ແລະ ໃນ​ເວລາ​ນີ້​ທ່ານ​ຢູ່​ໃນ​ຕຳແໜ່ງ ດັ່ງກ່າວ​ເປັນ​ສະໄໝ​ທີ 5.

    ທ່ານ ໂຈ​ມາດ ໂຕ​ຄາ​ແຢບ ປະທານ​ສະພາ​ສູງ​ຂອງ​ກາ​ຊັກ​ສະຖານ ຈະ​ຮັບ​ໜ້າທີ່​ເປັນ ປະທານາທິບໍດີ​ແທນ​ທ່ານ ນູ​ຊູນ​ຕານ ນາ​ຊາ​ບາ​ແຢບ ໄປ​ຈົນ​ກວ່າ​ຈະ​ມີ​ການ​ເລືອກ​ຕັ້ງ​ປະທານາທິບໍດີ ຄົນ​ໃໝ່.

   ກ່ອນ​ໜ້າ​ນັ້ນ ເມື່ອ​ວັນ​ທີ 21 ກຸມພາ​ທີ່​ຜ່ານ​ມາ ທ່ານ ນູ​ຊູນ​ຕານ ນາ​ຊາ​ບາ​ແຢບ ໄດ້​ປະກາດ​ຍຸບ​ລັດຖະບານ ດ້ວຍ​ເຫດຜົນ​ວ່າ “ບໍ່​ບັນລຸ​ການ​ປ່ຽນແປງ​ທີ່​ຕັ້ງໜ້າ” ສຳລັບ​ເສດຖະກິດ ຂອງ​ປະເທດ​ນີ້.

ຂ່າວທີ່ກ່ຽວຂ້ອງ