ອິນ​ເດຍ ຝຶກ​ຊ້ອມ​ການ​ທະຫານ​ຮ່ວມ​ກັບ 16 ປະ​ເທດ​ຈາກ​ທະວີບ​ອາ​ຟະ​ຣິກ​ກາ

91 21 ມີ.ນ. 2019 ຂ່າວຕ່າງປະເທດ
ອິນ​ເດຍ ຝຶກ​ຊ້ອມ​ການ​ທະຫານ​ຮ່ວມ​ກັບ 16 ປະ​ເທດ​ຈາກ​ທະວີບ​ອາ​ຟະ​ຣິກ​ກາ

     ວັນ​ທີ 18 ມີນາ​ນີ້ ກອງທັບ​ອິນ​ເດຍ ໄດ້​ເລີ່ມ​ການ​ຝຶກ​ຊ້ອມ​ການ​ການ​ທະຫານ​ຮ່ວມ​ກັບ 16 ປະເທດ​ຈາກ​ທະວີບ​ອາ​ຟະ​ຣິກ  (AFINDEX -19) ໂດຍ​ຈັດ​ຂຶ້ນ​ທີ່​ເມືອງ ປູນ ໃນ​ລັດ ມະຫາ​ຣາດ.

    ຂໍ້​ມູນ​ທີ່​ລົງ​ພິມ​ໃນ​ເວບ​ໄຊ Wion ລະບຸ​ວ່າ ແຕ່​ລະ​ປະເທດ​ດັ່ງກ່າວ​ຈາກ​ອາ​ຟະ​ຣິກ​ກາ ໄດ້​ສົ່ງ​ນາຍ​ທະຫານ 10 ຄົນ ໄປ​ຍັງ​ອິນ​ເດຍ ເພື່ອ​ຝຶກ​ຊ້ອມ​ຮ່ວມ​ກັບ​ກອງທັບ​ອິນ​ເດຍ ໃນ​ໂຄງການ​ທີ່​ແກ່ຍາວ​ເປັນ​ເວລາ 10 ວັນ (18-27 ມີນາ) ອັນ​ປະກອບ​ມີ​ເນື້ອ​ໃນ​ຄື ການ​ຊ່ວຍເຫຼືອ​ກວດ​ຫາ ແລະ​ທຳລາຍ    ໝາກ​ມິ່ນ​ເພື່ອ​ມະນຸດສະທຳ (HMA) ແລະ ​ການເຄື່ອນໄຫວ​ຮັກສາ​ສັນຕິພາບ (PKO) ຕາມ​ກົດ​ບັດ​ຂອງ​ສະຫະ​ປະຊາ​ຊາດ.

    ສຳລັບ ຣູ​ອັນ​ດາ ​ສປ ກົງ​ໂກ ແລະ ມາ​ດາກ​​ັສ​ກາ ກໍ​ໄດ້​ສົ່ງ​ນາຍ​ທະຫານ​ເຂົ້າ​ຮ່ວມ​ໂຄງການ​ດັ່ງກ່າວ ໃນ​ຖານະ​ທີ່​ເປັນ​ຜູ້​ສັງ​ເຫດການ.

ຂ່າວທີ່ກ່ຽວຂ້ອງ