ຂ່າວຫຼ້າສຸດ

ສປປ ​ເກົາຫຼີ - ຣັດ​ເຊຍ ​ເພີ່ມ​ທະວີ​ການ “ຕິດ​ຕໍ່​ລະດັບ​ສູງ”

153 21 ມ.ນ. 2019 ຂ່າວຕ່າງປະເທດ
ສປປ ​ເກົາຫຼີ - ຣັດ​ເຊຍ ​ເພີ່ມ​ທະວີ​ການ “ຕິດ​ຕໍ່​ລະດັບ​ສູງ”

     ສຳນັກ​ຂ່າວສານ​ສູນ​ກາງ​ເກົາຫຼີ (KCNA) ລາຍ​ງານ​ເມື່ອ​ວັນ​ທີ 17 ມີນາ​ນີ້​ວ່າ ​ສປປ ເກົາຫຼີ ແລະ​ ຣັດ​ເຊຍ ໄດ້​ເຫັນ​ດີ​ເປັນ​ເອກະສັນ​ກັນ ໃນ​ການ​ເພີ່ມ​ທະວີ​ການ “ຕິດຕໍ່​ລະດັບ​ສູງ” ກໍ​ຄື​ການ​ຮ່ວມ​ມື​ໃນ​ຂົງເຂດ​ເສດຖະກິດ ມະນຸດສະທຳ ແລະ ອີກ​ຫຼາຍໆ​ຂົງເຂດ ຊຶ່ງ​ການ​ຕົກລົງ​ນີ້ ບັນລຸ​ໄດ້​ຢູ່​ໃນ​ການ​ພົບ​ປະ​ລະຫວ່າງ​ທ່ານ ອິມ ຈອນ​ອິນ ຮອງ​ລັດຖະມົນຕີ​ການ​ຕ່າງປະເທດ ​ສປປ ເກົາຫຼີ ກັບ​ທ່ານ ອີ​ກໍ ໂມ​ກູ​ລອບ ຮອງ​ລັດຖະມົນຕີ​ການ​ຕ່າງປະເທດ​ຣັດ​ເຊຍ ຢູ່​ທີ່​ນະຄອນ​ລວງ​​ມົສ​ກູ ເມື່ອ​ວັນ​ທີ 14 ມີນາ​ທີ່​ຜ່ານ​ມາ.

    KCNA ໃຫ້​ຮູ້​ວ່າ ທັງ​ສອງ​ຝ່າຍ​ໄດ້​ເຫັນ​ດີ​ເປັນ​ເອກະສັນ​ກັນ ໃນ​ການ​ເພີ່ມ​ທະວີ​ການ​ຕິດຕໍ່ ແລະ​ ແລກປ່ຽນ​ໃນ​ຂົງເຂດ​ການເມືອງ ຕັ້ງໜ້າ​ຊຸກຍູ້​ການ​ຮ່ວມ​ມື​ໃນ​ຂົງເຂດ​ເສດຖະກິດ ແລະ ມະນຸດສະທຳ ເພີ່ມ​ທະວີ​ການ​ຊ່ວຍເຫຼືອ ແລະ​ຮ່ວມ​ມື​ຊຶ່ງ​ກັນ ແລະ ກັນ ໃນ​ການ​ແກ້​ໄຂ​ບັນຫາ​ນີວ​ເຄລຍ​ຢູ່​ເທິງ​ແຫຼມ​ເກົາຫຼີ ກໍ​ຄື​ໃນ​ເວທີ​ສາກົນ.

    ຂ່າວ​ໃຫ້​ຮູ້​ອີ​ກວ່າ ແຜນການ​ແລກປ່ຽນ​ໃນ​ປີ 2019-2020 ລະຫວ່າງ​ກະຊວງ​ການ​ຕ່າງປະເທດ​ຂອງ​ສອງ​ປະເທດ ກໍ​ໄດ້​ຮັບ​ການ​ລົງ​ນາມ​ຫຼັງ​ການ​ພົບ​ປະ​ດັ່ງກ່າວ.

ຂ່າວທີ່ກ່ຽວຂ້ອງ